କନକ ବ୍ୟୁରୋ : ମୁଣ୍ଡରେ ବନ୍ଧୁକ ଲଗାଇ ସର୍ବସ୍ୱ ଲୁଟି ନିଏ ଲୁଟେରା । ଲୁଟେରାର ବନ୍ଧୁକ ଗର୍ଜନ କରିବା ପୁର୍ବରୁ ନିଜର ସର୍ବସ୍ୱ ଲୁଟେରା ହାତକୁ ବଢାଇ ଦେଇଥାଏ ବ୍ୟକ୍ତି ଜଣକ । କାହିଁକି ନା ଜୀବନ ଆଗ ଆଉ ଜିିନିଷ ପଛ । ଲୁଟେରା ଜଣକ ମୁଣ୍ଡରେ ବନ୍ଧୁକ ରଖି ବ୍ୟକ୍ତିଙ୍କ ପାଖରେ ଥିବା ଗାଡି, ସୁନା, ଟଙ୍କା, ମୋବାଇଲ, ଏଟିଏମ୍ କାର୍ଡ ଆଦି ଲୁଟିନିଏ । କାହିଁକି ନା ଲୁଟେରାର ଟ୍ରିଗର ଦବିବା ଆଗରୁ ଛାନିଆ ହୋଇପଡନ୍ତି ।
Kanak News is now on WhatsApp
Join and get latest news updates delivered to you via WhatsApp
ହେଲେ କେହି କେବେ ବି ଭାବି ନଥାନ୍ତି ଯେ, ଲୁଟେରା ହାତରେ ଥିବା ବନ୍ଧୁକଟି ଅସଲି ନା ନକଲି । ନକଲି ବନ୍ଧୁକ ଧରି ଅସଲି ଲୁଟ କରୁଥିବା ୨ ଜଣ ଡକାୟତଙ୍କୁ ପୁଲିସ ହାତକଡି ପିନ୍ଧାଇଛି । ଯେଉଁମାନେ ନକଲି ବନ୍ଧିକରେ କରୁଥିଲେ ଅସଲି ଲୁଟ୍ । ଗଞ୍ଜାମର ଦୁର୍ଦାନ୍ତ ଅପରାଧୀ ଶୁସାନ୍ତ ମହାନ୍ତି ଓ ଯାଜପୁରର ଜୀବନ ଜ୍ୟୋତି ପଣ୍ଡା । ଏହି ଖେଳନା ବନ୍ଧୁକ ଧରି ସାରା ରାଜ୍ୟରେ ଆତଙ୍କ ଖେଳାଇ ଦେଇଥିଲେ ଏହି ୨ ଦୁର୍ଦାନ୍ତ ଅପରାଧୀ ।
ଭୁବନେଶ୍ୱର ଆଳୁଗଦି ମାଲିକଙ୍କ ଠାରୁ ୧ଲକ୍ଷ, ରାଜଧାନୀ କଲେଜ ସମ୍ମୁଖରୁ ସେଲସମ୍ୟାନଙ୍କ ଠାରୁ ସାଢେ ୨ଲକ୍ଷ, ବୁିଗୁଡା ସୁନା ଦୋକାନୀଙ୍କ ଠାରୁ ଲକ୍ଷାଧିକ ଟଙ୍କାର ଗହଣା ଭଳି ସଙ୍ଗୀନ ମାମଲାରେ ଏମାନଙ୍କର ସଂପୃକ୍ତି ଥିବା ପୁଲିସ କହିଛି । ଗ୍ୟାଙ୍ଗର ଆଉ ଜଣେ ହାର୍ଡକୋରକୁ ପୁଲିସ ଖୋଜୁଛି ।