ଗର୍ଭବତୀ ଥିବା ଟ୍ରାନ୍ସଜେଣ୍ଡର୍ ପୁରୁଷ ପୁଅକୁ ଦେଲେ ଜନ୍ମ ! ମାତୃତ୍ୱ ଲାଭ କରିବାର କଷ୍ଟକର ସମୟକୁ ବଖାଣିବା ସହ ଲୋକଙ୍କ ଅସହନୀୟ ଟାହିଟାପରାକୁ ମଧ୍ୟ ବଖାଣିଲେ ।
ଆମେରିକାର ଜଣେ ଟ୍ରାନ୍ସଜେଣ୍ଡର୍ ବାୟଲୀ ସିମପସନ୍ ସନ୍ତାନ ପ୍ରାପ୍ତ କରିବାର ସୌଭାଗ୍ୟ ଅର୍ଜନ କରିଛନ୍ତିି । ଛୁଆ ଜନ୍ମ ହେବାର ୬ ମାସ ପରେ ସେ ଗର୍ଭଧାରଣରୁ ଆଜି ପର୍ଯ୍ୟନ୍ତର କଠିନ ସମୟକୁ ନେଇ ଜନତାଙ୍କୁ କହିଥିଲେ । ବାୟଲୀଙ୍କ କହିବାନୁସାରେ ଗର୍ଭଧାରଣର ସମୟ ଅତ୍ୟନ୍ତ କଷ୍ଟକର । ଏବେ ତାଙ୍କ ସନ୍ତାନ ଯେତେବେଳେ ୬ ମାସର ହୋଇଗଲାଣି ସେ ଖୁବ୍ ଖୁସି ଅଛନ୍ତି । ପ୍ରଥମେ ପ୍ରଥମେ ବାୟଲୀଙ୍କୁ ଯେତେବେଳେ ଗର୍ଭବତୀ ହେବା କଥା ଜଣାପଡିଲା ସେ ଚକିତ ହୋଇଯାଇଥିଲେ । ଏହାର କାରଣ ଯେତେବେଳେ ପୁଅରୁ ଝିଅ ହେବା ପ୍ରକ୍ରିୟାରେ ତାଙ୍କର ମାସିକ ଧର୍ମ ହେବା ବନ୍ଦ ହୋଇଯାଇଥିଲା । ମାସିକ ଧର୍ମ ବନ୍ଦ ହେବା ପରେ ଡାକ୍ତର ତାଙ୍କୁ କେବେ ବି ମା’ ନ ହୋଇପାରିବା କଥା କହିଥିଲେ । କିନ୍ତୁ ଟେସଟୋସଟେରାନ୍ ଥେରାପି ମାଧ୍ୟମରେ ଫେବୃୟାରୀ ୨୦୧୮ ମସିହାରେ ସେ ଗର୍ଭଧାରଣା କରିବା କଥା ଜାଣି ଆଶ୍ଚର୍ଯ୍ୟ ହୋଇଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେ କହିଥିଲେ ଯେ ପୁରୁଷରୁ ମହିଳାରେ ପରିବର୍ତ୍ତନ ହେବା ପ୍ରକ୍ରିୟା ସମୟରେ ମୋତେ ଲୋକଙ୍କ ଠାରୁ ଖୁବ୍ ଗାଳି ଶୁଣିବାକୁ ପଡିଥିଲା । ବାୟଲୀ ସିଜରିଆନ୍ ପ୍ରକ୍ରିୟାରେ ପୁଅକୁ ଜନ୍ମ ଦେଇଥିଲେ । ତାଙ୍କ ପୁଅ ନାଁ ରୋବନ୍ ରଖାଯାଇଛି । ବାୟଲୀଙ୍କ କହିବାନୁସାର , ଜଣେ ପୁରୁଷ ଗର୍ଭବତୀ ଥିବା ଖୁବ୍ କମ୍ ଲୋକ ଦେଖିଥିବେ । ଯେତେବେଳେ ମୁଁ ସଡକ ପାର୍ ହେଉଥିଲି ଲୋକ ମୋତେ ଦେଖି କହୁଥିଲେ ମୁଁ କେବେ ବି ପୁରୁଷ ହୋଇପାରିବି ନାହିଁ କାରଣ ପୁରୁଷ କେବେ ବି ପିଲା ଜନ୍ମ କରିପାରନ୍ତି ନାହିଁ । ବାୟଲୀ କୁହନ୍ତି ସେ ସନ୍ତାନ ଜନ୍ମ କରିବା ସମୟରେ ଖୁବ୍ କଷ୍ଟ ସହିଛନ୍ତି ସେ ଭବିଷ୍ୟତରେ ପୁନର୍ବାର ଗର୍ଭଧାରଣ କରିବା ପାଇଁ ଇଚ୍ଛୁକ ନୁହଁନ୍ତି ।
