ବିବାଦ ଘେରରେ ଲୋକପ୍ରିୟ ଆଙ୍କର ଅଞ୍ଜନା ଓମ୍ କଶ୍ୟପ୍ ! ଲାଇଭ୍ ଟିଭିରେ ଯୁବନେତା ଆଦିତ୍ୟ ଠାକରେଙ୍କୁ ଶିବସେନାର ରାହୁଲ୍ ଗାନ୍ଧୀ ବୋଲି କହି ଫସିଲେ ମହିଳା ଆଙ୍କର ।
ରାଜନୀତିରେ ପ୍ରତିଦିନ କିଛି ନା କିଛି ବିଷୟକୁ ନେଇ ନେତାମାନେ ଚର୍ଚ୍ଚାର ପରିସରକୁ ଆସିଥାନ୍ତି । ତେବେ କିଛି ନେତା ପବ୍ଲିସିଟି ପାଇଁ ଏଭଳି ବିବାଦୀୟ ମନ୍ତବ୍ୟ ଦେଇଥାନ୍ତି ତ ଆଉ କିଛି କଥା କଥାରେ ହିଁ ଭୁଲ୍ ଶବ୍ଦ ପ୍ରୟୋଗ କରିଦିଅନ୍ତି । ରାଜନୀତିରେ ଏଭଳି କିଛି ହେବା ସାଧାରଣ କଥା । କିନ୍ତୁ ବର୍ତ୍ତମାନ ଜଣେ ଲୋକପ୍ରିୟ ନ୍ୟୁଜ୍ ଆଙ୍କରଙ୍କ ଭିଡିଓ ଭାଇରାଲ୍ ହେଉଛି ଯେଉଁଠି ସେ ଶିବସେନାର ଯୁବନେତା ତଥା ଶିବସେନା ସୁପ୍ରିମୋ ଉଦ୍ଧବ ଠାକରେଙ୍କ ପୁଅ ଆଦିତ୍ୟ ଠାକରେଙ୍କୁ ଶିବସେନାର ରାହୁଲ୍ ଗାନ୍ଧୀ ବୋଲି କହୁ୍ଛନ୍ତି । ଲାଇଭ୍ ଶୋ’ରେ ଆଙ୍କରଙ୍କ କଥାକୁ ମ୍ୟୁଟ୍ କରାଯାଇନଥିଲା ଯେଉଁଥିପାଇଁ ସେ କହିଥିବା ଶବ୍ଦ ଟିଭିରେ ଶୁଣିବାକୁ ମିଳିଥିଲା । ତେବେ ଏଭଳି ବୟାନ୍ ଦେବା ଏବେ ଆଙ୍କରଙ୍କ ପାଇଁ ମହଙ୍ଗା ପଡିଛି । ପ୍ରସିଦ୍ଧ ନ୍ୟୁଜ୍ ଚ୍ୟାନେଲ୍ ଆଜ୍ ତକ୍ ର ଲୋକପ୍ରିୟ ମହିଳା ଆଙ୍କର ତଥା ପତ୍ରକାର ଅଞ୍ଜନା ଓମ୍ କଶ୍ୟପ୍ ଏବେ ଏହି ବିବାଦରେ ଛନ୍ଦି ହୋଇ ପଡିଛନ୍ତି । ପିସିଆର୍ ର ଭୁଲ୍ କାରଣରୁ ଏଭଳି ଭୁଲ୍ ହୋଇଥିବା ଜଣାପଡିଥିଲା କିନ୍ତୁ ଏହାର ପରିଣାମ ଏବେ ଏହି ଆଙ୍କରଙ୍କୁ ଭୋଗିବାକୁ ପଡିଛି । ଲାଇଭ୍ ଚାଲିଥିବା ସମୟରେ ଶୁଣିବାକୁ ମିଳୁଛି ଯେ , ଆଦିତ୍ୟ ଶିବସେନାର ରାହୁଲ୍ ଗାନ୍ଧୀ ସାବ୍ୟସ୍ତ ହେବ ଲେଖିକି ରଖିନିଅ । ଏବେ ଅଞ୍ଜନାଙ୍କ ଏହି ଅନଅଫିସିଆଲ୍ ବୟାନ୍ କ୍ଲିପ୍ କୁ ନେଇ ସୋସିଆଲ୍ ମିଡିଆରେ ଖୁବ୍ ଟ୍ରୋଲ୍ ହେଉଛନ୍ତି ଅଞ୍ଜନା ଓମ୍ କଶ୍ୟପ୍ । ତେବେ କିଛି ୟୁଜର୍ସ ଏଥିପାଇଁ ତାଙ୍କୁ ସମର୍ଥନ ମଧ୍ୟ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
चैनलों में पीसीआर की गड़बड़ी से बहुत सारी बातें सामने आ जाती हैं। जो बात एंकर चैनल पर नहीं कह सकता, वो भी कह देते है। @anjanaomkashyap ने @ShivSena के आदित्य ठाकरे को @INCIndia का @RahulGandhi करार दिया है। ठीक 30 सेकेंड पर ऑडियो सुनिए…. pic.twitter.com/W0eJKCw0Wa
— Dr. Harish Chandra Burnwal (@hcburnwal) September 21, 2019
ଏବେ ଅଞ୍ଜନାଙ୍କ ଏହି ବୟାନ୍ ଉପରେ ପ୍ରିୟଙ୍କା ଚତୁର୍ବେଦୀ ଯବାବ୍ ରଖି କହିଛନ୍ତି , କିଏ କ’ଣ ସାବ୍ୟସ୍ତ ହେବ ତାହା ତ ସମୟ କହିବ , କିନ୍ତୁ କିଛି ଲୋକ ତ ବହୁତ ପୂର୍ବରୁ ହିଁ ଭଡାର ଚାଟୁକାର ସାବ୍ୟସ୍ତ ହୋଇସାରିଛନ୍ତି । ଆପଣ ନିଜ ପତ୍ରକାରିତା ଉପରେ ଧ୍ୟାନ ଦିଅନ୍ତୁ , ପଇସା ଦେଲେ ତ ରାସ୍ତାକଡରେ ବସିଥିବା ଶୁଆ ବି ଭବିଷ୍ୟବାଣୀ କରିବ । ତେବେ ଅଞ୍ଜନାଙ୍କ ଏହି ବୟାନକୁ ନେଇ ଶିବସେନା ପକ୍ଷରୁ କୌଣସି ପ୍ରତିକ୍ରିୟା ଆସିନାହିଁ । କିନ୍ତୁ ଅଞ୍ଜନାଙ୍କ ଏହି ବୟାନରେ ନୂଆ ବିବାଦ ଉପୁଜିବ ଏଥିରେ କୌଣସି ସନ୍ଦେହ ନାହିଁ ।
कौन क्या साबित होगा वो तो समय ही तय करेगा, पर कुछ लोग तो बहुत पहले से ही भाड़े के टट्टु साबित हो चुके हैं! पत्रकारित्ता पर ध्यान दें, भविष्यवाणी तो तोता भी सड़कों पर पैसे से करता है।
— Priyanka Chaturvedi (@priyankac19) September 21, 2019