ଆଜି ପବିତ୍ର ନନ୍ଦ ଉତ୍ସବ । ମଧ୍ୟରାତ୍ରରେ କଂସର ବନ୍ଦୀଶାଳାରେ ଧରାପୃଷ୍ଠକୁ ଅବତରଣ କରିଛନ୍ତି ପ୍ରଭୁ ଶ୍ରୀକୃଷ୍ଣ, ମନ୍ଦିରରେ ଲାଗିଛି ଭକ୍ତଙ୍କ ଗହଳି
କନକ ବ୍ୟୁରୋ : ଆଜି ପବିତ୍ର ନନ୍ଦ ଉତ୍ସବ । ମଧ୍ୟରାତ୍ରରେ ଧରାପୃଷ୍ଠରେ ଅବତରଣ କରିଛନ୍ତି ମହାପ୍ରଭୁ ଶୀକୃଷ୍ଣ । କଂସର ବନ୍ଦୀଶାଳାରେ ମାତା ଦେବକୀଙ୍କ ଗର୍ଭରୁ ଧରାପୃଷ୍ଠରେ ପାଦ ଦେଇଛନ୍ତି ମହାପ୍ରଭୁ । କଂସର ନିପାତ କରି ଅଧର୍ମର ନାଶ ପାଇଁ ଧରାଧାମକୁ ଓହ୍ଲାଇଛନ୍ତି ଶ୍ରୀକୃଷ୍ଣ । ପିତା ବସୁଦେବ ବନ୍ଦୀଶାଳାରୁ ପୁତ୍ର କୃଷ୍ଣଙ୍କୁ ନେଇ ଗୋପପୁରରେ ପହଂଚିଛନ୍ତି । କୃଷ୍ଣଙ୍କ ଆଗମନ ପରେ ଆଜି ଗୋପପୁରରେ ନନ୍ଦ ଉତ୍ସବ ପାଳିତ ହେବ । ଜନ୍ମାଷ୍ଟମୀ ଅବସରରେ ମନ୍ଦିରମାନଙ୍କରେ ଭକ୍ତଙ୍କ ସମାଗମ ହୋଇଛି । ଭୁବନେଶ୍ୱର ଇସ୍କନ ମନ୍ଦିରରେ ଭକ୍ତଙ୍କ ଗହଳି ଜମିଥିଲା । ଭଜନ କିର୍ତନ ସହ ହରିବୋଲ ଧ୍ୱନୀରେ ଭାବମୟ ହୋଇଉଠିଥିଲା ପରିବେଶ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଜୟଦେବ ବିହାର ଠାରେ ଥିବା ଶ୍ୟାମ ଧାମ ଠାରେ ପବିତ୍ର ଶ୍ରୀକୃଷ୍ଣ ଜନ୍ମ ଉତ୍ସବ ମହାସମାରୋହରେ ଅନୁଷ୍ଠିତ ହୋଇଛି । ସତସଂଙ୍ଗ ସହିତ ଭଜନ କୀର୍ତନ ସହ ମନ୍ଦିରରେ ଭକ୍ତଙ୍କ ଭିଡ଼ ଜମିଥିଲା । ସେହପରି ଦେଶର ବିଭିନ୍ନ ଜାଗାରେ କୃଷ୍ଣ ଜନ୍ମାଷ୍ଟମୀ ପାଳିତ ହୋଇଛି । ମଥୁରାରେ ଧୁମଧାମରେ ଏହି ପର୍ବ ପାଳନ କରାଯାଉଛି । ଏହି ଅବସରରେ ରାସଲୀଳା ବା କୃଷ୍ଣଲୀଳା ମଧ୍ୟ ଆୟୋଜିତ ହୋଇଛି । କେତେକ ସ୍ଥାନରେ ଦହିହାଣ୍ଡି ଭଙ୍ଗା ଉତ୍ସବ ପାଳନ କରାଯାଇଛି । ବାରଣାସୀରେ ଜନ୍ମାଷ୍ଟମୀ ଅବସରେ ଉତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ସାମିଲ ହୋଇଥିଲେ । କିମ୍ବଦନ୍ତୀ ଅନୁସାରେ ଭାଦ୍ରବ କୃଷ୍ଣ ପକ୍ଷ ଅଷ୍ଟମୀରେ ବିଷ୍ଣୁଙ୍କ ଅଷ୍ଟମ ଅବତାର ଭାବେ କୃଷ୍ଣ ଦେବକୀ ଓ ବସୁଦେବଙ୍କ ପୁଅ ଭାବେ ମଥୁରାରେ ଜନ୍ମ ଗ୍ରହଣ କରିଥିଲେ ।