ପ୍ରଟୋକଲ ଭାଙ୍ଗି ବିମାନବନ୍ଦରରେ ଟ୍ରମ୍ପଙ୍କୁ କୋଳେଇ ନେଲେ ମୋଦି : ସାବରମତୀ ଆଶ୍ରମରେ ଚରଖା ଚଳାଇିଲେ ଟ୍ରମ୍ପ ଦମ୍ପତି, ମୋଟେରା ଷ୍ଟାଡିୟମରେ ଭାଷଣ ଦେବାପରେ ପ୍ରେମର ପ୍ରତୀକ ତାଜମହଲ ବୁଲିଲେ
କନକ ବ୍ୟୁରୋ : ଆମେରିକା ରାଷ୍ଟ୍ରପତିଙ୍କୁ ଭାରତର ଭବ୍ୟ ସ୍ୱାଗତ ଭିତରେ ସାମ୍ନାକୁ ଆସିଛି ଦୁଇ ରାଷ୍ଟ୍ର ନେତାଙ୍କର ରୋଚକ ଚିତ୍ର । ଆମେରିକା ରାଷ୍ଟ୍ରପତିଙ୍କୁ ସ୍ୱାଗତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭବ୍ୟ ଆୟୋଜନ ଭିତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉତ୍କଣ୍ଠା ବି ବାରି ହୋଇପଡିଥିଲା । ଭାରତରେ ପହଞ୍ଚିବା ଠାରୁ ଆରମ୍ଭ କରି ପୁରା ଗସ୍ତ ଭିିତରେ ସାମ୍ନାକୁ ଆସିଛି ଏଭଳି କିଛି ନିଆରା ଚିତ୍ର ।
Kanak News is now on WhatsApp
Join and get latest news updates delivered to you via WhatsApp
ଅହମଦାବାଦ ବିମାନବନ୍ଦରରେ ବିମାନରୁ ଓହ୍ଲାଇବା ବେଳେ ଆମେରିକା ରାଷ୍ଟ୍ରପତିଙ୍କ ଏହି ଅଙ୍ଗଭଙ୍ଗୀ ହିଁ ବୟାନ କରୁଥିଲା ଯେ ମୋଦିଙ୍କୁ ଦେଖି କେତେ ଉତ୍ସାହିତ ଡୋନାଲଡ ଟ୍ରମ୍ପ । ଆଉ ରେଡ କାର୍ପେଟରେ ପହଞ୍ଚିବା ପରେ କରମର୍ଦ୍ଦନ କରି ଆମେରିକା ରାଷ୍ଟ୍ରପତିଙ୍କୁ ସ୍ୱାଗତ କରିଛନ୍ତି ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମୋଦିଙ୍କ ସହ ଆମେରିକାର ପ୍ରଥମ ମହିଳା ମେଲେନିଆ ଟ୍ରମ୍ପ ବି ଏକ ଭାବ ବିହ୍ୱଳ ମୂହୁର୍ତ୍ତରେ ନଜର ଆସିଛନ୍ତି । ଯେତେବେଳେ ଆଗେ ଆଗେ ଯାଉଥିଲେ ଡୋନାଲଡ ଟ୍ରମ୍ପ ଓ ପଛରେ ମୋଦି ଓ ମେଲେନିଆ କଥାବାର୍ତ୍ତା ହୋଇ କାର ଆଡକୁ ବଢୁଥିଲେ ।
ବିଶ୍ୱର ସର୍ବପୁରାତନ ଗଣତନ୍ତ୍ରର ମୁଖ୍ୟ, ବିଶ୍ୱର ସର୍ବବୃହତ ଗଣତନ୍ତ୍ରର ଇତିହାସ ଓ ପରମ୍ପରାକୁ ଅତି ପାଖରୁ ପରଖିବାର ଚିତ୍ର ବି ବେଶ ନିଆରା ଥିଲା । ସାବରମତୀ ଆଶ୍ରମରେ ଗାନ୍ଧୀଙ୍କ ଚରଖାରେ ସୂତା ବୁଣିବାର ଅଭିଜ୍ଞତାକୁ ସାଉଁଟିଛନ୍ତି ଡୋନାଲଡ ଟ୍ରମ୍ପ ଓ ତାଙ୍କ ପତ୍ନୀ ମେଲେନିଆ ଟ୍ରମ୍ପ । ଏସବୁ ଭିତରେ ଟ୍ରମ୍ପ ଦମ୍ପତ୍ତି ଗାନ୍ଧୀଙ୍କ ତିନି ମାଙ୍କଡ ଦେଖିବାର ଦୃଶ୍ୟ ବି ସାମ୍ନାକୁ ଆସିଥିଲା । ଯେତେବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବାପୁଙ୍କ ତିନି ମାଙ୍କଡ ଥିଓରୀ ନେଇ ଆମେରିକା ରାଷ୍ଟ୍ରପତିଙ୍କୁ ଅବଗତ କରିଥିଲେ ।
ଆମେରିକା ରାଷ୍ଟ୍ରପତିଙ୍କ ଗସ୍ତ ଭିତରେ ଆଉ ଏକ ରୋଚକ ଚିତ୍ର ଥିଲା ଟ୍ରମ୍ପଙ୍କର ହିନ୍ଦୀ ଟ୍ୱିଟ । ଯେଉଁଥିରେ ଆମେରିକା ରାଷ୍ଟ୍ରପତି ଭାରତ ଗସ୍ତକୁ ନେଇ ନିଜର ଉତ୍କଣ୍ଠାକୁ ଜାହିର କରିଛନ୍ତି । ଯାହାର ପ୍ରତି ଉତ୍ତରରେ ମୋଦି ଲେଖିଛନ୍ତି ଅତିଥି ଦେବୋଭବ ।
ପିଟିସି-ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ ଓ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭେଟଘାଟ ବେଳେ ବିଭିନ୍ନ ସମୟରେ ବନ୍ଧୁତ୍ୱପୂର୍ଣ୍ଣ ସମ୍ପର୍କ ଓ ବ୍ୟକ୍ତିଗତ ଭାବ ବିହ୍ୱଳତା ସାମ୍ନାକୁ ଆସିଛି । ଆଉ ଟ୍ରମ୍ପଙ୍କ ପ୍ରଥମ ଭାରତ ଗସ୍ତରେ ଦୁଇ ନେିାଙ୍କ ହାବଭାବ ସ୍ପଷ୍ଟ କରୁଛି ଯେ ଦିନକୁ ଦିନ ଏହି ସମ୍ପର୍କ ଆହୁରି ମଜବୁତ ହୋଇଛି ।
ଆମେରିକା ରାଷ୍ଟ୍ରପତିଙ୍କ ଭାରତ ଗସ୍ତ ବେଳେ ମୋଦି ଓ ଟ୍ରମ୍ପଙ୍କ ହାବଭାବ କେବଳ ରୋଚକ ଚିତ୍ର ସାମ୍ନାକୁ ଆଣିନାହିଁ ବରଂ ବ୍ୟକ୍ତଗତ ସମ୍ପର୍କକୁ ନେଇ ବୈଦେଶିକ ସମ୍ପର୍କକୁ ଆହୁରି ମଜବୁତ କରିବାର ସମ୍ଭାବନା ସୃଷ୍ଟି କରିଛି ।