ଆଜି ପୁସ୍ତକ ପ୍ରେମୀ ଦିବସ ! ଇଣ୍ଟରନେଟ୍ ଦୁନିଆରେ ମଧ୍ୟ ଆଦର ହରାଇନାହିଁ ପୁସ୍ତକ, ବହିକୁ ନେଇ ଏବେବି ରହିଛି ଅନେକ ଇତିହାସ ।
ଆଜି ପୁସ୍ତକ ପ୍ରେମୀ ଦିବସ । ଏବର ଏହି ଇଣ୍ଟରନେଟ ଦୁନିଆରେ ମଧ୍ୟ ଆଦର ହରାଇନାହିଁ ପୁସ୍ତକ । ଏହାର ଲୋକପ୍ରିୟତା – ଗ୍ରହଣୀୟତା ଅତୁଟ ରହିଛି । ଲୋକମାନେ ଅନେକ ପ୍ରକାର ବହି ପଡିବାକୁ ଭଲ ପାଇଥାନ୍ତି । କାହାକୁ ଜୀବନୀ ଭଲ ଲାଗେ ତ ଆଉ କାହାକୁ ଉପନ୍ୟାସ । କିଏ କ୍ଷୁଦ୍ର ଗଳ୍ପ ପଢିବାକୁ ଭଲ ପାଏ ତ ଆଉ କିଏ କବିତା ପୁଣି କିଏ ନାଟକ । ବିଭାଗୀୟ ପସନ୍ଦ ଭିନ୍ନ ଭିନ୍ନ ହୋଇପାରେ, କିନ୍ତୁ ପୁସ୍ତକ ସମସ୍ତଙ୍କର ପସନ୍ଦ ହୋଇରହିଛି । ସହସ୍ରାଧିକ ବର୍ଷ ତଳେ ମଣିଷ ଲେଖିବା ଶିଖିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ପୁସ୍ତକର ଜନ୍ମ ପଞ୍ଚଦଶ ଶତାବ୍ଦୀର ମଧ୍ୟ ଭାଗରେ, ଜୋହାନ୍ ଗୁଟେନବର୍ଗଙ୍କ ଦ୍ୱାରା ମୁଦ୍ରଣ ଯନ୍ତ୍ରର ଉଦ୍ଭାବନ ପରେ । କିନ୍ତୁ ଏହା ପୂର୍ବରୁ ତାଳ-ପତ୍ର ପୋଥି, ବାଉଁଶ ପୋଥି ଆଦି ପ୍ରଚଳିତ ଥିଲା । ହେଲେ କାଗଜ ପୁସ୍ତକ ସବୁଠାରୁ ଅଧିକ ଆଦୃତି ଲାଭ କରିଥିଲା । ଗୁଟେନବର୍ଗଙ୍କ ଦ୍ୱାରା ମୁଦ୍ରିତ ‘ବାଇବେଲ’ ବିଶ୍ୱର ପ୍ରଥମ ପୁସ୍ତକ । ଫ୍ରେଞ୍ଚ୍ ଔପନାସିକ ମାର୍ସେଲ ପୁସତଙ୍କ ‘ଇନ ସର୍ଚ୍ଚ ଅଫ ଲସଟ୍ ଟାଇମ୍’ ବିଶ୍ୱର ସବୁଠାରୁ ଲମ୍ବା ଉପନ୍ୟାସ ।