ମନର କଥା କହିଲେ ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମା ! ଧର୍ମୀୟ ସହନଶୀଳତା ନେଇ ମୋଦିଙ୍କୁ ଦେଇଥିଲେ ପରାମର୍ଶ
କନକ ବ୍ୟୁରୋ : ଧର୍ମୀୟ ସହନଶୀଳତା ନେଇ ବିତର୍କ ଚାଲିଥିବା ବେଳେ ଆଜି ଏ ନେଇ ମନ୍ତବ୍ୟ ରଖିଛନ୍ତି ଆମେରିକାର ପୂର୍ବତନ ରାଷ୍ଟ୍ରପତି ବାରାକ୍ ଓବାମା । ହିନ୍ଦୁସ୍ତାନ ଟାଇମ୍ସର ଏକ କାର୍ଯ୍ୟକ୍ରମରେ ଯୋଗ ଦେଇ ଓବାମା କହିଛନ୍ତି, ଏହି ପ୍ରସଙ୍ଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ସେ କଥା ହୋଇଥିଲେ । ଧର୍ମ ଓ ଜାତିକୁ ନେଇ ଦେଶ ଭାଗ ଭାଗ ହେବା ଉଚିତ ନୁହେଁ ବୋଲି ସେ ବ୍ୟକ୍ତିଗତ ଭାବେ ମୋଦିଙ୍କୁ କହିଥିଲେ । ଧର୍ମ ଓ ଜାତିକୁ ନେଇ ଏକ ଦେଶ ଭାଗ ଭାଗ ହେବା ଉଚିତ ନୁହେଁ । ମୁଁ ବ୍ୟକ୍ତିଗତ ଭାବେ ଏବଂ ଆମେରିକାବାସୀଙ୍କ ତରଫରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏହି କଥା କହିଛି । ଧର୍ମୀୟ ସହନଶୀଳତା ନେଇ ମୁଁ ତାଙ୍କୁ ପରାମର୍ଶ ଦେଇଛି । ଭାରତରେ ମୁସଲିମମାନେ ବେଶ୍ ସଫଳ । ଖୁସି ହେବାର ବିଷୟ ହେଉଛି ଯେ ଦେଶର ମୁସଲିମ୍ ନିଜକୁ ଭାରତୀୟ ଭାବେ ପରିଚୟ ଦିଅନ୍ତି । ଯାହା ଅନ୍ୟ ଦେଶର ସଂଖ୍ୟାଲଘୁଙ୍କ କ୍ଷେତ୍ରରେ ପ୍ରାୟ ଦେଖାଯାଏ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଧର୍ମ ନାଁରେ ଅସହିଷ୍ଣୁତା ନେଇ ଭାରତରେ ବିତର୍କ ଜୋର ଧରିଥିବା ବେଳେ ଆମେରିକାର ପୂର୍ବତନ ରାଷ୍ଟ୍ରପତି ବାରାକ୍ ଓବାମାଙ୍କ ଏହି ବୟାନ ବେଶ୍ ଗୁରୁତ୍ୱ ବହନ କରୁଛି । ହିନ୍ଦୁସ୍ଥାନ ଟାଇମ୍ସର ଏକ କାର୍ଯ୍ୟକ୍ରମରେ ଯୋଗ ଦେଇ ସେ ମୋଦିଙ୍କୁ ଧର୍ମୀୟ ସହନଶୀଳତା ନେଇ ଏହା କହିଥିଲେ ବୋଲି ଆଜି ମନ୍ତବ୍ୟ ରଖିଛନ୍ତି ବାରାକ ଓବାମା । ଏହା ସହ ଓବାମା କହିଛନ୍ତି, ଗଣତନ୍ତ୍ରରେ କିଏ ପ୍ରଧାନମନ୍ତ୍ରୀ ଓ କିଏ ରାଷ୍ଟ୍ରପତି ଯେତିକି ଗୁରୁତ୍ୱପୂର୍ଣ୍ଣ ନୁହେଁ, ସାଧାରଣ ଲୋକ କଣ ଚାହୁଁଛନ୍ତି, ତାହା ସବୁଠୁ ଅଧିକ ଗୁରୁତ୍ୱ ରଖେ । ଯଦି ଲୋକ ବିଭାଜନ ଚାହିଁବେ ନାହିଁ, ତେବେ ସେହି ଧାରାରେ ବିଶ୍ୱାସ କରୁଥିବା ରାଜନୈତିକ ଦଳକୁ ସମର୍ଥନ କରିବେ । ଫଳରେ ସେମାନଙ୍କ ଶକ୍ତି ବୃଦ୍ଧି ପାଇବ ।