ଆକାଶରେ ଉଡିବ ଟାକ୍ସି ! ଏଣିକି ଟାକ୍ସି ଭଡାରେ ଆପଣ ନେଇପାରିବେ ବିମାନର ମଜା ।
ଏଣିକି ଆକାଶମାର୍ଗରେ ଯାତ୍ରା କରିବା ଆପଣଙ୍କ ପାଇଁ ଅତ୍ୟନ୍ତ ସୁବିଧାଜନକ ହୋଇପାରିବ । କିନ୍ତୁ ବିମାନରେ ନୁହେଁ ବରଂ ଟାକ୍ସିରେ ବସି ଆପଣ ଆକାଶରେ ଉଡି ଯାତ୍ରା କରିପାରିବେ । ଆମେରିକା ସହରରେ ଉଡୁଥିବା ଟାକ୍ସିର ସମ୍ଭାବନାକୁ ଖୋଜିବା ପାଇଁ କେବ ସେବା ଦେଉଥିବା କମ୍ପାନୀ ଉବର ଏବଂ ନାସା ଏଥିପାଇଁ ଏକତ୍ର କାମ କରିବେ ।
Kanak News is now on WhatsApp
Join and get latest news updates delivered to you via WhatsApp
ଏହାକୁ ନେଇ ଗତକାଲି ନାସା ପକ୍ଷରୁ କୁହାଯାଇଥିଲା ଯେ, ଆକାଶରେ ଉଡୁଥିବା ଟାକ୍ସିର ପରୀକ୍ଷଣ ଖୁବ ଶୀଘ୍ର ଆରମ୍ଭ ହେବ । ଏବଂ ଏହି ଟାକ୍ସି ଗୁଡିକରେ ଡିଲିବରି ଡ୍ରୋନ ମଧ୍ୟ ରହିବ । ଏହି ଘୋଷଣା ଲସ ଆଞ୍ଜେଲିସରେ ହୋଇଥିବା ଉବର ଏଲିବେଟ ମିଟିଂରେ କରାଯାଇଥିଲା । ଯେଉଁଠାରେ ସହର ବିମାନ ସେବାର ଭବିଷ୍ୟତ ଉପରେ ଚର୍ଚ୍ଚା କରିବା ପାଇଁ ଅନେକ ବିଶେଷଜ୍ଞ ଉପସ୍ଥିତ ରହିଥିଲେ ।
ସୂଚନା ଅନୁଯାୟୀ, ଉବର ଉଡୁଥିବା ଟାକ୍ସିର ଯୋଜନାକୁ ନେଇ ଏକ ବ୍ଲୁପ୍ରିଣ୍ଟ ପ୍ରସ୍ତୁତ କରିଛି । ଉବରର କହିବା ଅନୁସାରେ, ଆଗାମୀ ୨ ବର୍ଷ ମଧ୍ୟରେ ଭର୍ଟିକାଲ ଟେକ ଅଫ ଏବଂ ଲାଣ୍ଡିଙ୍ଗ ସେବା ଆରମ୍ଭ କରିଦିଆଯିବ । ନାସା କହିଛି ଯେ, ଏପରି କରିବାର ଲକ୍ଷ୍ୟ ହେଉଛି ରାଇଡ ସେୟାର କିମ୍ବା କାରପୁଲ ନେଟୱାର୍କ ତିଆରି କରିବା ଯାହା ଯାତ୍ରୀମାନଙ୍କୁ ଏକ ଛୋଟ ବିମାନରେ ଯାତ୍ରା କରିବାର ସୁବିଧା ଦେଇଥାଏ । ଠିକ ସେହିପରି ଯେମିତି ଏବେ କାର ବୁକ କରିବ ପାଇଁ ଆପ ବ୍ୟାବହାର କରୁଛନ୍ତି । ଅନ୍ତରୀକ୍ଷ ଏଜେନ୍ସି କହିଛି ଯେ, ଡାଲାସ ଫୋର୍ଟ ବର୍ଥ ବିମାନବନ୍ଦରରେ ଏହି ଯୋଜନାର ପରୀକ୍ଷଣ କରାଯିବ ।
ତେବେ ଉବର ୨୦୨୦ ମସିହା ପର୍ଯ୍ୟନ୍ତ ଉଡୁଥିବା ଟାକ୍ସି ଏବଂ ଆଗାମୀ ୫ ରୁ ୧୦ ବର୍ଷ ମଧ୍ୟରେ ଅଟୋମେଟିକ ଉଡୁଥିବା ଟାକ୍ସି ତିଆରି କରିବାର ଯୋଜନା ରଖିଛି । ତେବେ ଉବର ପ୍ରସ୍ତୁତ କରିଥିବା ବ୍ଲୁ ପ୍ରିଣ୍ଟରୁ ଜଣାପଡିଛି ଯେ ଏଥିରେ ୪ଜଣ ଲୋକ ବସିବାର କ୍ଷମତା ରହିବ । ତେବେ ଆରମ୍ଭରୁ କିଲୋମିଟର ପିଛା ୩.୮ ଡଲାର ଅର୍ଥାତ ପାଖାପାଖି ୨୫୬ ଟଙ୍କା ଭଡା ରହିବ ।