ଉବର ଆପ୍ ଯୋଡ଼ିଲା ଦୁଇ ନୂଆ ଫିଚର ! ଯାତ୍ରା ସମୟରେ ଅନେକ ସ୍ଥାନରେ ଅଟକି ପାରିବେ ଯାତ୍ରୀ
ଉବର ଆପ୍ ଯୋଗୁଁ ଏବେ ଲୋକେ ଅତି ସୁବିଧାରେ ଯାତ୍ରା କରି ପାରୁଛନ୍ତି । ଉବର ଭାରତରେ ଯାତ୍ରୀଙ୍କୁ ଅଧିକ ସୁବିଧା ଯୋଗାଇବା ପାଇଁ ଲଗାତାର କାମ କରୁଛି । ଏଥି ମଧ୍ୟରେ ଉବର ଆଜି ଦୁଇଟି ନୂଆ ଫିଚରକୁ ନିଜ ଆପରେ ଯୋଡ଼ିଛି । ଟ୍ୟାକ୍ସି ସେବା ଯୋଗାଉଥିବା ଉବର ଯାତ୍ରୀଙ୍କ ସୁବିଧା ପାଇଁ ଦୁଇ ନୂତନ ଫିଚର ଯଥା ‘ଇନ ଆପ ଚାର୍ଟ ଓ ମଲ୍ଟି ଡେଷ୍ଟିନେସନ’ ଫିଚର ଯୋଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
ନୂତନ ଫିଚର ‘ଇନ ଆପ ଚାର୍ଟ’ ମାଧ୍ୟମରେ ବିନା ଟଙ୍କାରେ ଯାତ୍ରୀ ଗାଡ଼ି ଚାଳକ ସହ ଚାର୍ଟ କରିପାରିବେ । ଅର୍ଥାତ୍ ଗାଡ଼ି ଚାଳକ କେଉଁଠି ଅଛନ୍ତି ଓ ଆଉ କେତେ ସମୟ ଲାଗିବ ସବୁ କିଛି ଜାଣିପାରିବେ ଯାତ୍ରୀ । ତେବେ ଏହି ପ୍ରକ୍ରିୟା ମାଧ୍ୟରେ ଯାତ୍ରୀ ଓ ଗାଡ଼ି ଚାଳକର ଉଭୟଙ୍କ ନମ୍ବର କାହାକୁ ଦେଖାଯିବ ନାହିଁ । କେବଳ ଏତିକି ନୁହେଁ ‘ମଲ୍ଟି ଡେଷ୍ଟିନେସନ’ ଫିଚରରେ ସାହାଯ୍ୟରେ ଯାତ୍ରୀ ଅନେକ ସ୍ଥାନରେ ଅଟକି ପାରିବାର ମଧ୍ୟ ବିକଳ୍ପ ରହିଛି । ଏହି ଫିଚରର ବ୍ୟବହାର ବୁକିଂ ସମୟରେ ମଧ୍ୟ କରାଯାଇ ପାରିବ । କିନ୍ତୁ ଯାତ୍ରା ମଧ୍ୟରେ ଯାତ୍ରୀ କେବଳ ତିନି ମିନିଟରୁ ଅଧିକ ସମୟ ରହି ପାରିବେ ନାହିଁ ବୋଲି କମ୍ପାନି ପ୍ରକାଶ କରିଛିି ।
କମ୍ପାନି କହିବା ଅନୁସାରେ, ଏହି ନୂଆ ‘ମଲ୍ଟି ଡେଷ୍ଟିନେସନ’ ଫିଚର ଜରିଆରେ ଯଦି ଯାତ୍ରୀ ନିଜର କୌଣସି ବନ୍ଧୁ ବା ସମ୍ପର୍କୀୟଙ୍କୁ ଗୋଟିଏ ସ୍ଥାନରୁ ପିକ୍ ଅପ ପରି ତାଙ୍କ ଗନ୍ତବ୍ୟ ସ୍ଥାନରେ ଛାଡି ପାରିବେ । ଅର୍ଥାତ୍ ଏବେ ଯାତ୍ରା ସମୟରେ ନିଜର ବନ୍ଧୁ କିମ୍ବା ସମ୍ପର୍କୀୟଙ୍କୁ ଆପଣ ନିଜେ ଯାତ୍ରା କରୁଥିବା ଗାଡ଼ିରେ ଗନ୍ତବ୍ୟ ସ୍ଥାନରେ ପହଞ୍ଚାଇପାରିବେ ।