ଆଜି ଦିଲ୍ଲୀ ଦରବାରରେ ଓଡିଶା କଂଗ୍ରେସର ଭାଗ୍ୟ ନିର୍ଦ୍ଧାରଣ ! ଦଳର ଛାମୁଆ ନେତାଙ୍କ ସହ ରାହୁଲଙ୍କ ଆଲୋଚନା
କନକ ବ୍ୟୁରୋ : ଖୁବ୍ ଶୀଘ୍ର ଦିଲ୍ଲୀ ଦରବାରରୁ ଆସିପାରେ ରାଜ୍ୟ କଂଗ୍ରେସର ନିଷ୍ପତି । ଆଜି ଦିଲ୍ଲୀରେ କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧିଙ୍କୁ ଭେଟିବେ ରାଜ୍ୟ କଂଗ୍ରେସର ତୁଙ୍ଗ ନେତା । ଆଜି ଦିଲ୍ଲୀରେ ହେବାକୁ ଥିବା ବୈଠକରେ ରାଜ୍ୟ କଂଗ୍ରେସର ୨୦ରୁ ଅଧିକ ନେତା ସାମିଲ ହେବେ । ପ୍ରଥମେ ବିଧାୟକଙ୍କ ସହ ବୈଠକ ପରେ ରାଜ୍ୟକଂଗ୍ରେସର ବରିଷ୍ଠ ନେତାଙ୍କ ସହ ଆଲୋଚନା କରିବେ ରାହୁଲ ଗାନ୍ଧୀ । ପିସିସି ପରିବର୍ତନ ନେଇ ଜୋରଦାର ଚର୍ଚ୍ଚା ହେଉଥିବା ବେଳେ ଆଜିର ବୈଠକ ପରେ ଏକ ଚୁଡାନ୍ତ ନିଷ୍ପତି ଆସିବା ସଂଭାବନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ବୈଠକରେ ବିରୋଧୀ ଦଳ ନେତା, କଂଗ୍ରେସ ବିଧାୟକ, କଂଗ୍ରେସ ସାଂସଦଙ୍କ ସମେତ ରାଜ୍ୟ କଂଗ୍ରେସର ବହୁ ତୁଙ୍ଗ ନେତା ଯୋଗ ଦେଉଛନ୍ତି । ବିଶେଷ କରି ପଂଚାୟତ ନିର୍ବାଚନରେ କଂଗ୍ରେସର ବିପର୍ଯ୍ୟୟ ପରେ ଦଳୀୟ ସଂଗଠନକୁ ମଜବୁତ କରିବା ପାଇଁ ଲକ୍ଷ୍ୟ ରଖାଯାଇଛି । ପଂଚାୟତ ନିର୍ବାଚନରେ ଦଳର ବିପର୍ଯ୍ୟୟ ପାଇଁ ଓଡ଼ିଶା ପ୍ରଭାରୀ ଇସ୍ତଫା ଦେବା ସହ ପ୍ରଦେଶ କଂଗ୍ରେସ ସଭାପତି ମଧ୍ୟ ଦୋଷ ମୁଣ୍ଡାଇଥିଲେ । ତେବେ ଆଜି ବସିବାକୁ ଥିବା ବୈଠକରେ ଏକ ବଡ ଧରଣର ପରିବର୍ତନର ଇସାରା ମିଳିବ ବୋଲି ସୂଚନା ମିଳିଛି ।