ଏଣିକି ନିଜେ ନିଜକୁ ସ୍ୱଚ୍ଛ ରଖିବ ଟଏଲେଟ ! ଆପଣ ମଧ୍ୟ ଆପଣାନ୍ତୁ ଏହି ପ୍ରକ୍ରିୟା ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ସ୍ୱଚ୍ଛ ଭାରତ ଅଭିଯାନକୁ ଅନେକ ସ୍ତରରେ ଲୋକମାନେ ପାଳନ କରୁଥିବା ଦେଖିବାକୁ ମିଳିଛି । କିଛି ଲୋକ ବିଭିନ୍ନ ପ୍ରକାର ସଚେତନତା ମୂଳକ କାର୍ଯ୍ୟକ୍ରମ ଜରିଆରେ ମଧ୍ୟ ସ୍ୱଚ୍ଛ ଭାରତ ଅଭିଯାନର ପ୍ରଚାର ପ୍ରସାର କରୁଛନ୍ତି । ଏହାରି ମଧ୍ୟରେ କପିଲ ଅଗ୍ରୱାଲ ଏବଂ ପ୍ରିୟାଂଶୁ ପ୍ରତାପ ସିଂହଙ୍କ ଟିମ୍ ଏମିତି ଏକ ସିଷ୍ଟମ ପ୍ରସ୍ତୁତ କରିଛନ୍ତି, ଯାହାକି ସାଧାରଣ ସ୍ତରରେ ସ୍ମାର୍ଟ ଟଏଲେଟର ପରିକଳ୍ପନାକୁ ବାସ୍ତବର ରୂପ ଦେଇଛି । ଏହି ସିଷ୍ଟମକୁ ଅନଲକ୍ ଏବଂ ଫ୍ଲାସ ନାମ ଦିଆଯାଇଛି । ଏହାକୁ ଟଏଲେଟରେ ଲଗାଯାଇ ସାଧାରଣ ଟଏଲେଟକୁ ମଧ୍ୟ ସ୍ମାର୍ଟ ଟଏଲେଟ କରାଯାଇପାରିବ ।
Kanak News is now on WhatsApp
Join and get latest news updates delivered to you via WhatsApp
ଗାଜିଆବାଦରେ ବାଦରେ ବାସ କରୁଥିବା ୨୩ ବର୍ଷୀୟ କପିଲ ଗ୍ରେଟର ନୋଏଡା ଏବିଏସ ଇନଫରମେସନ ଟେକ୍ନୋଲୋଜି ସଂସ୍ଥାନରୁ ପାଠ ପଢିଛନ୍ତି । ସେ ଏକ ସିଷ୍ଟମ ପ୍ରସ୍ତୁତ କରିଛନ୍ତି, ଯେଉଁଥିରେ ଟଏଲେଟରେ ଫ୍ଲାସ କରିବାର କୌଣସି ଆବଶ୍ୟକତା ନାହିଁ । ଟଏଲେଟର କବାଟ ଖୋଲିବା ଏବଂ ବନ୍ଦ କରିବା ଦ୍ୱାରା ଏହି ସିଷ୍ଟମ ଅଟୋମେଟିକ କାମ କରିବା ଆରମ୍ଭ କରିଦେଇଥାଏ । ତେବେ ଏହି ସିଷ୍ଟମକୁ ଟଏଲେଟର କବାଟରେ ହିଁ ଲଗାଯାଇଥାଏ ଏବଂ ପାଣି ଟାଙ୍କିରେ ମଧ୍ୟ ଫିକ୍ସ କରାଯାଇଥାଏ । କୌଣସି ବ୍ୟକ୍ତି ଶୌଚ କରିବା ପାଇଁ ଯେତେବେଳେ କବାଟ ଖୋଲିଥାଏ, ସେତେବେଳେ ଏହି ସିଷ୍ଟମ ଅନ ହୋଇଯାଇଥାଏ । ଏବଂ ପାଣି ଟ୍ୟାଙ୍କରେ ପାଣି ଭରି ହୋଇଯାଇଥାଏ । ଶୌଚ ସରିବା ପରେ ବ୍ୟକ୍ତି ଜଣଙ୍କ ଯିବା ପାଇଁ କବାଟ ଖୋଲିଲେ ଏହି ସିଷ୍ଟମ ଦ୍ୱାରା କମୋଡରେ ଅଟୋମେଟିକ ଫ୍ଲାସ ହୋଇଯାଇଥାଏ ।
ଏବେ ଏହି ସିଷ୍ଟମର ମୂଲ୍ୟ ଚାରି ହଜାର ଟଙ୍କା ରହିଥିବା ବେଳେ ଯଦି କୌଣସି କମ୍ପାନୀ ଏଥିପ୍ରତି ନିବେଶ କରନ୍ତି, ତେବେ ଏହାର ମୂଲ୍ୟ କମିଯାଇପାରେ । ତେବେ ବିଶେଷଜ୍ଞଙ୍କ ମତରେ ଏହା ଅତ୍ୟନ୍ତ ଭଲ ଏବଂ ଇନୋଭେଟିଭ ପ୍ରୋଜେକ୍ଟ ଅଟେ । ଏଭଳି ସିଷ୍ଟମରେ କମ୍ପାନୀଗୁଡିକ ପ୍ରାୟତଃ ସେନସର ବ୍ୟବହାର କରିଥାନ୍ତି । କିନ୍ତୁ ସେମାନଙ୍କ ପୁରା କାର୍ଯ୍ୟ ମେକାନିକାଲ ହୋଇଥାଏ । କିନ୍ତୁ ଏହି ସିଷ୍ଟମରେ ସେପରି କୌଣସି ସେନସର ବ୍ୟବହାର କରାଯାଇନାହିଁ ।