ସେପଟେ ନୂଆ ରେଳମନ୍ତ୍ରୀଙ୍କ ଶପଥ ଗ୍ରହଣ ଏପଟେ ଟ୍ରାକରୁ ଖସିଲା ଟ୍ରେନ୍ !
କନକ ବ୍ୟୁରୋ : ସେପଟେ ଶପଥ ଗ୍ରହଣ ଏପଟେ ଟ୍ରାକରୁ ଖସିଲା ଟ୍ରେନ୍ । ଗୋଟିଏ ପଟେ କେନ୍ଦ୍ର ମନ୍ତ୍ରିିମଣ୍ଡଳରେ କ୍ୟାବିନେଟ୍ ପାହ୍ୟା ପାଇ, ରେଳମନ୍ତ୍ରୀ ଭାବେ ଶପଥ ନେଉଥିଲେ ପିୟୁଷ ଗୋଏଲ ଆଉ ଏପଟେ ଲାଇନଚ୍ୟୁତ ହୋଇଛି ଟ୍ରେନ୍ । ଲଗାତର ଭାବେ ଟ୍ରେନ୍ ଦୁର୍ଘଟଣା ପାଇଁ ନିକଟରେ ରେଳମନ୍ତ୍ରୀ ପଦରୁ ବିଦା ହୋଇଛନ୍ତି ସୁରେଶ ପ୍ରଭୁ । ଆଉ ନୂଆ ରେଳମନ୍ତ୍ରୀ ଶପଥ ନେବାର ପ୍ରଥମ ଦିନରେ ଘଟିଛି ରେଳ ଦୁର୍ଘଟଣ। । କଟକ ଶିଖରପୁର ଲେଭଲ କ୍ରସିଂ ନିକଟରେ ମାଲବାହୀ ଟ୍ରେନ ଲାଇନଚ୍ୟୁତ ହୋଇଛି । ଝାରସୁଗୁଡାର ଧୁତୁରା ଅଂଚଳରୁ ସିମେଂଟ ନେଇ ଏହି ମାଲବାହୀ ଟ୍ରେନଟି କଟକ ଆସୁଥିଲା ।
Kanak News is now on WhatsApp
Join and get latest news updates delivered to you via WhatsApp
ଶିଖରପୁର ଛକ ନିକଟରେ ରେଳ ଧାରଣାରେ ତ୍ରୁଟି ଥିବା ଯୋଗୁଁ ଏହି ମାଲବାହୀ ଟ୍ରେନର ଦୁଇଟି ବଗି ଲାଇନଚ୍ୟୁତ ହୋଇଥିବା ସୂଚନା ମିଳିଛି । ରେଳ ଲାଇନ ରକ୍ଷଣାବେକ୍ଷଣ ଦାୟିତ୍ୱରେ ଥିବା ଠିକାଦାରୀ ସଂସ୍ଥାର ବେପରୁଆ କାର୍ଯ୍ୟ ପାଇଁ ଏହି ନିର୍ଦ୍ଦିଷ୍ଟ ରେଳ ଧାରଣାରେ ଏପରି ଘଟଣା ବାରମ୍ବାର ଘଟୁଥିବା ସ୍ଥାନୀୟ ଲୋକେ ଅଭିଯୋଗ କରୁଛନ୍ତି । ମାଲବାହୀ ଟ୍ରେନ ଯିବାର କିଛି ସମୟ ପରେ ପାସେଂଜର ଟ୍ରେନ ଆସିବାର ଥିଲା । ଯଦି ପ୍ରଥମେ ପାସେଂଜର ଟ୍ରେନ ଆସିଥିଲେ ପୁଣି ଏକ ବଡ ଦୁର୍ଘଟଣା ଘଟିଥାନ୍ତା । ରେଳ କର୍ମଚାରୀଙ୍କ ଦାୟିତ୍ୱହୀନତା ଯୋଗୁଁ ଦୁର୍ଘଟଣା ହେଉଥିବା ଅଭିଯୋଗ ହେଉଛି । ଘଟଣାର ତଦନ୍ତ କରାଯିବ ବୋଲି ଷ୍ଟେସନ ମାଷ୍ଟର କହିଛନ୍ତି ।