ଲାଇଭ୍ ସୋ’ରେ ବାଡିଆପିଟା ! ପାକିସ୍ତାନର ଟିଭି ଷ୍ଟୁଡିଓରେ ଲାଇଭ ଡିବେଟ୍ ବେଳେ ପିଟିଆଇ ନେତା ଓ ବରିଷ୍ଠ ପତ୍ରକାରଙ୍କ ମଧ୍ୟରେ ଠେଲାପେଲା, ଭିଡିଓ ଭାଇରାଲ
କନକ ବ୍ୟୁରୋ: ପାକିସ୍ତାନର ଏକ ଟିଭି ଚ୍ୟାନେଲରେ ଲାଇଭ ଡିବେଟ ଚାଲିଥିବା ବେଳେ ହଙ୍ଗାମା । ପିଟିଆଇ ନେତା ଓ ପାନେଲିଷ୍ଟ ଥିବା ଜଣେ ବରିଷ୍ଠ ସାମ୍ବାଦିକଙ୍କ ମଧ୍ୟରେ କଥା କଟାକଟି ଚାଲିଥିବା ସମୟରେ ପରିସ୍ଥିତି ଏପରି ହୋଇଥିଲା ଯେ ପରସ୍ପରକୁ ଠେଲାପେଲା କରିବା ଯାଏଁ କଥା ଯାଇଥିଲା । ପାକିସ୍ତାନ ତେହେରିକ ଇ ଇନସାଫର ନେତା ମସରୁର ଅଲି ଏବଂ କରାଚି ପ୍ରେସ କ୍ଲବର ପ୍ରେସିଡେଂଟ ଇମତିଆଜ ଖାନଙ୍କ ମଧ୍ୟରେ ଏହି ଅଭାବନୀୟ ପରିସ୍ଥିତି ସୃଷ୍ଟି ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
Is this Naya Pakistan? PTI’s Masroor Ali Siyal attacks president Karachi press club Imtiaz Khan on live news show. pic.twitter.com/J0wPOlqJTt
— Naila Inayat नायला इनायत (@nailainayat) June 24, 2019
ଉଭୟ ଆଲୋଚନାରେ ଭାଗ ନେଉଥିବା ବେଳେ ଯୁକ୍ତିତର୍କ ଆରମ୍ଭ ହୋଇଥିଲା । ଉତ୍ୟକ୍ତ ହୋଇ ପିଟିଆଇ ନେତା ନିଜ ସ୍ଥାନରୁ ଉଠିପଡି ପାନେଲିଷ୍ଟ ଥିବା ବରିଷ୍ଠ ସାମ୍ବାଦିକଙ୍କୁ ଅଚାନକ ଠେଲାପେଲା କରିଥିଲେ । ଏଥିରେ ତଳେ ପଡିଯାଇଥିଲେ ସାମ୍ବାଦିକ । ପୁଣିଥରେ ସାମ୍ବାଦିକ ଜଣଙ୍କ ତଳୁ ଉଠିପଡି ପିଟିଆଇର ଏହି ନେତାଙ୍କୁ ଜାବୁଡି ଧରିଥିଲେ । ଏହି ସମୟର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।