ଗୃହ ମନ୍ତ୍ରୀ ରାଜନାଥ ସିଂହ କଲେ ଟ୍ୱିଟ୍ : ସମସ୍ତ ପର୍ଯ୍ୟଟକ ସୁରକ୍ଷିତ ଅଛନ୍ତି
କନକ ବ୍ୟୁରୋ : ଆଣ୍ଡାମାନ ଓ ନିକୋବରର ହେଭଲକ ଓ ନିଲ୍ ଦ୍ୱୀପରେ ଝଡ ବର୍ଷା ଯୋଗୁଁ ପ୍ରାୟ ୧୪ ଶହ ପର୍ଯ୍ୟଟକ ଫସି ରହିଛନ୍ତି । ଭାରତୀୟ ନୌସେନା ପର୍ଯ୍ୟଟକଙ୍କୁ ଉଦ୍ଧାର କରିବାକୁ ଯୁଦ୍ଧକାଳୀନ ଭିତିରେ ଅଭିଯାନ ଆରମ୍ଭ କରିଛି । ପୋର୍ଟ ବ୍ଲେୟାରରେ ନୌସେନାର ୪ଟି ଜାହାଜ ପହଂଚିଛି । ଝଡତୋଫାନ ଯୋଗୁଁ ଉଦ୍ଧାର କାର୍ଯ୍ୟ ଆରମ୍ଭ ହୋଇପାରିନାହିଁ ।
Kanak News is now on WhatsApp
Join and get latest news updates delivered to you via WhatsApp
ତେବେ ଫସି ରହିଥିବା ସମସ୍ତ ପର୍ଯ୍ୟଟକ ସୁରକ୍ଷିତ ଥିବା ନେଇ ଗୃହ ମନ୍ତ୍ରୀ ରାଜନାଥ ସିଂହ ଟ୍ୱିଟ୍ କରିଛନ୍ତି ଏବଂ ଝଡତୋଫାନ କମିବା ମାତ୍ରେ ଉଦ୍ଧାର କାର୍ଯ୍ୟ ଆରମ୍ଭ ହେବ ବୋଲି ରାଜନାଥ କହିଛନ୍ତିି । ପର୍ଯ୍ୟଟକଙ୍କୁ ଦ୍ୱୀପରୁ ବାହାର କରିବା ପାଇଁ ପୋର୍ଟ ବ୍ଲେୟାରରେ ଏକ କଂଟ୍ରୋଲ ରୁମ ଖୋଲା ଯାଇଛି । ଭାରତୀୟ ତଟରକ୍ଷୀ ବାହିନୀର ବିତ୍ରା, ବଙ୍ଗାରାମସ, କୁମ୍ଭୀର ଏବଂ ଏଲସିୟୁ-୩୮ ଜାହାଜ ପୋର୍ଟ ବ୍ଲେୟାରରେ ପହଂଚିଛି ।