ଉଦାହରଣ ପାଲଟିଛନ୍ତି ଅଞ୍ଜଳୀ ! ଦିବ୍ୟାଙ୍ଗ ହୋଇ ମଧ୍ୟ ମାନି ନାହାନ୍ତି ହାର୍, ପୁଅକୁ ସେନାରେ ଭର୍ତ୍ତି କରିବା ପାଇଁ ଚଲାଉଛନ୍ତି ଇ-ରିକ୍ସା ।
ପୁଅକୁ ସେନାରେ ଭର୍ତ୍ତି କରିବା ପାଇଁ ଦିବ୍ୟାଙ୍ଗ ମା’ ଏବେ ଅନ୍ୟମାନଙ୍କ ପାଇଁ ଏକ ଉଦାହରଣ ପାଲଟି ଯାଇଛି ।
ପୁଅକୁ ସେନାରେ ଭର୍ତ୍ତି କରିବା ପାଇଁ ଦିବ୍ୟାଙ୍ଗ ମା’ ଏବେ ଅନ୍ୟମାନଙ୍କ ପାଇଁ ଏକ ଉଦାହରଣ ପାଲଟି ଯାଇଛି । ଏହି ସଂଘର୍ସର କାହାଣୀ ସେଇ ମା’ର ଯାହାର ଦୁଇ ଗୋଡ ଦିବ୍ୟାଙ୍ଗ । ଏହି ମହାନ ମହିଳା ଜଣକ ଠିକ ଭାବେ ଚାଲିପାରୁନଥିଲେ ମଧ୍ୟ ସେ କାହା ଉପରେ ବୋଝ ହୋଇନାହାଁନ୍ତି । ଇ-ରିକ୍ସା ଚଲାଇ ନିଜ ପରିବାର ପୋଷଣ କରିବା ସହ ପୁଅକୁ ସେନାରେ ଭର୍ତ୍ତି କରିବା ପାଇଁ ଭରପୁର ଚେଷ୍ଟା କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାୟପୁର ଠାରୁ ପ୍ରାୟ ୧୦ କିଲୋମିଟର ଦୁରରେ ଅବସ୍ଥିତ ସେଜବାହାର ଅଞ୍ଚଳରେ ବାସ କରୁଥିବା ଅଞ୍ଜଳି ତିୱାରୀ ଜନ୍ମରୁ ଦିବ୍ୟାଙ୍ଗ । ଅଞ୍ଜଳୀଙ୍କ ବୟସ ବଢିବା ସହ ତାଙ୍କର ବିବାହ ହୋଇଥିଲା । ବିବାହର କିଛିଦିନ ପରେ ତାଙ୍କର ଏକ ପୁତ୍ର ସନ୍ତାନ ମଧ୍ୟ ହୋଇଥିଲା । ବେଶ ହସଖୁସିରେ ପରିବାର ଚଳୁଥିବା ବେଳେ ଅଚାନକ ତାଙ୍କ ସ୍ୱାମୀଙ୍କ ସ୍ୱାସ୍ଥ୍ୟବସ୍ଥା ବିଗିଡିଯାଇଥିଲା । ଧିରେ ଧିରେ ତାଙ୍କ ଶରୀରର ୮୦ ପ୍ରତିଶତ ଅଙ୍ଗ କାମ କରିବା ବନ୍ଦ କରିଦେଲା । ଏହା ପରେ ଅଞ୍ଜଳୀଙ୍କ ସ୍ୱାମୀ ଚଲାବୁଲା ନକରିପାରିବାରୁ ବାହାରକୁ ଯିବା ସମ୍ପୁର୍ଣ୍ଣ ବନ୍ଦ ହୋଇଯାଇଥିଲା । ସ୍ୱାମୀଙ୍କୁ ଚିକିତ୍ସା କରିବାରେ ପ୍ରତି ମାସରେ ହଜାର ହଜାର ଟଙ୍କାର ଖର୍ଚ୍ଚ ଦେବାକୁ ପଡୁଥିଲା । ଯହା ଅଞ୍ଜଳୀଙ୍କ ପାଖେ ସମ୍ଭବ ନଥିଲା । ତେଣୁ ନିଜ ପୁଅ ଏବଂ ସ୍ୱାମୀଙ୍କୁ ଖର୍ଚ୍ଚ ଉଠାଇବା ପାଇଁ ଅଞ୍ଜଳୀ ଘରୁ ପାଦ କାଢିଥିଲେ । ପାଖରେ ଥିବା ସବୁ ପୁଞ୍ଜିକୁ ବାହାର କରି ସେ ଏକ ଇ-ରିକ୍ସା କିଣିଲେ । ଏବେ ସେ ଦୈନିକ ୮ଶହରୁ ୧ହଜାର ଟଙ୍କା ରୋଜଗାର କରିବାରେ ସକ୍ଷମ ହେଉଛନ୍ତି । ପ୍ରତିଦିନ ରୋଜଗାରର ଟଙ୍କାରୁ ୩ଶହ ଟଙ୍କା ପୁଅ ପାଇଁ ଏବଂ ବାକି ଟଙ୍କାରେ ସ୍ୱାମୀଙ୍କ ଚିକିତ୍ସା କରିବା ସହ ପରିବାର ପୋଷଣ କରୁଛନ୍ତି ।