ସେଲଫି ହେଲା କାଳ : ନଦୀରେ ଭାସିଗଲେ ୨ ଯୁବକ
କନକ ବ୍ୟୁରୋ : ଏବେ ଚାଲିଛି ସେଲଫି ଯୁଗ । କୌଣସି ସ୍ଥାନକୁ ଗଲେ କେହି ସେଲଫି ନେବା ପାଇଁ ଭୁଲିନଥାନ୍ତି । କିନ୍ତୁ ସେହି ସେଲଫି ବେଳେ ବେଳେ ସାଜିଥାଏ ମୃତ୍ୟୁର କାରଣ । ଆପଣ ଶୁଣିଥିବେ ସେଲଫି ନିଶାରେ କେତେବେଳେ ନଦୀରେ ଭାସଗଲେଣି ତ କେତେବେଳ ହିଂସ୍ରଜନ୍ତୁ କବଳରେ ପଡ଼ୁଛି ଜୀବନ । ତଥାପି ସେଲଫି ନିଶା ଛାଡ଼ୁନି । ନିକଟରେ ପୁଣି ଏପରି ଏକ ଘଟଣା ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ସେଲଫି ହେଲା କାଳ । ନଦୀରେ ଭାସିଗଲେ ୨ ଯୁବକ । ଏଭଳି ଅଭାବନୀୟ ଘଟଣା ଘଟିଛି ଗୁଜୁରାଟ ଗାନ୍ଧୀନଗର ନବୋଇ ଅଂଚଳରେ । ସୂଚନା ଅନୁଯାୟୀ ୨ଜଣ ଯୁବକ ସ୍ଥାନୀୟ ଅଂଚଳର ନର୍ମଦା ନଦୀ ଉପରେ ସେଲଫି ନେଉଥିଲେ । ସେହି ସମୟରେ ଜଣେ ଯୁବକଙ୍କ ଗୋଡ ଖସିଯିବାରୁ ନଦୀରେ ପଡିଯାଇଥିଲେ । ତାକୁ ବଂଚାଇବାକୁ ଯାଇ ଅନ୍ୟ ଯୁବକ ଜଣଙ୍କ ପାଣିକୁ ଡେଇଁଥିଲେ । ହେଲେ ନଦୀର ସ୍ରୋତ ଏତେ ପ୍ରୋଖର ଥିଲା ଯେ ୨ଜଣ ଯୁବକ ନିଜକୁ ବଂଚାଇନପାରି ବୁଡିଯାଇଥିଲେ ।
ଦୃଶ୍ୟ କ୍ୟାମେରାରେ କଏଦ୍ ହୋଇଥିବା ବେଳେ ଘଟଣାସ୍ଥଳରେ ଉପସ୍ଥିତ ଥିବା ଲୋକ ତାଙ୍କୁ ଉଦ୍ଧାର କରିବାରେ ଅକ୍ଷମ ହୋଇପଡିଥିଲେ । ପରେ ଗାନ୍ଧୀନଗର ଅଗ୍ନିଶମ ବାହିନୀ ଘଟଣାସ୍ଥଳରେ ପଂହଚ ସେମାନଙ୍କ ଉଦ୍ଧାର କାର୍ଯ୍ୟ ଆରମ୍ଭ କରିଥିବା ବେଳେ ଏବେ ପର୍ଯ୍ୟନ୍ତ ସେମାନଙ୍କ ପତା ମିଳିପାରିନାହିଁ ।