ଦେବ୍ରିଗଡ ଅଭୟାରଣ୍ୟରୁ ମିଳିଲା ବାଘର ଗଳିତ ମୃତଦେହ। ବାରହା ପାଇଁ ବିଛାଇଥିବା ଫାଶରେ ମହାବଳ ପଡିବା ପରେ ହତ୍ୟା କରିଥିବା ସୂଚନା
କନକ ବ୍ୟୁରୋ: ଦେବ୍ରିଗଡ ଅଭୟାରଣ୍ୟରୁ ମିଳିଲା ମହାବଳ ବାଘର ଗଳିତ ମୃତଦେହ । କିଛି ଦିନ ତଳେ ବନବିଭାଗର ଟ୍ରାପ କ୍ୟାମେରା ଏକ ମହାବଳ ବାଘକୁ ଠାବ କରିଥିଲା । ଟ୍ରାପ କ୍ୟାମେରା ଠାବ କରିଥିବା ବାଘକୁ ଶିକାର କରାଯାଇଥିବା ସନ୍ଦେହ କରାଯାଉଛି । କାହିଁକି ନା ଦେବ୍ରିଗଡ ଅଭୟାରଣ୍ୟରେ ମିଳିଥିବା ମହାବଳର ଗଳିତ ମୃତଦେହରୁ ଦାନ୍ତ ଓ ନଖ ଗାଏବ ରହିିଛି । ଏଥିସହ ବାଘର ମୁଣ୍ଡକୁ କାଟି ଗଣ୍ଡିରୁ ଅଲଗା କରାଯାଇଥିବା ଜଣା ପଡିଛି । ତେଣୁ ନଖ ଓ ଦାନ୍ତ ପାଇଁ ମହାବଳ ବାଘକୁ ଶିକାର କରାଯାଇଥିବା ସନ୍ଦେହ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ସୂଚନା ମିଳିଛି ବାରହା ଶିକାର ପାଇଁ ବିଛାଯାଇଥିବା ଜାଲରେ ପଡିବା ପରେ ମହାବଳକୁ ହତ୍ୟା କରିଥିଲେ ଶିକାରୀ । ଏହାପରେ ବାଘର ନଖ ଦାନ୍ତ କାଟି ନେଇ ଜଙ୍ଗଲ ଭିତରେ ଗାତ ଖୋଲି ବାଘ ଉପରେ ମାଟି ତାଉପରେ ପଥର ଦେଇ ପୋତି ଦେଇଥିଲେ । ମହାବଳକୁ ଏକ ସପ୍ତାହ ପୂର୍ବରୁ ହତ୍ୟା କରାଯାଇଥିବା ଅନୁମାନ କରାଯାଉଛି । ଖବର ପାଇ ଘଟଣାସ୍ଥଳକୁ ଭୁବନେଶ୍ୱରରୁ ଏକ ୱାଇଲଡ ଲାଇଫ ଟିମ ମଧ୍ୟ ଯାଇଥିଲା । ଗଳିତ ମୃତଦେହକୁ ଦେଖିବା ପରେ ଏହା ହତ୍ୟା କରାଯାଇଥିବା ସ୍ପଷ୍ଟ କରିଛି ୱାଇଲଡ ଲାଇଫ ଟିମ ।