ମରଣଯନ୍ତା ପାଲଟିଛି ରାସ୍ତା ! କେନ୍ଦୁଝର ଯୋଡା ଓ ବଡବିଲ ଖଣି ଅଂଚଳରେ ଲାଗିରହୁଛି ଟ୍ରାଫିକ ଜାମ
୫୨୦ ନମ୍ବର ଜାତୀୟ ରାଜପଥରେ ଭାରଯାନ ଚଳାଚଳ ଯୋଗୁଁ ବଢୁଛି ଲୋକଙ୍କ ସମସ୍ୟା
କନକ ବ୍ୟୁରୋ: ଦିନକୁ ଦିନ ଉକ୍ରଟ ହେଉଛି ଯୋଡା ଓ ବଡବିଲ ଖଣି ଅଂଚଳରେ ଟ୍ରାଫିକ ଜାମ ସମସ୍ୟା । ହଜାର ହଜାର ସଂଖ୍ୟାରେ ଭାରିଯାନ ଚଳାଚଳ ଯୋଗୁଁ ରାସ୍ତାକାମ ମନ୍ଥର ଗତିରେ ହେଉଥିବାରୁ ୫୨୦ ନମ୍ବର ଜାତୀୟ ରାଜପଥରେ ଘଂଟା ଘଂଟା ଧରି ଜାମ ଲାଗିରହୁଛି । ରୋଗୀ ଡାକ୍ତରଖାନା ପହଂଚିପାରୁନଥିବାବେଳେ ଛାତ୍ର ସ୍କୁଲ ଓ କଲେଜର ପହଂଚିନପାରି ହାଇରାଣ ହେଉଛନ୍ତି । ଲୋକେ ବି ଅସୁବିଧାର ସମ୍ମୁଖୀନ ହେଉଛନ୍ତି । ଠପ୍ ହୋଇଯାଉଛି ଖଣି ଅଂଚଳର ଜୀବନଯାତ୍ରା । ଦୀର୍ଘଦିନରୁ ଲାଗିରହିଥିବା ଏହି ସମସ୍ୟା ଏବେ ପ୍ରଶାସନ ପାଇଁ ମୁଣ୍ଡବ୍ୟଥାର କାରଣ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ରିମୁଳିରୁ ୪୪ କିଲୋମିଟର ଯାଏଁ ୫୨୦ ନମ୍ବର ଜାତୀୟ ରାଜପଥର ନିର୍ମାଣ ମନ୍ଥର ଗତିରେ ଚାଲିଛି । ବିଗତ ଦିନ ଅପେକ୍ଷା ଖଣିଜ ପଦାର୍ଥର ଉତୋଳନ ଓ ପରିବହନ ବହୁମାତ୍ରାରେ ବଢିଛି । କିନ୍ତୁ ସେହି ଅନୁସାରେ ରାସ୍ତାଘାଟ ଓ ପରିବହନ ବ୍ୟବସ୍ଥାର ବିକାଶ ହୋଇପାରିନାହିଁ । ଖଣିଜ ପଦାର୍ଥ ବହନ କରୁଥିବା ଭାରିଯାନ ସେମାନଙ୍କ ରାସ୍ତାରେ ନଯାଇ ଜାତୀୟ ରାଜପଥରେ ଯାଉଥିବାରୁ ଟ୍ରାଫିକ ଜାମ ଲାଗିରହୁଛି । ପ୍ରଶାସନ ଏ ଦିଗରେ ତୁରନ୍ତ ପଦକ୍ଷେପ ନେବାକୁ ଦାବି କରିଛନ୍ତି ସ୍ଥାନୀୟ ବାସିନ୍ଦା । ସେପଟେ ଚମ୍ପୁଆ ଉପଜିଲ୍ଲାପାଳ କହିଛନ୍ତି, ମାସେ ଭିତରେ ଏହାର ସମାଧାନ କରାଯିବ ।