କେରଳ ବନ୍ୟାରେ ଫସିରହିଥିବା ହାତୀ ଛୁଆକୁ କାନ୍ଧରେ ବୋହି ଉଦ୍ଧାର କଲେ ଯବାନ ? ଫଟୋ ହେଲା ଭାଇରାଲ, ଜାଣନ୍ତୁ ଏହା ପଛରେ ଥିବା ସତ୍ୟତା ।
କେରଳ ବନ୍ୟାରେ ଯବାନମାନେ ଅନେକ ଲୋକଙ୍କୁ ସୁରକ୍ଷିତ ଭାବେ ବଞ୍ଚାଇଥିବା ଘଟଣାତ ଆପଣ ନିଶ୍ଚୟ ଶୁଣିଥିବେ ଏବଂ ଦେଖିଥିବେ । କେବଳ କେରଳ ନୁହେଁ ଅନ୍ୟାନ୍ୟ ଅଞ୍ଚଳ ଗୁଡିକରେ ମଧ୍ୟ ନିଜ ଜୀବନକୁ ବାଜି ଲଗାଇ ଅନ୍ୟଙ୍କୁ ବଞ୍ଚାଇଥାନ୍ତି ଯବାନ । କିନ୍ତୁ ଏବେ କେରଳରେ ଯବାନମାନେ ଲୋକମାନଙ୍କୁ ବଞ୍ଚାଇ ସହ ଫସିରହିଥିବା ଏକ ହାତୀ ଛୁଆକୁ ବଞ୍ଚାଇଥିବା ଘଟଣା ଏବେ ସୋସିଆଲ ମିଡିଆରେ ଭାଇରାଲ ହେବାକୁ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ହାତୀ ଛୁଆକୁ କାନ୍ଧରେ ନଦି ନେଇଯାଉଥିବା ଏହି ଯବାନଙ୍କ ଫଟୋ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାକୁ ଲାଗିଛି । ଏହି ଫଟୋରେ ଲୋକମାନେ କେରଳର ବାହୁବଲି କହି ସେସିଆଲ ମିଡିଆରେ ସେୟାର କରୁଛନ୍ତି । ଏହାସହିତ ଏକ ମେସେଜ ମଧ୍ୟ ଭାଇରାଲ ହେବାକୁ ଲାଗିଛି କି, କେରଳ ବନ୍ୟାରେ ଫସିରହିଥିବା ଗୋଟେ ହାତୀ ଛୁଆକୁ ଯବାନ ତାଙ୍କ କାନ୍ଧରେ ବୋହି ଉଦ୍ଧାର କରିଛନ୍ତି । କେବଳ ସେତିକି ନୁହେଁ କେତେକ ମିଡିଆ ହାଉସ ମଧ୍ୟ ଏହି ଫଟୋକୁ ତାଙ୍କ ଖବର କାଗଜରେ ପବ୍ଲିସ କରିଛନ୍ତି । କିନ୍ତ ଏହି ଫଟୋ ପଛରେ ସତ୍ୟତା ଥିଲା ଆଉ କିଛି ।
ସୂଚନା ମୁତାବକ, କେରଳର କୁହାଯାଉଥିବା ଏହି ଫଟୋ ପ୍ରକୃତରେ ୨୦୧୭ ମସିହାରେ ତାମିଲନାଡୁ ଠାରୁ ୫୦ କିଲୋମିଟର ଦୁରରେ ଅବସ୍ଥିତ ଏକ ଅଞ୍ଚଳରେ ହାତୀ ଛୁଆ ତା ମା’ ଠାରୁ ଅଲଗା ହୋଇ ଏକ ଘାଇ ଫସିଯାଇଥିଲା । ସେହି ସମୟରେ ଫରେଷ୍ଟ ଗାର୍ଡ ପଲାନିସାମୀ ସରତକୁମାର ଡ୍ୟୁଟିରେ ଥିଲେ । ତାଙ୍କ ପାଖକୁ ହାତି ଘାଇରେ ଫସିଯାଇଥିବାର ଏକ କଲ ଆସିଥିଲା । ଏହା ପରେ ସରତ କୁମାର ତୁରନ୍ତ ସେଠାରେ ପହଞ୍ଚି ହାତୀ ଛୁଆକୁ କାନ୍ଧରେ ନଦି ଉଦ୍ଧାର କରିବା ସହ ଛୁଆକୁ ପୂନର୍ବାର ତା ମା’ ପାଖରେ ଜଙ୍ଗଲ ମଧ୍ୟରେ ଛାଡିଦେଇଥିଲେ । କିନ୍ତୁ ଲୋକମାନେ ଏହି ଫଟୋର ସତ୍ୟତା ନଜାଣି ଏହାକୁ ସୋସିଆଲ ମିଡିଆରେ ସେୟାର କରିବାକୁ ଲାଗିଥିଲେ ।