ଭୁବନେଶ୍ୱରରୁ ମାଲେସିଆ ଟୁରରେ ଯାଇ ଠକି ଯାଇଛନ୍ତି ଜଣେ ବୟସ୍କ ବ୍ୟକ୍ତି ଓ ତାଙ୍କ ପତ୍ନୀ ! ଆଇୱା ଟ୍ରାଭେଲ୍ସ ସଂସ୍ଥା ଏହି ଟୁର ନାଁରେ ଲୋକଙ୍କୁ ଲଗାଇଛି ଚୁନା
କନକ ବ୍ୟୁରୋ : ଭୁବନେଶ୍ୱରରୁ ମାଲେସିଆ ଟୁରରେ ଯାଇ ଠକି ଯାଇଛନ୍ତି ଜଣେ ବୟସ୍କ ବ୍ୟକ୍ତି ଓ ତାଙ୍କ ପତ୍ନୀ । ଭୁବନେଶ୍ୱରର ଆଇୱା ଟ୍ରାଭେଲ୍ସ ସଂସ୍ଥା ଏହି ଟୁର ନାଁରେ ଲୋକଙ୍କୁ ଚୁନା ଲଗାଇଛି । ଲୋକ ମାନେ ବିଦେଶ ଭ୍ରମଣ କରିବା ପାଇଁ ଟୁର ଟ୍ରାଭେଲ୍ସର ବିଭିନ୍ନ ଆକର୍ଷଣୀୟ ପ୍ୟାକେଜ ପାଇଁ ଟ୍ରାଭେନ୍ସ ସଂସ୍ଥାରେ ଅଗ୍ରିମ ଟଙ୍କା ପଇଠ କରନ୍ତି । ସର୍ତ୍ତ ମୁତାବକ ସମସ୍ତ ସୁବିଧା ସୁଯୋଗ ପାଇବାର ଆଶା ବାନ୍ଧନ୍ତି ।
Kanak News is now on WhatsApp
Join and get latest news updates delivered to you via WhatsApp
ଟ୍ରାଭେଲ୍ସ ସଂସ୍ଥା ଉପରେ ଭରଷା କରି ଯାତ୍ରୀ ମାନେ ଥରେ ମାଲେସିଆରେ ପଂହଚି ଗଲା ପରେ, ଏହି ଠକ ସଂସ୍ଥା ଆଉ ଧରା ଛୁଆଁ ଦିଏନି । ଫଳରେ ପକେଜ୍ ବାବଦକୁ ଦେଇଥିବା ଟଙ୍କାର ୨ଗୁଣା ଟଙ୍କା ଖର୍ଚ୍ଚାନ୍ତ କରନ୍ତି । ଆଉ ଶେଷରେ ଟୁର ଟ୍ରାଭେଲ୍ସ ଉପରେ ଭରଷା କରି ମାଲେସିଆ ବୁଲିବାକୁ ଯାଇଥିବା ଯାତ୍ରୀମାନେ କାନ ମୁଣ୍ଡା ଆଉଁଷି ଘରକୁ ଫେରନ୍ତି।
ଆଇୱା ଟ୍ରାଭେଲ୍ସର ମୁଖ୍ୟ ଦେବୀ ପ୍ରସାଦ ପାମିଗ୍ରାହୀ । ଯିଏକି ଟୁର ଟ୍ରାଭେଲ୍ସ ନାଁରେ ଲୋକଙ୍କ ଠାରୁ ଲକ୍ଷାଧିକ ଟଙ୍କା ହଡପ କରିଛି । ଥାନାରେ ଅଭିଯୋଗ ପରେ ଏହି ଠକ ସଂସ୍ଥା ଉପରେ ପୁଲିସ ଛାପା ମାରିଛି । ଅଫିସରେ ଥିବା କମ୍ପ୍ୟୁଟର, ହାର୍ଡଡିକ୍ସ ଓ ଅନ୍ୟାନ ଜିନିଷ ପତ୍ରକୁ ସିଜ୍ କରାଯାଇଛି । ଆଉ ଏହି ଠକ ସର୍ଦ୍ଦାରକୁ କୋର୍ଟ ଚାଲଣ କରାଯାଇଛି । ତେବେ ଏହି ନେଟୱାର୍କର ପର୍ଦାଫାଶ କରିବା ପାଇଁ ପୁଲିସ ଛାନଭିନ୍ ଜାରି ରଖିଛି ।