ରାଜଧାନୀର ଆଶ୍ରମ ସ୍କୁଲରେ ଛାତ୍ରୀ ହୋଇନଥିଲେ ଗର୍ଭବତୀ। ବିଧାନସଭାରେ ମନ୍ତ୍ରୀ ରଖିଲେ ଉତ୍ତର, ଖରା ଛୁଟିରେ ଘରକୁ ଯାଇଥିବା ବେଳେ ଘଟିଥିଲା ଘଟଣା
କନକ ବ୍ୟୁରୋ: ବିଧାନସଭାରେ ଉଠିଲା ସେବାଶ୍ରମରେ ଆଦିବାସୀ ଛାତ୍ର ଗର୍ଭବତୀ ଘଟଣା । ଆଜି ବିଧାନସଭା ଗୃହରେ ସ୍ପଷ୍ଟିକରଣ ରଖିଛନ୍ତି ଅନୁସୂଚିତ ଜାତି ଜନଜାତି କଲ୍ୟାଣ ବିଭାଗ ମନ୍ତ୍ରୀ ଜଗନ୍ନାଥ ସାରକା । ବିଭାଗୀୟ ମନ୍ତ୍ରୀ କହିଛନ୍ତି, ଆଶ୍ରମ ସ୍କୁଲରେ ନୁହେଁ ବରଂ ଘରେ ଥିବା ବେଳେ ଗର୍ଭବତୀ ହୋଇଛନ୍ତି ଛାତ୍ରୀ । ତେବେ ପ୍ରାରମ୍ଭିକ ପର୍ଯ୍ୟାୟରେ ଖୋର୍ଦ୍ଧାରେ ୪ ଜଣ ଛାତ୍ରୀ ଚିହ୍ନଟ ହୋଇଥିଲେ । କ୍ୟାପିଟାଲ ମେଡିକାଲରେ ସ୍ୱାସ୍ଥ୍ୟ ପରୀକ୍ଷା ପରେ ସେମାନଙ୍କ ମଧ୍ୟରୁ ଜଣଙ୍କର ରିପୋର୍ଟ ପଜେଟିଭ ଆସିଥିଲା । କିନ୍ତୁ ଯେଉଁ ଛାତ୍ରୀ ଜଣକର ରିପୋର୍ଟ ପଜେଟିଭ ଆସିଥିଲା ସେ ଆଶ୍ରମ ସ୍କୁଲରେ ଥିଲା ବେଳେ ନୁହେଁ ବରଂ ସେ ନିଜ ଘରେ ଥିବାବେଳେ ହିଁ ଗର୍ଭବତୀ ହୋଇଛନ୍ତି । ତେବେ ଖରା ଛୁଟିରେ ଘରକୁ ଯାଇଥିବା ବେଳେ ଘଟଣାଟି ଘଟିଛି ବୋଲି ବିଭାଗୀୟ ମନ୍ତ୍ରୀ କହିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ଛାତ୍ରୀଙ୍କ ସୁରକ୍ଷା ଓ ନିରାପତ୍ତାକୁ ସରକାର ଗୁରୁତ୍ୱ ଦେଉଛନ୍ତି । ଆଶ୍ରମ ସ୍କୁଲରେ ନିୟମିତ ସ୍ୱାସ୍ଥ୍ୟ ପରୀକ୍ଷା କରାଯାଉଛି । ଏପରିକି ଛାତ୍ରୀମାନଙ୍କର ସୁରକ୍ଷାକୁ ନଜରରେ ରଖି ସରକାରଙ୍କ ପକ୍ଷରୁ ୧୧୨୦ଟି ସିସିଟିଭି ମଧ୍ୟ ଲଗାଯାଇଛି । ଛାତ୍ରୀଙ୍କ ପାଇଁ ଟୋଲ ଫ୍ରି ନମ୍ବର ବି ଜାରି କରାଯାଇଛି । ଯେଉଁଥିରେ ସେମାନେ ସେମାନଙ୍କର ଅସୁବିଧା ତଥା ସମସ୍ୟା ସଂପର୍କରେ ଅବଗତ କରାଇପାରିବେ ବୋଲି ମନ୍ତ୍ରୀ କହିଛନ୍ତି । ।
ଅନ୍ୟପଟେ, ବିଧାନସଭା ବଜେଟ ଅଧିବେଶନର ଦ୍ୱିତୀୟ ପର୍ଯ୍ୟାୟ ଆଜିଠାରୁ ଆରମ୍ଭ ହୋଇଛି । ଗୃହରେ ଉତର ରଖିଛନ୍ତି କ୍ରୀଡାମନ୍ତ୍ରୀ ତୁଷାରକାନ୍ତି ବେହେରା । ସେ ଗୃହରେ ଜଣାଇଛନ୍ତି ରାଜ୍ୟରେ ୨୧୭ଟି ମିନି ଷ୍ଟାଡିୟମର କାମ ଚାଲିିଛି । ୧୧୮ଟି ମିନି ଷ୍ଟାଡିୟମର କାମ ଆରମ୍ଭ ହୋଇଛି । ଆଜି ଷ୍ଟାଣ୍ଡିଂ କମିଟି ୩୮ଟି ବିଭାଗର ଖର୍ଚ୍ଚଦାବି ତର୍ଜମା କରି ଦେଇଥିବା ରିପୋର୍ଟ ଗୃହରେ ଉପସ୍ଥାପନ କରାଯିବ । ଏହାସହ ରାଜ୍ୟ ମାନବାଧିକାର କମିସନଙ୍କ ବାର୍ଷିକ ରିପୋର୍ଟ ବି ଆଇନମନ୍ତ୍ରୀ ଗୃହରେ ଉପସ୍ଥାପନ କରିବେ । ୧୩ ଓ ୧୪ ତାରିଖରେ ଗୃହକାର୍ଯ୍ୟ ବନ୍ଦ ରହିବ । ୧୫ ତାରିଖରୁ ବିଭାଗୀୟ ଖର୍ଚ୍ଚଦାବି ଆଲୋଚନା ଆରମ୍ଭ ହେବ । ଜୁଲାଇ ୩୧ ତାରିଖରେ ୨୦୧୯-୨୦ ଆର୍ଥିକ ବର୍ଷ ପାଇଁ ବ୍ୟୟ ମଞ୍ଜୁରୀ ବିଲ ଆଗତ ହୋଇ ପାରିତ ହେବ । ଆଜି ଆରମ୍ଭ ହେଉଥିବା ବଜେଟ ଅଧିବେଶନର ଦ୍ୱିତୀୟ ପର୍ଯ୍ୟାୟ ଅଗଷ୍ଟ ୮ ତାରିଖ ଯାଏଁ ଚାଲିବ ।