ଦୁଇ ଯୁବତୀଙ୍କ ଅଜବ ପ୍ରେମ ! ବିବାହ ପାଇଁ କରାଇଲେ ଲିଙ୍ଗ ପରିବର୍ତ୍ତନ, ଏବେ ପତ୍ନୀ ମାଗୁଛି ଛାଡ଼ପତ୍ର
୫ ବର୍ଷ ପୂର୍ବେ ଦୁଇ ଯୁବତୀଙ୍କ ମଧ୍ୟରେ ବନ୍ଧୁତା ହେଲା । କିଛି ସମୟ ପରେ ବନ୍ଧୁତା ପ୍ରେମରେ ପରିବର୍ତ୍ତିତ ହେଲା । ଉଭୟ ପରସ୍ପରଙ୍କୁ ନ ଦେଖି ରହିପାରୁନଥିଲେ । ତା’ପରେ ସେମାନେ ବିବାହ କରିବାର ନିଷ୍ପତ୍ତି ନେଲେ । କିନ୍ତୁ ଉଭୟଙ୍କ ବିବାହକୁ ନା ସମାଜ ଅନୁମତି ଦେଲା ନା ସେତେବେଳର ଆଇନ୍ । ଏହା ଭାବି ଜଣେ ଯୁବତୀ ନିଜର ଲିଙ୍ଗ ପରିବର୍ତ୍ତନ କରାଇ ପୁଅ ବନିଗଲେ । ଏହାପରେ ଦୁହେଁ ବିବାହ କଲେ ।
Kanak News is now on WhatsApp
Join and get latest news updates delivered to you via WhatsApp
କିଛି ବର୍ଷ ପର୍ଯ୍ୟନ୍ତ ଉଭୟଙ୍କ ଭିତରେ ସବୁକିଛି ଠିକ୍ ଚାଲିଲା, କିନ୍ତୁ ଏହାପରେ ଉଭୟଙ୍କ ପ୍ରେମ ଘୃଣାରେ ବଦଳିଗଲା । କାହିଁକିନା ପତ୍ନୀ, ପତିଙ୍କ ଠାରୁ ସନ୍ତୁଷ୍ଟ ହୋଇପାରୁନଥିଲେ । ଏବେ ମାମଲା ଛାଡପତ୍ର ପର୍ଯ୍ୟନ୍ତ ପହଂଚିଗଲାଣି । ସେଥିପାଇଁ ପତ୍ନୀ ଜିଲ୍ଲା ଜଜ୍ ମହିଳା ଏବଂ ବାଳ ସଂରକ୍ଷଣ କାର୍ଯ୍ୟାଳୟରେ ଅଭିଯୋଗ କରି କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
ସୂଚନାଯୋଗ୍ୟ, ପାଖାପାଖି ୬ମାସ ପର୍ଯ୍ୟନ୍ତ ଦୁଇଜଣ ଯୁବତୀଙ୍କ ଏକ କ୍ୟାମ୍ପରେ ସାକ୍ଷାତ ହୋଇଥିଲା । ସେହି ସମୟରେ ଲିଙ୍ଗ ପରିବର୍ତ୍ତନ କରିଥିବା ଯୁବତୀ ଜଣକ ଶିକ୍ଷକ ଥିଲେ, ଯେବେକି ପତ୍ନୀ ଛାତ୍ରୀ ଥିଲେ । ଶିକ୍ଷିକା ଜଣକ ୧୦ ଲକ୍ଷ ଟଙ୍କା ଖର୍ଚ୍ଚ କରି ଲିଙ୍ଗ ପରିବର୍ତ୍ତନ କରାଇଥିଲେ । ଉଭୟ ହିନ୍ଦୁ ରୀତିନୀତି ଅନୁସାରେ ବିବାହ କରି ଏକ ଶିଶୁକୁ ପୋଷ୍ୟ ଗ୍ରହଣ କରିଥିଲେ । ଉଭୟଙ୍କ ବିବାଦ ପରେ ଏବେ ଏହି ଶିଶୁ ପାଇଁ ଅସୁବିଧା ସୃଷ୍ଟି ହୋଇଗଲାଣି ।