ୟୁଜିସି ଦେଉଛି ସ୍କଲାରସିପ୍! ଛାତ୍ରଛାତ୍ରୀ ମାସକୁ ପାଇବେ ୭୮୦୦ ଟଙ୍କା, ଜାଣନ୍ତୁ କିପରି କରିବେ ଆବେଦନ
ୟୁନିଭରସିଟି ଗ୍ରାଣ୍ଟ କମିଶନ ବା ୟୁଜିସି ଏସସି ଓ ଏସଟି ଶ୍ରେଣୀର ଛାତ୍ରଛାତ୍ରୀଙ୍କ ଆର୍ଥିକ ସହାୟତା ପାଇଁ ଛାତ୍ରବୃତ୍ତି ଦେଉଛି । ଯେଉଁ ଛାତ୍ରଛାତ୍ରୀ ମାନେ ଇଣ୍ଡିଆନ ଇନଷ୍ଟିଚ୍ୟୁଟ କିମ୍ବା ଦିଲ୍ଲୀ ବିଶ୍ୱବିଦ୍ୟାଳୟରେ ପ୍ରଫେସନାଲ କୋର୍ସ ଯେପରିକି ମ୍ୟାନେଜମେଣ୍ଟ, ଫାର୍ମାସୀ, ଇଞ୍ଜିନିୟରିଙ୍ଗ ଭଳି କୋର୍ସରେ ପିଜି କରୁଥିବେ ସେମାନେ ୟୁଜିସି ଦ୍ୱାରା ଦିଆଯାଉଥିବା ସ୍କଲାରସିପ ପାଇଁ ଆବେଦନ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ୟୁଜିସି ଦ୍ୱରା ଦିଆଯାଉଥିବା ଏହି ସ୍କଲାରସିପ ପାଇଁ ଯୋଗ୍ୟ ବିବେଚିତ ହୋଇଥିବା ଛାତ୍ରଛାତ୍ରୀ ମାନଙ୍କୁ ଆର୍ଥିକ ସହାୟତା ଦିଆଯିବ । ଏହି ସ୍କଲାରସିପରେ ଯୋଗ୍ୟ ଛାତ୍ରଛାତ୍ରୀଙ୍କୁ ମାସିକ ୭୮୦୦ ଟଙ୍କା ଆର୍ଥିକ ସହାୟତା ଦିଆଯିବ । ଠିକ୍ ସେହିଭଳି ME ଓ M.Tech କରୁଥିବା ଛାତ୍ରଛାତ୍ରୀଙ୍କୁ ବର୍ଷକୁ ୧୫୦୦୦ ଟଙ୍କା ଛାତ୍ରବୃତ୍ତି ଦିଆଯିବ । ତେବେ ଏହି ସ୍କଲାରସିପ ପାଇବା ପାଇଁ କିଛି ନିୟମ ପାଳନ କରିବାକୁ ପଡିବ । ଫୁଲ ଟାଇମ ପ୍ରଫେସନାଲ କୋର୍ସରେ ପିଜି କରୁଥିବା ଛାତ୍ରଛାତ୍ରୀ ମାନେ ଏହି ସ୍କଲାରସିପର ଫାଇଦା ଉଠାଇପାରିବେ ।
ତେବେ Distance course କିମ୍ବା Open University ପ୍ରଫେସନାଲ କୋର୍ସ କରୁଥିବା ଛାତ୍ରଛାତ୍ରୀ ମାନେ ଏହି ସ୍କଲାରସିପ ପାଇଁ ଆବେଦନ କରିପାରିବେ ନାହିଁ । ଏହି ସ୍କଲାରସିପରେ ଆବେଦନ କରିବା ପାଇଁ ପୁରୁଷଙ୍କ ସର୍ବାଧିକ ବୟସ ୪୫ ବର୍ଷ ଥିବା ବେଳେ ମହିଳାଙ୍କ ବୟସ ସର୍ବାଧିକ ୫୦ ବର୍ଷ ରଖାଯାଇଛି । ୟୁଜିସିର ଅଫିସିଆଲ ୱେବସାଇଟ www.ugc.ac.in ରେ ଆବେଦନ କରିପାରିବେ । ଆବେଦନ କରିବାର ଶେଷ ତାରିଖ ରହିଛି ୩୧ ଜାନୁଆରୀ । ଛାତ୍ରଛାତ୍ରୀ ମାନେ ଅନଲାଇନ ଦ୍ୱାରା ଏହି ସ୍କଲାରସିପ ପାଇଁ ଆବେଦନ କରିପାରିବେ । ଅଧିକ ତଥ୍ୟ ପାଇଁ www.ugc.ac.in ଲଗ ଅନ କରନ୍ତୁ ।
courtesy- aajtak