କମ୍ ବୟସରେ ଇଂଜିନିୟରିଂ କରି ଚମକାଇ ଦେଲେ ଭାରତୀୟ ବଂଶୋଦ୍ଭବ : ଆମେରିକାର ବିସ୍ମୟ ବାଳକ ତନିସ୍କ ଆବ୍ରାହମଙ୍କୁ ନେଇ ଚର୍ଚ୍ଚା
୧୪ ବର୍ଷରେ ଇଂଜିନିୟର । ଯେଉଁ ବୟସରେ ଅତି ବେଶୀରେ ଦଶମ ଶ୍ରେଣୀରେ ପାଠ ପଢିବା କଥା ସେହି ବୟସରେ ସେ ହାସଲ କରିଛନ୍ତି ଇଂଜିନିୟରିଂ ଡିଗ୍ରୀ । ୧୪ ବର୍ଷର ଏହି ବିସ୍ମୟ ବାଳକ ହେଉଛନ୍ତି ଆମେରିକାର ତନିସ୍କ ଆବ୍ରାହମ୍ । ତେବେ ବଡ କଥା ହେଉଛି ତନିସ୍କ ହେଉଛନ୍ତି ଜଣେ ଭାରତୀୟ ବଂଶୋଦ୍ଭବ । ମାତ୍ର ୧୪ ବର୍ଷରେ ବାୟୋମେଡିକାଲ ଇଞ୍ଜିନିୟରିଂ ଡିଗ୍ରୀ ହାସଲ କରି ନିଜ ଏକାଡେମିକ୍ କ୍ୟାରିୟରର ଆଉ ଏକ ମାଇଲଷ୍ଟୋନ୍ ହାସଲ କରିଛନ୍ତି ତନିସ୍କ ।
Kanak News is now on WhatsApp
Join and get latest news updates delivered to you via WhatsApp
ଫାଦର୍ସ ଡେ ଅବସରରେ ନିଜ ଡିଗ୍ରୀ ସାର୍ଟିଫିକେଟ୍ ଗ୍ରହଣ କରିଥିବା ତନିସ୍କ ନିକଟରେ ୧୫ ବର୍ଷରେ ପାଦ ଥାପିଛନ୍ତି । ଆମେରିକାର ୟୁସି ଡେଭିସ୍ ମେଡିକାଲ ସେଂଟରରୁ ମାତ୍ର ୧୨ ବର୍ଷରେ ବାୟୋମେଡିକାଲ ଇଂଜିନିୟରିଂରେ ଆଡମିଶନ୍ ନେଇଥିବା ଏହି ଭାରତୀୟ ବଂଶୋଦ୍ଭବ ଛାତ୍ର ଜଣକ ୧୪ ବର୍ଷରେ ଡିଗ୍ରୀ ହାସଲ କରି ସମସ୍ତଙ୍କୁ ଚମକାଇ ଦେଇଛନ୍ତି । ତେବେ ମାତ୍ର ୧୧ ବର୍ଷ ବୟସରେ ଗ୍ରାଜୁଏଟ୍ ହୋଇ ତନିସ୍କ ପ୍ରଥମେ ଚର୍ଚ୍ଚାକୁ ଆସିଥିଲେ । ୩ ବର୍ଷ ତଳେ କାଲିଫର୍ଣ୍ଣିଆ କମ୍ୟୁନିଟି କଲେଜରୁ ସେ ଗ୍ରାଜୁଏସନ୍ କମ୍ପ୍ଲିଟ୍ କରି ନିଜ ଅନନ୍ୟ ପ୍ରତିଭାର ପରିଚୟ ଦେଇଥିଲେ । ତନିସ୍କଙ୍କ ବାପା ଜଣେ ସଫ୍ଟୱେର ଇଞ୍ଜିନିୟର ହୋଇଥିବା ବେଳେ ମା’ ଜଣେ ଭେଟେନାରୀ ଡକ୍ଟର ।