ତିତଲି ପାଇଁ ପୁରୀ ସମୁଦ୍ର ଅଶାନ୍ତ ! ଭୟଙ୍କର ଗର୍ଜନ କରିବା ସହ ଉଠୁଛି ବିଶାଳ ଜୁଆର
କନକ ବ୍ୟୁରୋ : ବାତ୍ୟା ତିତଲିକୁ ନେଇ ପୁରୀବାସୀ ଭୟଭୀତ । ସମୁଦ୍ର କୂଳିଆ ବାସିନ୍ଦାଙ୍କ ମଧ୍ୟରେ ଭୟର ବାତାରବରଣ ଅଧିକ ରହିଛି । ଉଠାଦୋକନୀ ଦୋକାନ ଖୋଲିବା ପାଇଁ ଭୟ କରୁଛନ୍ତି । ଅଧିକ ସମୟ ଯେତିକି ଗଡ଼ି ଚାଲିଛି, ଉଚ୍ଚ ଢ଼େଇ ଆସୁଛି । ମୋଟାମୋଟି କହିବାକୁ ଗଲେ ୩ ରୁ ୪ ଫୁଟ ଉଚ୍ଚାତାରେ ଢ଼େଉ ଆସୁଛି । ପ୍ରାୟ ୧୫ ଫୁଟ ଉଚ୍ଚତାର ଘାଇ ଖାଇଯାଇଛି ।ତେବେ ଫାଇଲିନ୍ ହୁଡ଼ହୁଡ଼ ତୁଳନାରେ ଏହାର ପ୍ରଭାବ ଟିକିଏ କମ୍ ଅଛି ବୋଲି କହିଛନ୍ତି ସ୍ଥାନୀୟ ବାସିନ୍ଦା । ସମୁଦ୍ର ସମ୍ପୂର୍ଣ୍ଣ ଭାବେ ଅଶାନ୍ତ ହୋଇ ଉଠିଛି । ସମୁଦ୍ରରେ ବିଶାଳ ଢ଼େଉ ଉଠୁଛି, ଯାହାକୁ ଦେଖି ଲୋକମାନେ ଭୟଭୀତ ହୋଇ ପଡ଼ିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୁରୀକୁ ଦେଶବିଦେଶର ପର୍ଯ୍ୟଟକ ଆସୁଥିବାରୁ ସମୁଦ୍ରରେ ଗାଧେଇବା ବାରଣ କରାଯିବା ସହିତ ସମୁଦ୍ର ଭିତରୁ ମତ୍ସ୍ୟଜୀବୀଙ୍କୁ ଯିବାକୁ ମନା କରାଯାଇଛି । ତିତଲି ବାତ୍ୟାକୁ ଦୃଷ୍ଟିରେ ରଖି ପୁରୀ ସମୁଦ୍ର କୂଳରେ ଥିବା ସମସ୍ତ ବସ୍ତିବାସ୍ତିନ୍ଦାଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯିବା ଆରମ୍ଭ କରିଛି ପ୍ରଶାସନ । ପ୍ରଥମ ପର୍ଯ୍ୟାୟରେ ରେ ପେଣ୍ଠକଟା ଓ ବଳିଆପଣ୍ଡା ଅଞ୍ଚଳର ଲୋକଙ୍କୁ ସ୍ଥାନାନ୍ତର କରାଯାଉଛି। ସନ୍ଧ୍ୟା ପରେ ତିତଲି ପ୍ରଭାବ ଅଧିକ ହେବାର ସମ୍ଭାବନା ଥିବା ହେତୁ ଆବଶ୍ୟକୀୟ ଖାଦ୍ୟ ସାମଗ୍ରୀ ଓ ଜରୁରୀ ଔଷଧ ଆଣି ଘରେ ରଖବାକୁ ପ୍ରଶାସନ ପକ୍ଷରୁ ଲୋକମାନଙ୍କୁ ସୂଚନା ଦିଆଯାଇଛି ।