ସୁନ୍ଦରୀକୁ ବାଜିଲାନି ନିଶ୍ଚେତକ ଗୁଳି : ଡିଆଁ ମାରି ଅନ୍ୟ ଜଙ୍ଗଲକୁ ଚାଲିଗଲା ସୁନ୍ଦରୀ
କନକ ବ୍ୟୁରୋ : ସାତକୋଶିଆରେ ଧରା ଦେଉନି ସୁନ୍ଦରୀ । ଦୁଇ ଦିନ ହେଲା ଚାଲିଛି ସୁନ୍ଦରୀ ଖୋଜା । ସୁନ୍ଦରୀକୁ ଧରିବା ପାଇଁ ଗୋଟିଏ ଛେଳି ଅଣାଯାଇଛି । ଜଙ୍ଗଲ ଭିତରେ କଂଚା ମାଂସର ବାସ୍ନା ମଧ୍ୟ ସ୍ପ୍ରେ କରାଯାଉଛି । ଏହି ବାସ୍ନାରେ ମାଂସ ଖାଇବାକୁ ବାଘୁଣୀ ଆସିଲେ ଛେଳିକୁ ଛଡାଯିବ । ଏବଂ ଏହି ସମୟରେ ଚାରିପଟୁ ଜଗି ରହିଥିବା ଟ୍ରାଙ୍କୁଲାଇଜ୍ ଟିମ୍ ସୁନ୍ଦରୀକୁ ଟ୍ରାଙ୍କୁଲାଇଜ୍ କରିବାକୁ ଯୋଜନା କରିଛନ୍ତି । ବାଘୁଣୀକୁ କାବୁ କରିବାକୁ ସାତକୋଶିଆ ଜଙ୍ଗଲରେ ମଂଚାବାନ୍ଧି ଜଗି ବସିଛନ୍ତି ବିଶେଷଜ୍ଞ ଦଳ ।
Kanak News is now on WhatsApp
Join and get latest news updates delivered to you via WhatsApp
ଯେକୌଣସି ସମୟରେ ସୁନ୍ଦରୀକୁ କାବୁ କରିବାକୁ ଆବଶ୍ୟକ ନିଶ୍ଚେତକ ଏବଂ ଯନ୍ତ୍ରପାତି ସହ ପ୍ରସ୍ତୁତ ଅଛନ୍ତି ଏହି ଟିମ୍ । ରେଡିଓ କଲାର ଦ୍ୱାରା ଅବସ୍ଥିତି ଜାଣିବାକୁ ଚେଷ୍ଟା କରାଯାଉଛି । ବେଳେ ବେଳେ ରେଡିଓ କଲାର କାମ କରୁନଥିବାରୁ ବାଘୁଣୀର ଉପସ୍ଥିତି ଜଣାପଡୁନାହିଁ । ଯାହା ବିଶେଷଜ୍ଞଙ୍କୁ ଅଡୁଆରେ ପକାଉଛି । ତେବେ ପ୍ରଥମ ଦିନରେ ବାଘୁଣୀକୁ କାବୁ କରିବାକୁ ବିଫଳ ହୋଇଥିବା ଟିମ୍ ଆଜି ଧରିବାରେ ସଫଳ ହେବେ ବୋଲି କୁହାଯାଉଛି । ବାଘ ଏକ ହିଂସ୍ର ପ୍ରାଣୀ ହୋଇଥିବାରୁ ତାକୁ ଟ୍ରାଙ୍କୁଲାଇଜ୍ କରିବାକୁ ସ୍ୱତନ୍ତ୍ର କୌଶଳ ଓ ଯନ୍ତ୍ରପାତିର ସହାୟତା ନେଉଛି ଟିମ୍ । ଅନ୍ୟପଟେ ବାଘୁଣୀ ଯୋଗୁଁ କୁମୁରୀ ଓ ଏହାର ଆଖପାଖ ଗାଁରେ କୋକୁଆ ଭୟ ସୃଷ୍ଟି ହୋଇଛି । ଗାଁରେ ତାଟିକବାଟି ପଡିଯାଇଛି । ଘରୁ ପଦାକୁ ବାହାରକୁ ବାହାରିବାକୁ ଡରୁଛନ୍ତି ଗ୍ରାମବାସୀ ।