ଭାରତୀୟ ରେଳବାଇ ଦୂର ସ୍ଥାନକୁ ଯାତ୍ରା କରୁଥିବା ଟ୍ରେନର ଗତିରେ ବୃଦ୍ଧି କରିବା ଉପରେ କାମ ଆରମ୍ଭ କରିଛି । ୨୦୨୨ ମସିହା ସୁଦ୍ଧା ଟ୍ରେନର ଗତିରେ ୨୫ କିଲୋମିଟର ପ୍ରତି ଘଣ୍ଟା ବୃଦ୍ଧି କରାଯିବ । ଏହା ଦ୍ୱାରା ଯାତ୍ରୀମାନଙ୍କର ସମୟ ବଞ୍ଚିବା ସହ ପୂର୍ବ ନିର୍ଦ୍ଧାରିତ ସମୟ ଅପେକ୍ଷା ଖୁବ ସମୟରେ ଯାତ୍ରା ଶେଷ ହେବ । ହାୱଡାରେ ସାନ୍ତରାଗାଛି-ଚେନ୍ନାଇ ସେଣ୍ଟ୍ରାଲ ସୁପର ଫାଷ୍ଟ ସାପ୍ତାହିକ ଅନ୍ୟୋଦୟ ଏକ୍ସପ୍ରେସର ଉଦଘାଟନ କାର୍ଯ୍ୟକ୍ରମରେ ଯୋଗ ଦେଇ ରେଳ ରାଜ୍ୟ ମନ୍ତ୍ରୀ ରାଜେନ ଗୋହେନ ଏହା କହିଛନ୍ତି । ସେ କହିଛନ୍ତି ଯେ, ଟ୍ରେନର ଗତି ବଢାଇବା ପାଇଁ ରେଳ ଲାଇନ ଗୁଡିକୁ ସୁଧାରିବା କାମ ଦ୍ରୁତ ଗତିରେ ଚାଲିଛି । ୨୦୨୨ ମଧ୍ୟରେ ଭାରତୀୟ ରେଳବାଇରେ ଅନମେଡ ଗେଟ ଗୁଡିକୁ ବନ୍ଦ କରିବାର ଲକ୍ଷ୍ୟ ରଖାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ, ନିକଟରେ ଦିଲ୍ଲୀରେ ଜୋନାଲ ରେଲୱେର ମହାପ୍ରବନ୍ଧକଙ୍କ ସହ ହୋଇଥିବା ବୈଠକରେ ଟ୍ରେନର ଗତି କିଭଳି ବଢାଯିବ ସେନେଇ ଆଲୋଚନା କରାଯାଇଥିଲା । ଆଲୋଚନାରେ କୁହାଯାଇଥିଲା ଯେ, ପ୍ରତିବର୍ଷ ଟ୍ରେନ ଗୁଡିକରେ ପ୍ରତିବର୍ଷ ୫ କିଲୋମିଟରର ବୃଦ୍ଧି କରାଯିବ । ଟ୍ରେନର ଗତି ବଢିବା ଦ୍ୱାରା ଯାତ୍ରୀମାନେ ଏକ ନିଶ୍ଚିତ ସମୟରେ ନିଜ ଗନ୍ତବ୍ୟ ସ୍ଥଳରେ ପହଞ୍ଚିପାରିବେ । ରାଜେନ ଗୋହେନ କହିଛନ୍ତି ଯେ, ଗତ ୪ ବର୍ଷରେ ରେଲୱେରେ ବହୁତ ଉନ୍ନତ୍ତି ହୋଇଛି । କିନ୍ତୁ ଭାରତୀୟ ରେଳବାଇକୁ ଆହୁରି ଅଧିକ ବିକଶିତ ହେବାର ଆବଶ୍ୟକତା ରହିଛି । ଟ୍ରେନରେ ଲାଗିଥିବା କାଚ ଗୁଡିକୁ ଉନ୍ନତ୍ତିକରଣ କରାଯାଉଛି ।