ସାଧାରଣତନ୍ତ୍ର ଦିବସରେ ଆତଙ୍କୀ ହମଲା ଯୋଜନା ପଣ୍ଡ ! ୨ ଆତଙ୍କୀଙ୍କୁ ଧରିଲା ପୁଲିସ, ଦିଲ୍ଲୀ ସମେତ ଦେଶର ବିଭିନ୍ନ ଅଂଚଳରେ ସୁରକ୍ଷା କଡାକଡି ।
କନକ ବ୍ୟୁରୋ : ଗଣତନ୍ତ୍ର ଦିବସରେ ଆତଙ୍କବାଦୀଙ୍କ ଆକ୍ରମଣ ଯୋଜନା ପଣ୍ଡ । ଦିଲ୍ଲୀ ପୁଲିସ ଜୈଶ ଇ ମହମ୍ମଦର ୨ ଆତଙ୍କବାଦୀଙ୍କୁ ଗିରଫ କରିବାରେ ସକ୍ଷମ ହୋଇଛି । ଗୁଇନ୍ଦା ବିଭାଗର ସୂଚନା ଆଧାରରେ ଦିଲ୍ଲୀ ପୁଲିସ ବିଭିନ୍ନ ସ୍ଥାନରେ ଚଢଉ କରିବା ପରେ ଆତଙ୍କବାଦୀଙ୍କୁ ଧରିବାରେ ସଫଳ ହୋଇଛି । ଜମ୍ମୁ କଶ୍ମୀର ବାନ୍ଦୀପୋରାରୁ ଗିରଫ ଦୁଇ ଆତଙ୍କବାଦୀଙ୍କୁ ଗିରଫ କରାଯାଇଛି । ସେମାନଙ୍କୁ ଜେରା କରିବା ସମୟରେ ଦିଲ୍ଲୀରେ ଆତଙ୍କବାଦୀ ଆକ୍ରମଣ ନେଇ ଯୋଜନା ରହିଥିବା ଜାଣିବାକୁ ମିଳିଥିଲା । ଏହା ପରେ ତନାଘନା ଆରମ୍ଭ କରିଥିଲା ପୁଲିସ । ସେମାନଙ୍କ ନିକଟରୁ ବହୁ ପରିମାଣର ବିସ୍ଫୋରକ ସାମଗ୍ରୀ ସହ ଦିଲ୍ଲୀର ବିଭିନ୍ନ ଗୁରୁତ୍ୱପୂର୍ଣ୍ଣ ସ୍ଥାନର ନକସା ମଧ୍ୟ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଗଣତନ୍ତ୍ର ଦିବସ ପୂର୍ବରୁ ରାଜଧାନୀ ଦିଲ୍ଲୀ ସମେତ ଦେଶର ବିଭିନ୍ନ ଅଂଚଳରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ରାସ୍ତାଗୁଡିକ ନାକାବନ୍ଦି କରି ସବୁଠି ଚାଲିଛି ସୁରକ୍ଷା ଯାଂଚ । ଆତଙ୍କୀ ହମଲା ଆଶଙ୍କା ଥିବା ଗୁଇନ୍ଦା ବିଭାଗ ସୂଚନା ଦେବା ପରେ କଡ଼ା ସୁରକ୍ଷା ବନ୍ଦୋବସ୍ତ କରଯାଇଛି । ରାଜଧାନୀ ଦିଲ୍ଲୀରେ ଆତଙ୍କୀ ହମଲା ଆଶଙ୍କା ସବୁଠୁ ଅଧିକ ରହିଥିବା ଯୋଗୁଁ ସବୁଠି କଡ଼ା ପ୍ରହରୀ ଦେଇଛନ୍ତି ସୁରକ୍ଷାକର୍ମୀ ।
ସେହିପରି ପଂଜାବରେ ମଧ୍ୟ ସୁରକ୍ଷା ବ୍ୟବସ୍ଥାକୁ ଅଧିକ କଡ଼ାକଡ଼ି କରାଯାଇଛି । ବିମାନବନ୍ଦରଠୁ ନେଇ ରେଳଷ୍ଟେସନ । ବସଷ୍ଟାଣ୍ଡ ଓ ଅନ୍ୟାନ୍ୟ ସମ୍ବେଦନଶୀଳ ସ୍ଥାନରେ ତନ୍ନତନ୍ନ କରି ତଦନ୍ତ କରାଯାଉଛି । ଯାତ୍ରୀଙ୍କୁ ସହ ସେମାନଙ୍କ ଆସାବପତ୍ରର ମଧ୍ୟ କଡ଼ା ଯାଂଚ କରାଯାଉଛି । ସେପଟେ ଜମ୍ମୁକାଶ୍ମିରରେ ମଧ୍ୟ ଆତଙ୍କବାଦୀଙ୍କ ଗତିବିଧି ଉପରେ କଡା ନଜର ରଖିଛନ୍ତି ସୁରକ୍ଷାକର୍ମୀ । ଆତଙ୍କବାଦୀ ଆକ୍ରମଣ ଭୟ ଥିବାରୁ ଉଧମପୁର ଓ ଏହାର ଆଖପାଖ ଅଂଚଳକୁ କଡ଼ା ସୁରକ୍ଷାବଳୟରେ ରଖାଯାଇଛି ।