ଚୀନ ଅଭିନେତ୍ରୀ ଜୁହ୍ ଜୁହ୍ ହେବେ ସଲମାନଙ୍କ ଫିଲ୍ମ “ଟ୍ୟୁବଲାଇଟ’ର ନାୟିକା
Kanak News is now on WhatsApp
Join and get latest news updates delivered to you via WhatsApp
ଆସନ୍ତା ବର୍ଷ ଇଦ୍ ଅବସରରେ ପରଦାକୁ ଆସିବ ସଲମାନ ଖାନଙ୍କ ଆଗାମୀ ଫିଲ୍ମ ଟ୍ୟୁବଲାଇଟ । ସଲମାନ ଖାନଙ୍କ ଏହି ଫିଲ୍ମର ନାୟିକା ହେବେ ଚୀନ ଅଭିନେତ୍ରୀ ଜୁହ୍ ଜୁହ୍ । ଟ୍ୟୁବଲାଇଟ ପାଇଁ ଜୁହ୍ ଜୁହଙ୍କୁ ସାଇନ କରାଯାଇଛି । ବଲିଉଡ ଭାଇଜାନ ଏଥର ଇଦରେ ରୋମାନ୍ସ କରିବେ ଏହି ଚୀନ ସୁନ୍ଦରୀଙ୍କ ସହ ।
ଜୁଲାଇ ୨୦ ତାରିଖ ଠାରୁ ଲଦାଖରେ ଏହାର ସୁଟିଂ ଆରମ୍ଭ ହୋଇଯାଇଛି । ଚୀନ ନାୟିକା ଜୁହ୍ ଜୁହ୍ ସେଟରେ ପହଁଚିଛନ୍ତି । ସୁଟିଂ ସମ୍ବନ୍ଧରେ ଟୁଇଟ୍ କରିଛନ୍ତି ଜୁହ୍ ଜୁହ୍ । ଏଥିସହ ସଲମାନଙ୍କ ସହ ଅଭିନୟ କରିବା ପାଇଁ ମୌକା ପାଇଥିବା ଯୋଗୁଁ ସେ ଖୁବ୍ ଖୁସି ବୋଲି ପ୍ରକାଶ କରିଛନ୍ତି ।
୧୯୬୩ ଭାରତ-ଚୀନ ଯୁଦ୍ଧ ଉପରେ ପର୍ଯ୍ୟବେସିତ ହୋଇଛି ଫିଲ୍ମ ଟ୍ୟୁବଲାଇଟର କାହାଣୀ । ଭାରତୀୟ ଯୁବକ ଓ ଚୀନ ଝିଅଙ୍କ ପ୍ରେମକାହାଣୀକୁ ଏଥିରେ ସ୍ଥାନ ଦିଆଯାଇଛି । କବୀର ଖାନଙ୍କ ନିର୍ଦ୍ଦେଶିତ ଏହି ଫିଲ୍ମକୁ ମିଳିତ ଭାବେ ସଲମାନ ଖାନ, କବୀର ଖାନ ଓ ସୁନୀଲ ଲୁଲ୍ଲା ପ୍ରଯୋଜିତ କରିଛନ୍ତି ।