ପୋଲିସ ଜାଲରେ ଦୁଇ ନକଲି ନକ୍ସଲ । ୫ ଲକ୍ଷ ଟଙ୍କା ଦେବାକୁ ସୁପରଭାଇଜରଙ୍କୁ ଦେଇଥିଲେ ଧମକ, ଗିରଫ କଲା ପୋଲିସର ସ୍ୱତନ୍ତ୍ର ଟିମ୍ ।

5

କନକ ବ୍ୟୁରୋ: ଧରାପଡ଼ିଲେ ଦୁଇ ନକଲି ନକ୍ସଲ । ସୂଚନା ମୁତାବକ ମାଲକାନଗିରି ପୁଲିସ  ଦୁଇଜଣ ନକଲି ନକ୍ସଲଙ୍କୁ ଗିରଫ କରିଛି। ଦୁଇ ନକଲି ନକ୍ସଲଙ୍କ ନାମ କେଶବ ଖିଲ ଓ ରାମଚନ୍ଦ୍ର ମାଝୀ ବୋଲି ଜଣାପଡ଼ିଛି । ତେବେ କେଶବ ଖିଲ ଓ ରାମଚନ୍ଦ୍ର ମାଝୀ ନକଲି ନକ୍ସଲ ସାଜି ମୋଟୁ ତହସିଲରେ କାର୍ଯ୍ୟରତ ସୁପରଭାଇଜର ଚିହ୍ନା ରାଓଙ୍କୁ ନକ୍ସଲ ନାମରେ ୫ଲକ୍ଷ ଟଙ୍କା ଧମକ ଦେଇ ମାଗିଥିଲେ। ଚିନ୍ନା ରାଓ ଏନେଇ ମାଲାକନଗିରି ଥାନାରେ ଏତଲା ଦେଇଥିଲେ।

ଏହାପରେ ମାଲାକନଗିରି ଆଇଆଇସି ସୌମେନ୍ଦୁ ଶେଖର ଦାସ ଏକ ସ୍ୱତନ୍ତ୍ର ଟିମ୍ ଗଠନ କରିଥିଲେ । ପରେ ପରେ ଫିଲ୍ମ ଷ୍ଟାଇଲ୍ରେ ଫୋନ୍ ଟ୍ରାକିଂ କରି ଆଦିବାସୀ କୁଲି ଓ ଚାଷୀ ବେଶରେ ଯାଇ ଟଙ୍କା ନେବାକୁ କହିଥିବା ସ୍ଥାନରେ ଛପି ରହିଥିଲା ଏହି ସ୍ୱତନ୍ତ୍ର ଟିମ୍ । କିଛି ସମୟରେ ସେହି ସ୍ଥାନକୁ ଦୁଇ ନକଲି ନକ୍ସଲ ଆସି ପହଞ୍ଚିଥିଲେ । ଏହାପରେ ପୂର୍ବରୁ ଲୁଚି ରହିଥିବା ପୁଲିସ ଟିମ୍ ନକଲି ନକ୍ସଲକୁ କାବୁ କରି ଗିରଫ କରିଥିଲେ। ତେବେ କେଶବ ଖିଲ ହେଉଛନ୍ତି ଚିତ୍ରକୋଣ୍ଡା ତହସିଲ କାର୍ଯ୍ୟାଳୟର କନିଷ୍ଠ କିରାଣି ।

Comments are closed.