ସରିଲା ଦଶହରା, ଆଜି ମେଲାଣି ନେବେ ମା’ ଦୁର୍ଗା । ଭସାଣ ଉତ୍ସବ ପାଇଁ କଟକରେ ବ୍ୟାପକ ପ୍ରସ୍ତୁତି, ବିସର୍ଜନ ପାଇଁ ଦେବୀଗଡ଼ାରେ ଅସ୍ଥାୟୀ ପୋଖରୀ ବ୍ୟବସ୍ଥା
ସରିଛି ଦଶହରା । ଆଜି ମା’ଙ୍କ ବିଦାୟୀ ପର୍ବ
କନକ ବ୍ୟୁରୋ : ସରିଛି ଦଶହରା । ଆଜି ମା’ଙ୍କ ବିଦାୟୀ ପର୍ବ । ଆଜି ମେଲାଣି ନେବେ ମା’ ଜଗତଜନନୀ । ଦୁଗାପୂଜା ଭସାଣୀ ନେଇ କଟକରେ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ହୋଇଛି । ପୁଲିସ୍, ଜିଲ୍ଲା ପ୍ରଶାସନ ଓ ମହାନଗର ନିଗମ ପକ୍ଷରୁ ଭସାଣ ଉତ୍ସବକୁ ଶାନ୍ତି ଶୃଙ୍ଖଳାର ସହ ଶେଷ କରିବାକୁ ବ୍ୟାପକ ପ୍ରସ୍ତୁତି ହୋଇଛି । ସହରର ବିଭିନ୍ନ ସ୍ଥାନରେ ପୁଲିସର ୪୦ଟି ଆଉଟପୋଷ୍ଟ କରାଯାଇଛି । ଏହାସହ ଭିଡ଼ ଭିତରେ ବିଶୃଙ୍ଖଳା ରୋକିବାକୁ ୨ଟି ରାପିଡ ଆକ୍ସନ ଫୋର୍ସ ସମେତ ୫୭ ପ୍ଲାଟୁନ ପୋଲିସ୍ ଫୋର୍ସ ସହରରେ ମୁତୟନ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ଭିଡ଼ ଭିତରେ ପକେଟମାର, ଚେନ୍ ଲୁଟେରାଙ୍କ ଉପରେ ନଜର ରଖିବାକୁ ସାଦା ପୋଷାକଧାରୀ ପୁଲିସ୍ କର୍ମଚାରୀ ମୁତୟନ ହୋଇଛନ୍ତି । ଏସବୁ ବ୍ୟବସ୍ଥାକୁ ନିଜେ ଡିସିପି ସିସିଟିଭି ମାଧ୍ୟମରେ ଅନୁଧ୍ୟାନ କରୁଛନ୍ତି । ଭସାଣ ଉତ୍ସବ ପାଇଁ ଦିନ ୧୧ଟାରୁ ସହରରେ ଟ୍ରାଫିକ କଟକଣା ଜାରି କରିବାକୁ ପୁଲିସ୍ ପକ୍ଷରୁ ସ୍ଥିର କରାଯାଇଛି । ମୂର୍ତିମାନଙ୍କ ବିସର୍ଜନ ପାଇଁ ଦେବୀଗଡ଼ାରେ ଅସ୍ଥାୟୀ ପୋଖରୀ ବ୍ୟବସ୍ଥା କରାଯାଇଛି । ସହରର ସମସ୍ତ ମେଢ଼ ବିଭିନ୍ନ ସାହି ପରିକ୍ରମା କରି ଗୌରୀଶଙ୍କର ପାର୍କ ସାମ୍ନା ରାସ୍ତା ଦେଇ ଦେବୀଗଡ଼ାକୁ ଯିବାର ବ୍ୟବସ୍ଥା କରାଯାଇଛି ।