‘ଦେବେଁ କେ ଦେବ ମହାଦେବ’ରେ ରାମଙ୍କ ଚରିତ୍ରରେ ଅଭିନୟ କରିଥିବା ପୀୟୁଷଙ୍କ ବିରୋଧରେ ଦୁଷ୍କର୍ମ ଅଭିଯୋଗ ! ଗିରଫ ହେଲେ ଟେଲିଭିଜନ୍ ତାରକା
ଲୋକପ୍ରିୟ ଟେଲିତାରକାଙ୍କ ବିରୋଧରେ ଦୁଷ୍କର୍ମ ଅଭିଯୋଗ । ଲାଇଫ ଓକେ ଚ୍ୟାନେଲର ‘ଦେବେଁ କେ ଦେବ ମହାଦେବ’ ପୌରାଣିକ ସିରିଏଲରେ ଭଗବାନ ରାମଙ୍କ ଭୂମିକାରେ ଅଭିନୟ କରିଥିବା ଟିଭି ଷ୍ଟାର ପୀୟୁଷ ସହଦେବଙ୍କୁ ମୁମ୍ବାଇ ପୁଲିସ ଜଣେ ମହିଳା କଳାକାରଙ୍କୁ ଦୁଷ୍କର୍ମ କରିବା ଅଭିଯୋଗରେ ଗିରଫ କରିଛି । ବମ୍ବେ ଟାଇମ୍ସର ରିର୍ପୋଟ ଅନୁସାରେ ବର୍ସୋବା ପୁଲିସ ଥାନାର ବରିଷ୍ଠ ପୋଲିସ ଅଧିକାରୀ, ପୀୟୁଷ ସହଦେବଙ୍କ ଦୁଷ୍କର୍ମ ମାମଲାରେ ଗିରଫ ହୋଇଥିବା କଥା ସ୍ପଷ୍ଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବରିଷ୍ଠ ପୋଲିସ ଅଧିକାରୀଙ୍କ ବୟାନ ଅନୁସାରେ ପୀୟୁଷଙ୍କ ବିରୁଦ୍ଧରେ ୨୦ ନଭେମ୍ବର ଦିନ ପ୍ରାଥମିକ ଭାବେ ମାମଲା ରୁଜୁ କରାଯାଇଥିଲା । ଏହି ମାମଲାର ତଦନ୍ତ ପରେ ୨୨ ନଭେମ୍ବର ଦିନ ପୀୟୁଷଙ୍କୁ ଗିରଫ କରାଗଲା । ଆଉ ସେହି ଦିନ ହିଁ ତାଙ୍କୁ କୋର୍ଟରେ ହାଜର କରାଯାଇଥିଲା । ପରେ ତାଙ୍କୁ ୨୭ ନଭେମ୍ବର ପର୍ଯ୍ୟନ୍ତ ତାଙ୍କୁ ହାଜତକୁ ପଠାଯାଇଛି । ଏହି ମାମଲା ସାମ୍ନାକୁ ଆସିବା ପରେ ପୀୟୁଷଙ୍କ ପିତା କୁଲବୀର ସିଂ କହିଛନ୍ତି ଯେ ସେ ଏହି ଘଟଣା ବିଷୟରେ କିଛି ବି ଜାଣି ନାହାଁନ୍ତି ।
ସେପଟେ ପୀୟୁଷଙ୍କ ବଡ ଭାଇ ଓ ଟିଭି ତାରକା ଗିରୀଶ ସହଦେବ ଏ ମାମଲାରେ ଏପର୍ଯ୍ୟନ୍ତ କିିଛି ବି ବୟାନ ଦେଇନାଆନ୍ତି । ଏହାସହ ପୀୟୁଷଙ୍କ ପୂର୍ବ ପତ୍ନୀ ଆକାଂକ୍ଷା ରାଓତ କହିଛନ୍ତି ଏପ୍ରିଲ ମାସ ପରଠାରୁ ସେ ପୀୟୁଷଙ୍କ କଥା ହୋଇନାହାନ୍ତି କି ତାଙ୍କ ସହ ଦେଖା କରିନାହାନ୍ତି । ସୂଚନାଯୋଗ୍ୟ ଆକାଂକ୍ଷା ପୂର୍ବରୁ ପୀୟୁଷଙ୍କ ବିରୋଧରେ କ୍ରୃରତା ଓ ଶୋଷଣର ଅଭିଯୋଗ କରିଥିଲେ । ଦୁଇ ଜଣଙ୍କ ବିବାହ ୨୦୧୨ରେ ହୋଇଥିବା ବେଳେ ଏହି ବିବାହ ବେଶି ଦିନ ତିଷ୍ଠିି ରହିପାରିଲା ନାହିଁ ।
ଏହା ପ୍ରଥମ ମାମଲା ନୁହେଁ ଯେ ପୀୟୁଷ ମିଡିଆରେ ଚର୍ଚ୍ଚାରେ ରହିଛନ୍ତି । ଏହା ପୂର୍ବରୁ ସେ ନିଜର ଫେସବୁକ
ଆକାଉଂଟ ହ୍ୟାକ ହୋଇଥିବା ଦର୍ଶାଇ ମାମଲା ରୁଜୁ କରି ଚର୍ଚ୍ଚାରେ ଥିଲେ । ପୀୟୁଷ କହିଥିଲେ ଯେ ହ୍ୟାକର ତାଙ୍କ ଆକାଉଂଟରୁ ତାଙ୍କ ସାଙ୍ଗ ମାନଙ୍କୁ ଖରାପ ମେସେଜ ପଠାଉଛନ୍ତି । ପୀୟୁଷ ୨୦୦୭ରେ ଟିଭି ସୋ ‘ହର ଘର କୁଛ କହତା ହୈ’ରୁ ଟିଭି କ୍ୟାରିୟରର ଆରମ୍ଭ କରିଥିଲେ । ୨୦୦୮ରେ ତାଙ୍କୁ ସୋନି ଟିଭିର ସୋ ‘ମିତ ମିଲା ଦେ ରବା’ରେ ମୁଖ୍ୟ ଭୂମିକା ଦେଖିବା ପାଇଁ ମିଳିଥିଲା । ଏହା ପରେ ସେ ସଫଳତା ପାଇଲେ ଓ ଅନେକ ଟିଭି ସୋ’ ରେ ତାଙ୍କୁ ଦେଖିବାକୁ ମିଳିଲା । ଶେଷ ଥର ପାଇଁ ତାଙ୍କୁ ସୋନି ଟିଭିର ସୋ ‘ବେହଦ’ରେ ଦେଖିବା ପାଇଁ ମିଳିଥିଲା ।