ନବରଙ୍ଗପୁର : ବିଜେପି ଅବଜରଭର କହି ଠକୁଥିଲେ, ଦୁଇଜଣଙ୍କୁ ଅଟକ ରଖି ପଚରାଉଚରା କରୁଛି ଉମରକୋଟ୍ ପୋଲିସ୍
କନକ ବ୍ୟୁରୋ : ନିଜକୁ ବିଜେପି ଅବଜରଭର କହି ଲୋକଙ୍କୁ ଠକୁଥିବା ଦୁଇଜଣଙ୍କୁ ନବରଙ୍ଗପୁର ଜିଲ୍ଲା ଉମରକୋଟ ପୋଲିସ ଦୁଇଜଣଙ୍କୁ ଅଟକ ରଖି ପଚରାଉଚରା କରିଛି । ଏମାନେ ହେଲେ ପାର୍ଥ ଦେ ଓ ରମଣ ମିଶ୍ରା । ନିଜକୁ ବିଜେପିର ଅବଜରଭର ଓ ବିଜେପି ସଭାପତି ଅମିତ ଶାହ ତାଙ୍କୁ ପଠାଇଥିବା କହି ବିଭିନ୍ନ ନିର୍ବାଚନମଣ୍ଡଳୀ ବୁଲୁଥିଲେ । ଟିକେଟ ଦିଆଯିବ କହି ବିଭିନ୍ନ ଲୋକଙ୍କଠାରୁ ଟଙ୍କା ଆଦାୟ କରୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ଉମରକୋଟରେ ଗତ ଅକ୍ଟୋବର ମାସରେ ଝରିଗାଁ ନିର୍ବାଚନମଣ୍ଡଳୀର ଜଣେ ଆଶାୟୀ ପ୍ରାର୍ଥୀ ନରସିଂହ ଭତ୍ରାଙ୍କୁୁ ହୋଟେଲେକୁ ଡକାଇ ତାଙ୍କଠାରୁ ୩ ଲକ୍ଷ ଟଙ୍କା ମାଗିନେଇଥିଲେ । ଏ ନେଇ ସେ ଥାନାରେ ଏତଲା ଦେଇଥିଲେ । ଉମରକୋଟକୁ ଏହି ଦୁଇଜଣ ଠକ ଆସିଥିବାବେଳେ ବିଜେପି କର୍ମୀମାନେ ଧରି ପୋଲିସରେ ଜିମା ଦେଇଥିଲେ । ଏ ନେଇ ବିଜେପି ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ । ତଦନ୍ତରେ ବାଧା ସୃଷ୍ଟି ହେବା ଦର୍ଶାଇ ପୋଲିସ ମଧ୍ୟ କିଛି କହିବାକୁ ମନାକରିଦେଇଛି ।