ଅଯୋଧ୍ୟା ବିବାଦରେ ଆଜି ରାୟ ଶୁଣାଇବେ ସୁପ୍ରିମକୋର୍ଟ ! ମଧ୍ୟସ୍ଥି ମାମଲାକୁ ନେଇ ଶୁଣାଣି କରିବେ କୋର୍ଟ 

ଅଯୋଧ୍ୟା ସ୍ଥିତ ରାମ ଜନ୍ମଭୂମି ବିବାଦର ସମାଧାନ ପାଇଁ ଆଜି ସୁପ୍ରିମକୋର୍ଟ ଏକ ଗୁରୁତ୍ବପୂର୍ଣ୍ଣ ରାୟ ଶୁଣାଇବେ

36
କନକ ବ୍ୟୁରୋ : ଅଯୋଧ୍ୟା ସ୍ଥିତ ରାମ ଜନ୍ମଭୂମି ବିବାଦର ସମାଧାନ ପାଇଁ ଆଜି ସୁପ୍ରିମକୋର୍ଟ ଏକ ଗୁରୁତ୍ବପୂର୍ଣ୍ଣ ରାୟ ଶୁଣାଇବେ। ବହୁ ପ୍ରତୀକ୍ଷିତ ଏହି ବିବାଦର ସ୍ଥାୟୀ ସମାଧାନ ମଧ୍ୟସ୍ଥିମାନଙ୍କ ଦ୍ବାରା ସମ୍ପାଦିତ ହେବ ନା ଅଦାଲତରେ ବିଚାର ହେବ, ସେ ସମ୍ପର୍କରେ ଚୂଡ଼ାନ୍ତ ରାୟ ଆଶା କରାଯାଉଛି। ସୂଚନା ଥାଉ କି, ବିବାଦୀୟ ୨.୭୭ ଏକର ପରିମିତ ଜାଗାକୁ ନିର୍ମୋହି ଆଖଡ଼ା, ସୁନ୍ନି ସେଣ୍ଟ୍ରାଲ୍ ଵାକଫ୍ ବୋର୍ଡ ଏବଂ ରାମଲାଲା ବିରାଜମାନ ମଧ୍ୟରେ ତିନି ଭାଗରେ ବାଣ୍ଟିଦେବା ପାଇଁ ୨୦୧୦ ମସିହାରେ ଆଲ୍ଲାହାବାଦ ହାଇକୋର୍ଟ ଦେଇଥିବା ରାୟକୁ ବିରୋଧ କରି ୧୪ଟି ଆବେଦନ ଦାଖଲ ହୋଇଥିଲା।

ତେବେ ପ୍ରଧାନ ବିଚାରପତି ରଞ୍ଜନ ଗୋଗୋଇଙ୍କ ନେତୃତ୍ବାଧୀନ ପାଞ୍ଚଜଣିଆ ଖଣ୍ଡପୀଠ ବୁଧବାର ବିଭିନ୍ନ ପକ୍ଷର ଶୁଣାଣି କରିଥିବା ବେଳେ ରାୟକୁ ସଂରକ୍ଷିତ ରଖିଛନ୍ତି। ସେହିପରି ଏହି ମାମଲା କେବଳ ୧୫୦୦ ବର୍ଗଫୁଟ ଜମିର ସ୍ବତ୍ବ ହସ୍ତାନ୍ତର ପ୍ରସଙ୍ଗ ସମ୍ବଳିତ ନୁହେଁ, ବରଂ ଏଥି ସହିତ ଲୋକଙ୍କ ଧର୍ମାବେଗ ଜଡ଼ିତ ବୋଲି ଖଣ୍ଡପୀଠ ଟିପ୍ପଣୀ କରିଥିଲେ। ତେବେ ଏହି ମାମଲା ସହ ଜଡ଼ିତ ନିର୍ମୋହି ଆଖଡ଼ା ବ୍ୟତୀତ ଅନ୍ୟ ହିନ୍ଦୁ ସଂଗଠନଗୁଡ଼ିକ ସର୍ବୋଚ୍ଚ ଅଦାଲତ ଦ୍ବାରା ପ୍ରସ୍ତାବିତ ମଧ୍ୟସ୍ଥତା ପ୍ରକ୍ରିୟାକୁ ବିରୋଧ କରୁଥିବା ବେଳେ ସୁସଲିମ୍ ସଂଗଠନ ସବୁ ଏହା ସପକ୍ଷରେ ଅଛନ୍ତି।

ମତାମତ

Your email address will not be published.