କନକ ବ୍ୟୁରୋ : ତ୍ରିପୁରା ବିଧାନସଭାରେ ତାମସା । ଆଲୋଚନା କରିବାକୁ ସୁଯୋଗ ନଦେବାରୁ ବାଚସ୍ପତିଙ୍କ ଦଣ୍ଡ ଧରି ଦୌଡିଲେ ଟିଏମସି ବିଧାୟକ ସୁଦୀପ ରାୟ ବର୍ମନ । ଏପରିକି ତାଙ୍କ ପଛରେ ମାର୍ସଲମାନେ ଦୌଡି ଦୌଡି ଦଣ୍ଡକୁ ଛଡାଇବାକୁ ପ୍ରୟାସ କରିଥିଲେ ମଧ୍ୟ ଏଥିରେ ସଫଳ ହୋଇନଥିଲେ ।
Kanak News is now on WhatsApp
Join and get latest news updates delivered to you via WhatsApp
ମନ୍ତ୍ରୀ ନରେଶ ଜମାତିଆଙ୍କ ନାଁରେ ସେକ୍ସ ସ୍କାଣ୍ଡାଲ ଅଭିଯୋଗ ଉପରେ ଶୂନ୍ୟକାଳରେ ଆଲୋଚନା କରିବାକୁ ଚାହୁଁଥିଲେ ଟିଏମସି ବିଧାୟକ । ବାଚସ୍ପତି ଏଥିପାଇଁ ଅନୁମତି ନଦେବାରୁ ପ୍ରତିବାଦରେ ବାଚସ୍ପତିଙ୍କ ଦଣ୍ଡ ଧରି ଦୌଡିଥିଲେ ସୁଦୀପ ରାୟ ବର୍ମନ ।
ନରେଶ ଜମାତିଆ ଓ ଅଗରତଲା ମ୍ୟୁନିସିପାଲ କାଉନସିଲର କାଉନସିଲର ମୃଣ୍ମୟ ସେନଙ୍କ ନାଁରେ ଜଣେ ୭ବର୍ଷୀୟ ଶିଶୁକୁ ଯୌନ ନିର୍ଯାତନା ଦେବା ନେଇ ମାମଲା ରୁଜୁ ହୋଇଛି । ଆଜି ଗୃହକାର୍ଯ୍ୟ ଆରମ୍ଭରୁ ହିଁ ମନ୍ତ୍ରୀଙ୍କ ସେକ୍ସ ସ୍କାଣ୍ଡାଲ ଅଭିଯୋଗ ନେଇ ଗୃହ ସରଗରମ ରହିଥିଲା । ମନ୍ତ୍ରୀ ନରେଶ ଜମାତିଆ ଓ ମୁଖ୍ୟମନ୍ତ୍ରୀ ମାନିକ ସରକାରଙ୍କ ବିରୋଧରେ ସ୍ଲୋଗାନ ଦେଇଥିଲେ ବିରୋଧୀ କଂଗ୍ରେସ ଓ ଟିଏମସି ।
ଏହାସହ ଶୂନ୍ୟକାଳରେ ଆଲୋଚନା ପାଇଁ ଦାବି କରିଥିଲେ । ତେବେ ମାମଲା ବିଚାରଧୀନ ଥିବାରୁ ଆଲୋଚନା ପାଇଁ ମନା କରିଥିଲେ ଆଇନ ମନ୍ତ୍ରୀ ତପନ ଚକ୍ରବର୍ତୀ । ଏହାକୁ ପ୍ରତିବାଦ କରି ବାଚସ୍ପତିଙ୍କ ଦଣ୍ଡ ଧରି ଦୌଡିଥିଲେ ଟିଏମସି ବିଧାୟକ ସୁଦୀପ ରାୟ ବର୍ମନ ।