କନକ ବ୍ୟୂରୋ : ଓଡିଶାରେ ମହାବଳ । ରାଜ୍ୟର ତିନୋଟି ସ୍ଥାନରୁ ମିଳିଲା ମହାବଳ ବାଘର ସନ୍ଧାନ । ଯାହାକୁ ନେଇ ସୂଚନା ଦେଇଛନ୍ତି ଜଙ୍ଗଲ ଓ ପରିବେଶ ମନ୍ତ୍ରୀ ବିଜଶ୍ରୀ ରାଉତରାୟ ।

ବିଭାଗୀୟ ମନ୍ତ୍ରୀଙ୍କ କହିବା ମୁତାବକ, ସୁନ୍ଦରଗଡ ଜିଲ୍ଲାର ହେମଗିରି ଜଙ୍ଗଲ , ହୀରାକୁଦର ଦେବ୍ରିଗଡ ଅଭୟାରଣ୍ୟ ଏବଂ ରାୟଗଡା ଜିଲ୍ଲାର ମୁନିଗୁଡାଠାରେ ଠାବ ହୋଇଛି ମହାବଳ ବାଘ ।

ତେବେ ମହାବଳ ବାଘର ସନ୍ଧାନରେ ଥିଲେ ବନ ବିଭାଗ । ସେଥିପାଇଁ ସୁନ୍ଦରଗଡ ଜିଲ୍ଲାର ହେମଗିରି ଜଙ୍ଗଲ , ହୀରାକୁଦର ଦେବ୍ରିଗଡ ଅଭୟାରଣ୍ୟ ଏବଂ ରାୟଗଡା ଜିଲ୍ଲାର ମୁନିଗୁଡାଠାରେ ପୂର୍ବରୁ ବନବିଭାଗ ତରଫରୁ କ୍ୟାମେରା ଲଗାଯାଇଥିଲା । ଯେଉଁଥିରେ ଏହି ସବୁ ଜଙ୍ଗଲରେ ମହାବଳ ବାଘର ଚିତ୍ର କ୍ୟାମେରାରେ କଏଦ ହୋଇଛି । ଏନେଇ ସୂଚନା ଦେଇଛନ୍ତି ଜଙ୍ଗଲ ଓ ପରିବେଶ ମନ୍ତ୍ରୀ ବିଜଶ୍ରୀ ରାଉତରାୟ ।