କନକ ବ୍ୟୁରୋ : କଡ଼ା ସୁରକ୍ଷା ବଳୟରେ ପୁରୀ । ବଡ଼ଦାଣ୍ଡରେ ଭକ୍ତ ଓ ଭଗବାନଙ୍କ ମହାମିଳନକୁ ଅପେକ୍ଷା । ଜଳ, ସ୍ଥଳ ଓ ଆକାଶ ସ୍ଥଳରୁ ପୁରୀ ଉପରେ ରହିଛି କଡ଼ା ନଜର । ଆଇନ ଶୃଙ୍ଖଳା, ଭିଡ଼ ନିୟନ୍ତ୍ରଣ ଉପରେ ଗୁରୁତ୍ୱ ଦିଆଯାଇଛି । ବ୍ୟାପକ ଅଘଟଣ ରୋକିବା ପାଇଁ ବ୍ୟାପକ ଫୋର୍ସ ମୁତୟନ କରାଯାଇଛି । ବିଶ୍ୱପ୍ରସିଦ୍ଧ ଏହି ରଥଯାତ୍ରାର ସୁପରିଚାଳନା ଓ ଆଇନଶୃଙ୍ଖଳା ରକ୍ଷା ସବୁଠୁ ବଡ଼ ଚ୍ୟାଲେଂଜ । ସୁରକ୍ଷା ପାଇଁ ଚଳିତ ବର୍ଷ ୧୫୫ ପ୍ଲାଟୁନ୍ ପୋଲିସ ଫୋର୍ସ ମୂତୟନ ହୋଇଛନ୍ତି। ରାପିଡ୍ ଆସ୍କନ ଫୋର୍ସ, କାଉଂଟର ଟେରୋରିଷ୍ଟ ସ୍କ୍ୱାଡ୍, ଉପକୂଳ ସୁରକ୍ଷା ପାଇଁ କୋଷ୍ଟଗାର୍ଡ ମୂତୟନ ହୋଇଛନ୍ତି ବାତ୍ୟା ଫୋନି ପ୍ରଭାବରେ ପୁରୀ ଅଧିକ ପ୍ରଭାବିତ ହୋଇଛି । ବିଶେଷ କରି ବହୁ ସିସିଟିଭି ନଷ୍ଟ ହୋଇଛି । ଏଥିପାଇଁ ଅସ୍ଥାୟୀ ସିସିଟିଭି ଲାଗିବ । କଂଟ୍ରୋଲ ରୁମରୁ ସିଧାସଳଖ ଭାବେ ସିସିଟିଭି ମନିଟରିଂ କରି ସୁରକ୍ଷା ବ୍ୟବସ୍ଥାକୁ ସୁଦୃଢ଼ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରଥଯାତ୍ରାରେ ଲକ୍ଷାଧିକ ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ପୁରୀରେ ରାଜ୍ୟ ପୋଲିସ ପକ୍ଷରୁ ଅଦ୍ଭୁତପୂର୍ବ ସୁରକ୍ଷା ବ୍ୟବସ୍ଥା କରାଯାଇଛି । ରଥଯାତ୍ରା ସମୟରେ ହେଉଥିବା ବିଶୃଙ୍ଖଳା ରୋକିବା ପାଇଁ ଚଳିତ ବର୍ଷ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ସୁରୁଖୁରୁରେ ରଥଯାତ୍ରା ସମାପନ କରିବାକୁ ୪ଜଣ ଆଇପିଏସ ଅଫିସରଙ୍କୁ ଗୁରୁତ୍ୱପୂର୍ଣ୍ଣ ଦାୟିତ୍ୱ ଦିଆଯାଇଛି । ଚଳିତ ବର୍ଷ ମଧ୍ୟ ପୂର୍ବବର୍ଷ ଭଳି ୧୫୫ ପ୍ଲାଟୁନ୍ ପୋଲିସ ଫୋର୍ସ ସୁରକ୍ଷା ଦାୟିତ୍ୱରେ ମୂତୟନ ହେବେ । ସିସିଟିଭି କ୍ୟାମେରା ବଳୟରେ ରହିଛି ଶ୍ରୀମନ୍ଦିର ସମେତ ସମଗ୍ର ପୁରୀ ସହର ।