ଭୁବନେଶ୍ୱରରେ ନାଗାବାବାଙ୍କୁ ମାଡ ମାରିବା ଘଟଣା : ୭କିନ୍ନରଙ୍କୁ ଗିରଫ କଲା କମିଶନରେଟ ପୋଲିସ
କନକ ବ୍ୟୁରୋ : ଭୁବନେଶ୍ୱରରେ ନାଗାବାବାଙ୍କୁ ମାଡ ମାରିବା ଘଟଣାରେ ୭ ଜଣ କିନ୍ନରଙ୍କୁ ଗିରଫ କରିଛି କମିଶନରେଟ ପୋଲିସ । ଗତକାଲି ପୋଲିସ ଉପସ୍ଥିତିରେ ଦିନ ଦ୍ୱିପହରରେ ଜଣେ ନାଗା ବାବାଙ୍କୁ ନିସ୍ତୁକ ପିଟିଥିଲେ କିନ୍ନର । ଖଣ୍ଡଗିରି ବସଷ୍ଟାଣ୍ଡ ନିକଟ ତପୋବନରେ ନାଗାବାବାଙ୍କୁ ମରଣାନ୍ତକ ଆକ୍ରମଣ ହୋଇଥିଲା । ଆଶ୍ରମ ଭିତରେ ପଶି କିଛି କିନ୍ନର, ବାବାଙ୍କୁ ମାଡ ମାରିଥିବା ଅଭିଯୋଗ ହୋଇଥିଲା । ଜଣେ ନାଗା ସାଧୁଙ୍କୁ କେତେ ଜଣ କିନ୍ନର ସଂଘବଦ୍ଧ ଭାବେ ଆକ୍ରମଣ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଖଣ୍ଡଗିରିରେ ହିଂଜଡା ହାଟ ବନ୍ଦ କରିବାକୁ ସରକାର କଟକଣା ଲଗାଇଥିବା ବେଳେ, କିନ୍ନର ମାନେ ବାବା କରିଥିବା ଘର ରାସ୍ତା ଦେଇ ଯିବା ଆସିବା କରିଥାନ୍ତି । ତେବେ ବୁଧବାରଦିନ କିନ୍ନର ମାନେ ବାବାଙ୍କ ଘରେ ପଶିବାକୁ ଉଦ୍ୟମ କରିବା ସହ ତାଙ୍କ ଘରକୁ ବିରୋଧ କରିଥିଲେ । ପରେ ବାବାଙ୍କ ଉପରେ ଆକ୍ରମଣ ହୋଇଥିଲା ।
ଗତକାଲି ଆଶ୍ରମ ଭିତରେ ପଶି କିଛି କିନ୍ନର ମାଡ ମାରୁଥିବା ସମୟର ଭିଜୁଆଲ ଏବେ ଭାଇରାଲ ହୋଇଛି । ମନଇଛା ବିଧା ଗୋଇଠା ଛେଚି ଦେଇଥିଲେ କିନ୍ନରମାନେ । ଏହି ଭିଡ଼ିଓଟି ସୋସିଆଲ ମିଡ଼ିଆରେ ଭାଇରାଲ ହୋଇଥିଲା । ତେବେ ମୌନ ବତ୍ର କରି ଥିବାରୁ ଏନେଇ ଗତକାଲି ମୁହଁ ଖୋଲିନଥିଲେ ବାବା ।