ପ୍ରଥମ ସୂର୍ଯ୍ୟ କିରଣ ! ଚନ୍ଦ୍ରଭାଗାରେ ବିଶ୍ୱାସର ବୁଡ ପକାଇଲେ ଲକ୍ଷାଧିକ ଶ୍ରଦ୍ଧାଳୁ
କନକ ବ୍ୟୁରୋ: ଆଜି ପବିତ୍ର ମାଘ ସପ୍ତମୀ । ମାଘ ସପ୍ତମୀର ଅନ୍ୟନାମ ସୁର୍ଯ୍ୟ ଜୟନ୍ତୀ ବା ଭାନୁ ସପ୍ତମୀ । ମାଘ ସପ୍ତମୀ ସୂର୍ଯ୍ୟଙ୍କୁ ସମର୍ପିତ ଦିନଟିଏ । ମାଘ ମାସର ଶୁକ୍ଲ ପକ୍ଷର ୭ମ ଦିନରେ ଏହା ପାଳନ ହୁଏ । ବିଶ୍ୱାସ ରହିଛି ଚନ୍ଦ୍ରଭାଗାରେ ବୁଡ ପକାଇବା ଦ୍ୱାରା ସବୁ ରୋଗ ଦୂର ହୁଏ । ପବିତ୍ର ଗଙ୍ଗାରେ ଗାଧୋଇବା ଦ୍ୱାରା ଯାହା ପୁଣ୍ୟ ମିଳେ ଏହିଦିନ ତାହା ମିଳିଥାଏ ।ଦକ୍ଷିଣ ଭାରତରେ ସୁର୍ଯ୍ୟଙ୍କ ଜୟନ୍ତୀ ଭାବେ ଏହାକୁ ପାଳନ କରାଯାଏ ।
Kanak News is now on WhatsApp
Join and get latest news updates delivered to you via WhatsApp
କିମ୍ବଦନ୍ତୀ ଅନୁସାରେ ଭଗବାନ କୃଷ୍ଣଙ୍କ ପୁତ୍ର ଶାମ୍ବ ନିଜ ରୁପକୁ ନେଇ ଗର୍ବ କରୁଥିଲେ ।ଦିନେ ସେ ନାରଦ ମୁନିଙ୍କୁ କଟାକ୍ଷ କରିଥିଲେ,ଆଉ କୃଷ୍ଣ ଦେଇଥିଲେ ଅଭିଶାପ । ଏହାପରେ କୃଷ୍ଣ ଶାମ୍ଭଙ୍କୁ ସୁର୍ଯ୍ୟ ପୁଜା କରିବାକୁ କହିଥିଲେ । ଶାମ୍ବ ୧୨ ବର୍ଷ ଧରି ସୁର୍ଯ୍ୟଙ୍କ ପୁଜା କରିଥିଲେ । ଏହାପରେ ସୁର୍ଯ୍ୟ ଶାମ୍ବଙ୍କ ତପସ୍ୟାରେ ସନ୍ତୁଷ୍ଟ ହୋଇ ତାଙ୍କୁ ଚନ୍ଦ୍ରଭାଗାରେ ସ୍ନାନ କରିବାକୁ ନିର୍ଦ୍ଦେଶ ଦେଇଥିଲେ । ଏହାପରେ ଶାମ୍ଭଙ୍କ କୁଷ୍ଠ ରୋଗ ଭଲ ହୋଇଥିଲା ।
ଅନ୍ୟ ଏକ କିମ୍ବଦନ୍ତୀ ଅନୁସାରେ ସତ୍ୟପା ସୁର୍ଯ୍ୟଙ୍କୁ ତପସ୍ୟା କରିଥିଲେ, କିନ୍ତୁ ସୁର୍ଯ୍ୟ ଦର୍ଶନ ଦେଇନଥିଲେ, ଦିନେ ଅର୍କଦୈ÷ତ୍ୟ ରାକ୍ଷସ ସତ୍ୟପାଙ୍କୁ ଆକ୍ରମଣ କରିବାକୁ ଉଦ୍ୟମ କରିବାବେଳେ ସୁର୍ଯ୍ୟଦେବତା ତାଙ୍କୁ ରୋକିଥିଲେ । ସେଦିନ ଥିଲା ମାଘ ଶୁକ୍ଲ ପକ୍ଷ ଷଷ୍ଠୀ ତିଥୀ । ଏହାକୁ ସ୍ମୃତିଚାରଣ କରି ଶ୍ରଦ୍ଧାଳୁମାନେ ସୁର୍ଯ୍ୟୋଦୟ ପୁର୍ବରୁ ଚନ୍ଦ୍ରଭାଗାରେ ବୁଡ ପକାନ୍ତି । ଆଦିକବି ଶାରଳା ଦାସ ଏହାକୁ ଲକ୍ଷ୍ୟକରି ଲେଖିଛନ୍ତି–“ସପ୍ତମୀ ପ୍ରାତକାଳେ ମଉଦଧିରେ ସ୍ରାହାନ, ଚନ୍ଦ୍ରଭାଗାୟେ ସ୍ଥାନେ ଅର୍କବଟ ଯେ ଦର୍ଶନ, ଶ୍ରୀ କୋଣାର୍କ ତୀର୍ଥ ନାମ ଯେଉଁଣ ତୀର୍ଥ ଗୋଟି, ୟେହାକଇଁ ସମାନ ନୁହଁଇ ତୀର୍ଥ କୋଟି” ।
ଶାରଳା ଦାସ ଆହୁରି ଲେଖିଛନ୍ତି କୋଟିଏ ଗୋଧନ ଓ କୋଟିଏ ଅଶ୍ୱଗଜ ଦାନ କଲେ ଯେଉଁ ପୂଣ୍ଣ୍ୟ ମିଳିଥାଏ ତାହାଠାରୁ ଅଧିକ ପୂଣ୍ଣ୍ୟ ଏଠି ବୁଡ ପକାଇ ସୂର୍ଯ୍ୟଙ୍କୁ ଦର୍ଶନ କଲେ ମିଳିଥାଏ । ଏହି ବିଶ୍ୱାସ ଅନୁଯାୟୀ ଆଜି ହଜାର ହଜାର ଶ୍ରଦ୍ଧାଳୁ ଚନ୍ଦ୍ରଭାଗାରେ ବୁଡ ପକାଇ ସୂର୍ଯ୍ୟ ଦେବଙ୍କୁ ଦର୍ଶନ କରିଛନ୍ତି ।
ଏହା ସହ ଦେଖନ୍ତୁ ଏହି ଭିଡିଓ-