ଭାରତର କେଉଁ କେଉଁ ରାଜ୍ୟରେ ଅଧିକ ଲୋକ ଆମିଷ ଖାଆନ୍ତି ! ଦେଖନ୍ତୁ ଏହାର ଏକ ତାଲିକା
ଗୋମାଂସ ବିବାଦ ଏବେ ଭାରତରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଏଥିପାଇଁ ପ୍ରତିଦିନ ନୂଆ ନୂଆ ଖବର ଶୁଣିବା ପାଇଁ ମିଳୁଛି । ମୋଦି ସରକାର ଦେଶରେ ଗୋ’ହତ୍ୟା ରୋକିବା ପାଇଁ ଏକ ନୋଟିଫିକେସନ ଜାରି କରିଛନ୍ତି । ଏହା ଜାରି ହେବା ପରେ ହିଁ କେରଳ,ପଶ୍ଚିମ ବଙ୍ଗଳା ଆଦି ରାଜ୍ୟରେ ଏନେଇ ବିରୋଧ କରୁଥବାର ଜଣାପଡିଛି । ଏହି ସମ୍ବେଦନଶୀଳ ଘଟଣା ପାଇଁ ସାରା ଦେଶରେ ଏବେ ହଇଚଇ ସୃଷ୍ଟି ହୋଇଛି । ଗୋଟିଏ ପଟେ କିଛି ଲୋକେ ନିଜର ବୃତ୍ତି ହରାଇବା ସହ ଅନ୍ୟପଟେ କିଛି ଲୋକଙ୍କ ଆସ୍ଥା ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
କେରଳରୁ ଏହି ବିବାଦ ନେଇ ବିରୋଧର ସ୍ୱର ଉଠିଥବାରୁୁ ଆପଣ ଯଦି ଭାବୁଛନ୍ତି କେରଳର ଲୋକମାନେ ସବୁଠାର ଅଧିକ ଆମିଷ ଖାଆନ୍ତି, ତବେ ଏହା ଆପଣଙ୍କ ଭୁଲ ଧାରଣା । ଆମିଷ ଖାଇଥିବା ତାଲିକାରେ ସର୍ବାଗ୍ରେ ଅଛି ତେଲେଙ୍ଗାନା ରାଜ୍ୟ । ଏକଥା ଆମେ କହୁନୁ, କେନ୍ଦ୍ର ସରକାର ବେସଲାଇନ ସର୍ଭେ ରିପୋର୍ଟ ଅନୁସାରେ ଏକଥା ଜଣାପଡିଛି ।
ରିପୋର୍ଟରୁ ଜଣାପଡିଛି ଦୁନିଆଭରରେ ଭାରତ ନିରାମିଷାଶୀ ଭାବମୂର୍ତ୍ତି ରଖିଥିଲେ ମଧ୍ୟ ଦେଶରେ ୭୧ ପ୍ରତିଶତ ଲୋକ ଆମିଷ ଖାଉଥିବା ଜଣାପଡିଛି । ବିଗତ ବର୍ଷର ଏକ ରିପୋର୍ଟ ଅନୁସାରେ ୭୧.୬ ପ୍ରତିଶତ ପୁରୁଷ ଓ ୭୦.୭ ପ୍ରତିଶତ ମହିଳା ଆମିଷ ଖାଆନ୍ତି । ଆମିଷ ଖାଇବାରେ ୟୁପିର ଲୋକ ସବୁଠାରୁ ପଛରେ ।
ଏହି ତାଲିକାରେ ପ୍ରଥମ ସ୍ଥାନରେ ଅଛି ତେଲେଙ୍ଗାନା । ଏଠାରେ ମୋଟ୍ ଆମିଷ ଖାଉଛନ୍ତି ୯୮.୭୦ ପ୍ରତିଶତ । ମହିଳା: ୯୮.୬, ପୁରୁଷ : ୯୮.୬ ।
ଏହି ତାଲିକାର ଦ୍ୱିତୀୟ ସ୍ଥାନରେ ଅଛି ପଶ୍ଚିମ ବଙ୍ଗଳା । ଏଠାରେ ମୋଟ୍ ଆମିଷ ଖାଉଥିବା ଖାଉଛନ୍ତି ୯୮.୫୫ ପ୍ରତିଶତ । ମହିଳା ୯୮.୪, ପୁରୁଷ : ୯୮.୭ ।
ଏହି ତାଲିକାରେ ୩ୟ ସ୍ଥାନରେ ଅଛି ଆନ୍ଧ୍ରପ୍ରଦେଶ । ଏଠାରେ ମୋଟ୍ ଆମିଷ ଖାଉଥିବା ଲୋକସଂଖ୍ୟା ହେଲେ ୯୮. ୨୫ । ମହିଳା ୯୮.୧, ପୁରୁଷ ୯୮.୪ ।
ଏହି ତାଲିକାରେ ୪ର୍ଥ ସ୍ଥାନରେ ଅଛି ତାମିଲନାଡୁ । ଏଠାରେ ମୋଟ୍ ଆମିଷ ଖାଉଛନ୍ତି ୯୭.୬୫ ପ୍ରତିଶତ । ମହିଳା ୯୭.୫, ପୁରୁଷ : ୯୭.୮ ।
ଏହି ତାଲିକାରେ ୫ମ ସ୍ଥାନରେ ଅଛି ଓଡିଶା । ଏଠାରେ ମୋଟ୍ ଆମିଷ ଖାଉଛନ୍ତି ୯୭.୩୫ ପ୍ରତିଶତ । ମହିଳା -୯୭.୦, ପୁରୁଷ ୯୭.୫ ।
୬ଷ୍ଠ ସ୍ଥାନରେ ଅଛି କେରଳ । ମୋଟ୍ ୯୭ ପ୍ରତିଶତ ଲୋକ ଏହି ରାଜ୍ୟରେ ଆମିଷ ଖାଆନ୍ତି । ମହିଳା- ୯୬.୬, ପୁରୁଷ ୯୭.୪ ।