କନକ ବ୍ୟରୋ: ପଳାତକ ବ୍ୟବସାୟୀ ବିଜୟ ମାଲ୍ୟାଙ୍କ ଭାରତ ପ୍ରତ୍ୟର୍ପଣ ନେଇ ଆସିଛି ଗୁରୁତ୍ୱପୂର୍ଣ୍ଣ ରାୟ । ମାଲ୍ୟାଙ୍କ ପ୍ରତ୍ୟର୍ପଣ ନେଇ ସିବିଆଇ ଜୋରଦାର ପ୍ରସ୍ତୁତି କରିଥିବା ବେଳେ କୋର୍ଟ ତରଫରୁ ତାଙ୍କୁ ମିଳିଛି ମଂଜୁରୀ । ଚିଫ ମାଜିଷ୍ଟ୍ରେଟ ଜଜ ଏମା ଏବର୍ଟନଟ ଏହି ରାୟ ଶୁଣାଇଛନ୍ତି । ଏହି ରାୟକୁ ଭିତ୍ତିକରି ଏବେ ମାମଲା ବ୍ରିଟେନର ଗୃହ ସଚିବ ସାଜିଦ ଜାଭିଦଙ୍କ ଅଫିସକୁ ପ୍ରେରଣ କରାଯିବ । ତେବେ ଏହି ରାୟ ବିରୋଧରେ ମାଲ୍ୟା ଲଣ୍ଡନ ହାଇକୋର୍ଟକୁ ଯିବାର ସମ୍ଭାବନା ରହିଛି ।
Kanak News is now on WhatsApp
Join and get latest news updates delivered to you via WhatsApp
କିଛିଦିନ ତଳେ ମାଲ୍ୟା କହିଥିଲେ ଯେ ସେ ଯେଉଁଠାରେ ବି ଥାଆନ୍ତୁ, ଅର୍ଥ ପରିଶୋଧ କରିବାକୁ ରାଜି ଅଛନ୍ତି । ବ୍ୟାଙ୍କମାନେ ତାହାକୁ ନିଅନ୍ତୁ । କିନ୍ତୁ ସେ ଚୋରୀ କରିଥିବା ଚର୍ଚ୍ଚା ବନ୍ଦ ହେଉ ।ପୂର୍ବରୁ ଭାରତୀୟ ଜେଲ ଗୁଡ଼ିକର ଅବସ୍ଥା ଠିକ ନଥିବା ଯୁକ୍ତି ଦର୍ଶାଇ ଭାରତ ଆସିବାକୁ ଏଡ଼ାଇଥିଲେ ମାଲ୍ୟା । ତେବେ ଅଗଷ୍ଟା ୱେଷ୍ଟଲ୍ୟାଣ୍ଡ ହେଲିକପ୍ଟର ଡିଲର ମଧ୍ୟସ୍ଥି ମିଚେଲଙ୍କ ପ୍ରତ୍ୟର୍ପଣ ପରେ ମାଲ୍ୟା ଟଙ୍କା ଫେରସ୍ତ କରିବାକୁ ପ୍ରସ୍ତୁତ ବୋଲି ଟ୍ୱିଟ୍ କରିଥିଲେ । ୨୦୧୬ ମସିହାରୁ ମାଲ୍ୟା ଭାରତରୁ ଫେରାର୍ ହୋଇ ଲଣ୍ଡନରେ ଅଛନ୍ତି । ମାଲ୍ୟାଙ୍କ ନାଁରେ ବିଭିନ୍ନ ବ୍ୟାଙ୍କରୁ ପାଖାପାଖି ୯ ହଜାର କୋଟି ଟଙ୍କା ଋଣ ବକେୟା ରହିଛି । ଆଜି ଏହି ମାମଲାର ଆସିବ ରାୟ ।