ଟାଇଟ୍ ଜିନ୍ସ ପିନ୍ଧିବାର ସଉକ୍ ରଖୁଛନ୍ତି ଯଦି ହୋଇଯାଆନ୍ତୁ ସାବଧାନ : ହୋଇପାରେ ଏହି ଘାତକ ରୋଗ, ଜାଣନ୍ତୁ କ’ଣ
ଆଜିର ଆଧୁନିକ ଯୁଗରେ ଜିନ୍ସ ପ୍ୟାଣ୍ଟ ଓ ସାର୍ଟ ପିନ୍ଧିବା ଏକ ସାଧାରଣ କଥା । ଯଦି ଜିନ୍ସର କଥା ହେବା ତେବେ ଏମିତି କେହି ନଥିବେ, ଯିଏ ଜିନ୍ସ ପିନ୍ଧୁନଥିବ । ବିଶେଷ କରି ଝିଅ ପିଲାଙ୍କ ଆଲମାରିରେ କିଛି ଥାଉ କି ନଥାଉ ଜିନ୍ସ ନିଶ୍ଚୟ ଥିବ । ଆପଣ ଏହା ବି ଦେଖିଥିବେ ଯେ ଅଧିକାଂଶ ଝିଅ ଟାଇଟ୍ ଜିନ୍ସ ପିନ୍ଧିବା ପସନ୍ଦ କରନ୍ତି । ଏହା ଅବଶ୍ୟ ଏତେ ଆରାମ ଦାୟକ ହୋଇ ନଥାଏ । କିନ୍ତୁ ଏହା ଫେଶନ୍ ରେ ଯାଉଥିବାରୁ ଏହାକୁ ପିନ୍ଧିବାକୁ ପସନ୍ଦ କରନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଷ୍ଟ୍ରେଲିଆର ମହିଳା ଏକ ସମୟରେ ବହୁତ ଟାଇଟ୍ ଜିନ୍ସ ପିନ୍ଧୁଥିଲେ, ଯାହା କାରଣରୁ ତାଙ୍କ ଗୋଡରେ ରକ୍ତ ପ୍ରବାହ ବନ୍ଦ ହୋଇଯାଉଥିଲା ଏବଂ ସେମାନେ ବେହୋସ୍ ହୋଇଯାଉଥିଲେ । ଏହି ସମସ୍ୟା ଆଜି ବି ସେଠାକାର ମହିଳାଙ୍କ ଠାରେ ଦେଖିବାକୁ ମିଳେ ।
ଟାଇଟ୍ ଜିନ୍ସ ପିନ୍ଧିବା ଦ୍ୱାରା ଜଙ୍ଘର ସ୍ନାୟୁ ଗୁଡିକ ଦବିଯାଏ, ଯଦ୍ୱାରା ଗୋଡକୁ ରକ୍ତ ପ୍ରବାହ ବନ୍ଦ ହୋଇଯାଏ । ଏହା ଦ୍ୱାରା ଆପଣଙ୍କ ଠାରେ ଝିମଝିମ୍ ହେବା ବା ଅନୁଭୂତି ଶୂନ୍ୟ ହେବା ଭଳି ଅସୁବିଧା ହୁଏ ।
ଯଦି ଆପଣଙ୍କୁ ଏମିତି କାମ ମିଳିଛି, ଯେଉଁଠି ଦିନସାରା ଛିଡା ହେବାକୁ ପଡେ । ତେବେ ଆପଣଙ୍କ ଗୋଡରେ ବହୁତ ଯନ୍ତ୍ରଣା ଏବଂ ଦୁର୍ବଳତା ଭଳି ସମସ୍ୟାର ସାମନା କରିବାକୁ ପଡିପାରେ । ଟାଇଟ୍ ଜିନ୍ସ ପିନ୍ଧିବା ଦ୍ୱାରା ଅଧିକ ସମୟ ଛିଡା ହେବାର କ୍ଷମତା କମିଯାଏ । ଏହା ଦ୍ୱାରା ଅଭ୍ୟନ୍ତରୀଣ ସହିତ ବାହାର ଶରୀରରେ ବି ସମସ୍ୟା ହୋଇଥାଏ । ବାହାରୀ ସମସ୍ୟା ଅର୍ଥ ଟାଇଟ୍ ଜିନ୍ସ ଆପଣଙ୍କ ଜଙ୍ଘର ତ୍ୱଚାକୁ କ୍ଷତି ପହଂଚାଇପାରେ ।
ଏହା କେବଳ ମହିଳାଙ୍କ ଠାରେ ସମସ୍ୟା ସୃଷ୍ଟି କରେ ଏହା ନୁହେଁ । ପୁରୁଷଙ୍କ ଠାରେ ଟାଇଟ୍ ଜିନ୍ସ ଜନିତ ସମସ୍ୟା ଦେଖାଯାଏ । ମହିଳାଙ୍କ ମୁକାବିଲାରେ ପୁରୁଷଙ୍କ ଠାରେ ଅଧିକ ଘାତକ କ୍ଷତି ପହଂଚାଇପାରେ । ଟାଇଟ୍ ଜିନ୍ସ କାରଣରୁ ପୁରୁଷଙ୍କ ଅଣ୍ଡକୋଷରେ ରକ୍ତ ପ୍ରବାହ ବନ୍ଦ ହୋଇଯାଏ । ଯଦ୍ୱାରା ତାଙ୍କର ବୈବାହିକ ଜୀବନ ଉପରେ ବହୁତ ଖରାପ ପ୍ରଭାବ ପଡିପାରେ ।