ସମୁଦ୍ର କୂଳରେ ଚାଲୁଥିଲା ସଂଗୀତ କାର୍ଯ୍ୟକ୍ରମ, ହଠାତ୍ ଆସିଲା ସୁନାମୀ । ଦେଖନ୍ତୁ ଭିଡିଓ
ଇଣ୍ଡୋନେସିଆରେ ଶନିବାର ଦିନ ଏମିତି ଏକ ଘଟଣା ଘଟିଲା, ଯାହାକୁ ବି ଚକିତ କରିଦେବ । ଇଣ୍ଡୋନେସିଆର ସୁଣ୍ଡା ଜଲଡମରୁମଧ୍ୟ ରେ ଶନିବାର ରାତି ଆଗ୍ନେୟଗିରି ଉଦଗିରଣ ହେବା ପରେ ଆସିଥିବା ସୁନାମୀରେ ମୃତ୍ୟୁ ସଂଖ୍ୟା ୨୮୧ ହୋଇଗଲାଣି । ସ୍ଥାନୀୟ ପ୍ରଶାସନ ଅନୁସାରେ, ଏପର୍ଯ୍ୟନ୍ତ ୮୦୦ରୁ ଅଧିକ ଲୋକ ନିଖୋଜ ଅଛନ୍ତି । ଯାହାଙ୍କୁ ଖୋଜିବା ପାଇଁ ଅଭିଯାନ ଚାଲିଛି । ଜାତୀୟ ବିପର୍ଯ୍ୟୟ ପ୍ରବନ୍ଧନ ଏଜେନ୍ସିର କହିବାନୁସାରେ, ବିପର୍ଯ୍ୟୟରେ ୮୦୦ରୁ ଅଧିକ ଲୋକ ଆହତ ହେବାର ଖବର ଆସିଛି । ଏବଂ ସର୍ବନିମ୍ନ ୮୦ଜଣ ନିଖୋଜ । ଏହା ମଧ୍ୟରେ ଏକ ଭିଡିଓ ଭାଇରାଲ ହେଉଛି । ଯେଉଁଥିରେ ସୁନାମୀର ଭିଡିଓ ଦେଖିବାକୁ ମିଳୁଛି । ସମୁଦ୍ର କୂଳେ ସଂଗୀତ କାର୍ଯ୍ୟକ୍ରମ ଚାଲୁଥିଲା । ସେହି ସମୟରେ ସୁନାମୀ ଆସିଗଲା । ଯାହାର ଭିଡିଓ ଭାଇରାଲ ହେଉଛି ।
Kanak News is now on WhatsApp
Join and get latest news updates delivered to you via WhatsApp
So this was when this band called Seventeen had their concert but suddenly tsunami attacked them😭 #PrayForAnyer #Krakatau pic.twitter.com/GC70uqgyoj
— ساشا(💫sas) (@bytsonyeondan) December 23, 2018
ଭିଡିଓରେ ଦେଖିବାକୁ ମିଳୁଛି କି, ଲାଇଭ୍ ଚାଲିଥିବା ସଂଗୀତ କାର୍ଯ୍ୟକ୍ରମରେ ସିଙ୍ଗର ଗୀତ ଗାଉଛି । ବହୁତ ସଂଖ୍ୟାରେ ଲୋକ ଉପସ୍ଥିତ ଅଛନ୍ତି । ଏହି ଲାଇଭ ଶୋ ତାନଜୁଙ୍ଗ ଲେସଙ୍ଗ ବିଚ୍ ରିଜୋର୍ଟରେ ଥିଲା । ହଠାତ୍ ସୁନାମୀ ଆସିଲା ଓ ଅନେକ ଲୋକ ବହିଗଲେ । ରିପୋର୍ଟ ମୁତାବକ, ବ୍ୟାଣ୍ଡର ଗିଟାରିଷ୍ଟ ଓ ମ୍ୟାନେଜରର ମୃତ୍ୟୁ ହୋଇସାରିଛି । ଏବଂ ଅନେକ କ୍ରୁ ମେମ୍ବର ନିଖୋଜ ଅଛନ୍ତି । ବଂଚିଯାଇଥିବା ସିଙ୍ଗର ଭିଡିଓ ସେୟାର କରି ନିଜର ନିଖୋଜ ପତ୍ନୀ ଓ ବ୍ୟାଣ୍ଡ ମେମ୍ବରଙ୍କ ପାଇଁ ପ୍ରାର୍ଥନା କରିବାକୁ କହିଛନ୍ତି ।