ବଢ଼ିବ ଆମେରିକାର ପ୍ରତିରକ୍ଷା ଖର୍ଚ୍ଚ : ୧୦ପ୍ରତିଶତ ବଢ଼ାଇବାକୁ ପ୍ରସ୍ତାବ ଦେଲେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ
କନକ ବ୍ୟୁରୋ : ବୃଦ୍ଧି ପାଇବ ଆମେରିକାର ପ୍ରତିରକ୍ଷା ଖର୍ଚ୍ଚ । ଆମେରିକାର ପ୍ରତିରକ୍ଷା ଖର୍ଚ୍ଚ ୧୦ପ୍ରତିଶତ ବୃଦ୍ଧି କରିବାକୁ ପ୍ରସ୍ତାବ ଦେଇଛନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଆମେରିକାର ପ୍ରତିରକ୍ଷାକୁ ଆହୁରି ଶକ୍ତିଶାଳି କରିବା ପାଇଁ ଡୋନାଲ୍ଡ ଏହି ପ୍ରସ୍ତାବ ଦେଇଛନ୍ତି । ଏବେ ୟୁଏସର ବାର୍ଷିକ ପ୍ରତିରକ୍ଷା ବଜେଟ୍ ୬୦୦ଡଲାର ବିଲିୟନ ରହିଛି । ଯାହାକି ମିଳିତ ଭାବେ ଚାଇନା, ଭାରତ, ୟୁନାଇଟେଡ୍ କିଙ୍ଗଡମ୍, ଜାପାନ, ଫ୍ରାନ୍ସ,ସାଉଦି ଆରବ୍ ଓ ଋଷର ବାର୍ଷିକ ପ୍ରତିରକ୍ଷା ବଜେଟଠାରୁ ଅଧିକ ।
Kanak News is now on WhatsApp
Join and get latest news updates delivered to you via WhatsApp
ପ୍ରସ୍ତାବ ଅନୁଯାୟୀ ଏହାର ପରିମାଣ ୫୪ବିଲିୟନ ଡଲାର ବୃଦ୍ଦି କରାଯିବ ।ଯାହାକି ଭାରତର ସମୁଦାୟ ପ୍ରତିରକ୍ଷା ବଜେଟ୍ ଠାରୁ ଅଧିକ । ତେବେ ଏହି ବଜେଟ ବୃଦ୍ଧି ପାଇଁ ଆମେରିକା ବିଭିନ୍ନ ଦେଶକୁ ଯୋଗାଉଥିବା ବୈଦେଶିକ ସହାୟତା କାଟ କରିବା ପାଇଁ ପ୍ରସ୍ତାବ ଦେଇଛନ୍ତି ଟ୍ରମ୍ପ । ଗତକାଲି ହ୍ୱାଇଟ୍ ହାଉସରେ ଏକ ବାର୍ତାରେ ଟ୍ରମ୍ପ କହିଛନ୍ତି ତାଙ୍କ ବଜେଟ୍ ଆମେରିକା ପକ୍ଷରୁ ବିଦେଶୀ ରାଷ୍ଟ୍ରମାନଙ୍କୁ ଦିଆଯାଉଥିବା ଆର୍ଥିକ ସହାୟତା ରାଶିକୁ ହାସ କରିବ । ଏବଂ ସେହି ଅର୍ଥ ରାଶିକୁ ପ୍ରତିରକ୍ଷା ଓ ଆଇନକୁ କାର୍ଯ୍ୟକାରୀ କରିବା କ୍ଷେତ୍ରରେ ବିନିଯୋଗ କରିବ ।