ବିଦେଶ ଗଲା ରସଗୋଲା ଯୁଦ୍ଧ ! ଏଫିଲ ଟାୱାର ସାମନାରେ ଅଭିନବ ପ୍ରତିବାଦ
କନକ ବ୍ୟୁରୋ : ଓଡିଶା-ପଶ୍ଚିମବଙ୍ଗ ମଧ୍ୟରେ ଅନେକ ଦିନ ଧରି ଚାଲିଥିବା ରସଗୋଲା ଯୁଦ୍ଧରେ ଜିତିଛି ପଶ୍ଚିମବଙ୍ଗ । ପଶ୍ଚିମବଙ୍ଗକୁ ମିଳିଛି ଜିଆଇ ଟାଗ୍ । ରସଗୋଲାକୁ ନେଇ ଓଡିଶା- ପଶ୍ଚିମବଙ୍ଗ ମଧ୍ୟରେ ଯୁଦ୍ଧ ଏକ ସଂସ୍କୃତଗତ ଡିବେଟ୍ ପାଲଟିଯାଇଛି । ପଶ୍ଚିମବଙ୍ଗ ,ରସଗୋଲାର ବେଙ୍ଗଲୀ ରସଗୋଲା ଜିଆଇ ଟାଗ୍ ହାସଲ କରିଛି । ସୂଚନାଯୋଗ୍ୟ ଯେ , ରସଗୋଲାକୁ ନେଇ ଓଡିଶା-ପଶ୍ଚିମବଙ୍ଗ ମଧ୍ୟରେ ୨ବର୍ଷ ତଳେ ଲଢେଇ ଆରମ୍ଭ ହୋଇଥିଲା । ପଶ୍ଚିମ ବଙ୍ଗ ସରକାର ସ୍ଥାନୀୟ ରସଗୋଲାକୁ ଜିଆଇର ମାନ୍ୟତା ଦେବା ପାଇଁ ଚେନ୍ନାଇସ୍ଥିତ ଭାରତୀୟ ଭୌତିକ ସଂପତ୍ତି କାର୍ଯ୍ୟାଳୟରେ ଆବେଦନ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଜଣେ ଓଡିଆ ଯୁବକ ପ୍ୟାରିସର ପ୍ରସିଦ୍ଧ ଏଫିଲ୍ ଟାୱାର ସାମନାରେ ଏକ ପ୍ଲାକାର୍ଡ ଧରି କିଛି ବାର୍ତ୍ତା ଦେଇଛନ୍ତି । ଯାହା ଏବେ ଖୁବ୍ ଚର୍ଚ୍ଚାରେ । ଏହି ଯୁବକ ତାଙ୍କର ବନ୍ଧୁମାନଙ୍କୁ ଏହି ବିଷୟରେ ବାର୍ତ୍ତା ଦେଇଛନ୍ତି ଯେ ରସଗୋଲା ଓଡିଶାର । ଏଫିଲ୍ ଟାୱାର ସହ ରସଗୋଲାକୁ ନେଇ ଏହି ପୋଷ୍ଟ ଏବେ ସୋସିଆଲ ମିଡିଆରେ ଭାଇରାଲ ସାଜିଛି । ଏବଂ ଏହି ରସଗୋଲା ଯୁଦ୍ଧକୁ ଆଉ ଏକ ସ୍ତରକୁ ନେଇଯାଇଛି । ଏହି ପ୍ଲାକାର୍ଡରେ ଲେଖାଯାଇଛି –‘ ରସଗୋଲା ଆମର ଥିଲା ଆମର ଅଛି , ଆଉ ରହିବ ମଧ୍ୟ … ଜୟ ଜଗନ୍ନାଥ ! ’ ସେହି ସାଙ୍ଗମାନଙ୍କ ମଧ୍ୟରୁ କେହି ଜଣେ ଏହାକୁ ସୋସିଆଲରେ ପୋଷ୍ଟ କରିଛନ୍ତି । ଯାହା ବହୁତ ଆଦୃତ ହୋଇଛି ସୋସିଆଲ ମିଡିଆରେ । ଏବଂ ଅନେକ କମେଂଟ ଓ ପ୍ରତିକ୍ରିୟା ମିଳିଛି ଏହାକୁ ନେଇ ।
ଯେତେବେଳେ ପଚରାଯାଇଥିଲା କାହିକି ସେ ଏମିତି ଏକ ସ୍ୱତନ୍ତ୍ର ଲୋକେସନକୁ ବାଛିଲେ , ଯାହାକୁ ଏକ ରୋମାଂଟିକ୍ ସ୍ପଟ ଭାବେ ଇତିହାସରେ ଦର୍ଶାଯାଇଛି , ସେ କହିଥିଲେ , ଏହା ହେଉଛି ଶ୍ରଦ୍ଧାପ୍ରୀତି । ନିଜ ରାଜ୍ୟକୁ ଭଲପାଇବାର ନିଦର୍ଶନ । ଆଉ ଓଡିଆ ସଂସ୍କୃତିକୁ ହୃଦୟତାର ସହ ଭଲପାଇବା । ଅନେକକିଛି ଅଛି ଓଡିଶା ବିଷୟରେ ଲୋକେ ତାହା ଜାଣିପାରନ୍ତି ନାହିଁ । ଆମକୁ ଏହାକୁ ଚାରିଆଡେ ପ୍ରଚାର କରିବା ନିହାତି ଦରକାର । ଆମେ ସବୁ ଓଡିଆ ନିଶ୍ଚୟ ନିଜକୁ ଓଡିଆ ଭାବେ ଗର୍ବ କରୁ ଆମର ଭାଷା , ସଂସ୍କୃତି ଓ ଖାଦ୍ୟକୁ ନେଇ । ଆମେ ସମସ୍ତଙ୍କ ଠାରୁ ସ୍ୱତନ୍ତ୍ର । ଶେଷରେ ,ଏହା ସହ ଏହି ଯୁବକ କହିଥିଲେ -ବନ୍ଦେ ଉତ୍କଳ ଜନନୀ ।
ରସଗୋଲାର ଜିଆଇ ଟାଗ୍ ନେଇ ଓଡିଶା ଓ ପଶ୍ଚିମବଙ୍ଗ ମଧ୍ୟରେ ଲାଗିଥିବା ସଂସ୍କୃତିଗତ ଯୁଦ୍ଧରେ ନିଶ୍ଚୟ ଏହା ଏକ ନୂତନ ଅଭିଯାନ । ଯାହା ଏଇ ଯୁବକଙ୍କ ନିଜ ରାଜ୍ୟ ପ୍ରତି ଶ୍ରଦ୍ଧା ପ୍ରୀତିର ପ୍ରତୀକ ।
( ସୌଜନ୍ୟ- ଓଡିଶା ସନ୍ ଟାଇମ୍ସ)