ପ୍ରଥମ ପର୍ଯ୍ୟାୟ ଅପରେସନ ପରେ ଜଗା ବଳିଆ ସୁସ୍ଥ ! ୩ଟି ପର୍ଯ୍ୟାୟରେ ଅସ୍ତ୍ରୋପଚାର ହେବା ନେଇ କନକ ନ୍ୟୁଜକୁ ସୂଚନା ଦେଲେ ଏମ୍ସ ବିଭାଗୀୟ ମୁଖ୍ୟ ଅଶୋକ ମହାପାତ୍ର
କନକ ବ୍ୟୁରୋ: ପ୍ରଥମ ପର୍ଯ୍ୟାୟ ଅପରେସନ ପରେ ଜଗା ବଳିଆଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହିଛି । ସେମାନଙ୍କ ସ୍ୱାସ୍ଥ୍ୟବସ୍ଥା ଭଲ ଥିବା ନେଇ କହିଛନ୍ତି ଏମ୍ସର ବିଭାଗୀୟ ମୂଖ୍ୟ ଅଶୋକ ମହାପାତ୍ର । ତିନୋଟି ପର୍ଯ୍ୟାୟରେ ଜଗାବଳିଆଙ୍କ ଅପରେସନ ହେବ । ଅନ୍ୟ ଯାଆଁଳା ମୁଣ୍ଡ ଥିବା ଶିଶୁ ଅପେକ୍ଷା ଜଗା ବଳିଆଙ୍କ ଅଧିକ ସମସ୍ୟା ରହିଥିବା ଅଶୋକ ମହାପାତ୍ର କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପ୍ରଥମେ ଜଗାବଳିଆଙ୍କ ମୁଣ୍ଡ କେତେ ପରିମାଣରେ ଯୋଡ଼ି ହୋଇରହିଛି, ଏବଂ କେଉଁ କେଉଁ ଶିରାପ୍ରଶିରା ଯୋଡ଼ି ହୋଇ ରହିଛି ତାର ଅନୁଧ୍ୟାନ କରାଯାଇଥିଲା । କାରଣ ଦୁଇଟି ପିଲାର ଦୁଇଟି ମସ୍ତିଷ୍କକୁ ଅଲଗା କରିବାକୁ ହେବ । ତେବେ ଯାଇ ଦୁଇ ଜଣଙ୍କୁ ସଂପୂର୍ଣ ଭାବେ ସଫଳତାର ସହ ଅଲଗା କରିହେବ । ପ୍ରଥମ ପର୍ଯ୍ୟାୟ ଅପରେସନରେ ଏହାକୁ ଅନୁଧ୍ୟାନ କରାଯିବା ସହ ଯେଉଁ ଶିରାପ୍ରଶିରାଗୁଡ଼ିକ ଯୋଡ଼ି ହୋଇ ରହିଥିଲା କିମ୍ବା ଦୁଇଟି ସ୍ଥାନରେ ଗୋଟିଏ ଥିଲା ସେହି ସ୍ଥାନରେ କୃତ୍ରିମ ଭାବେ ତିଆରି ହୋଇଥିବା ଶିରାପ୍ରଶିରା ରୋପଣ କରାଯାଇଛି । ତେଣୁ ଦୁଇଟି ମୁଣ୍ଡକୁ ଅଲଗା କରିବାର ଏହି ମିଶନ୍ ବେଶ୍ ଆଗକୁ ବଢ଼ିଛି ।
ତେବେ ପ୍ରଥମ ପର୍ଯ୍ୟାୟ ଅପରେସନ ବେଳେ ଜଗା ବଳିଆଙ୍କ ମୁଣ୍ଡରେ କ୍ରୁତିମ ଭେନ୍ ଲଗାଯାଇଛି । ମଙ୍ଗଳବାର ସକାଳ ୯ଟାରୁ ଯାଆଁଳା ଶିଶୁ ଜଗା ବଳିଆଙ୍କ ଅପରେସନ ଆରମ୍ଭ କରାଯାଇଥିଲା । ପାଖାପାଖି ୨୦ ଘଂଟା ଧରି ଅପରେସନ ଚାଲିଥିଲା । ୪୦ ଜଣିଆ ଡାକ୍ତରୀ ଟିମ ଅସ୍ତ୍ରୋପଚାର କରିଥିଲେ ।