ଇନ୍ଦୋର ନିକଟସ୍ଥ କଳାପିପଲ୍ ତହସିଲର ମୁଖ୍ୟ କାର୍ୟ୍ୟାଳୟରୁ ୧୮ କିଲୋମିଟର ଦୂରରେ ଅବସ୍ଥିତ ବମୁଲିଆ ଗ୍ରାମରେ ଦେଖିବାକୁ ମିଳିଛି ଏକ ଆଶ୍ଚର୍ୟ୍ୟକର ଘଟଣା । ଜଣେ ଯୁବକ ଏବଂ ଏକ ଚିତାବାଘ ମଧ୍ୟରେ ଲଢ଼େଇ ହୋଇଥିବା ଦେଖିବାକୁ ମିଳିଥିଲା। ଏହି ଲଢ଼େଇ ପ୍ରାୟ ୫ ମିନିଟ ପର୍ୟ୍ୟନ୍ତ ଚାଲିଥିଲା। ଏହି ଲଢ଼େଇରେ ବାଘ ସହ ଯୁବକ ପାଖ ନାଳରେ ଗଳି ପଡ଼ିବା ସହ ଉଭୟ ଆହତ ହୋଇଥିବା ଜଣାପଡ଼ିଛି । ତେବେ ଏହାପରେ ଘଟଣାସ୍ଥଳରୁ ଚିତାବାଘଟି ଖସି ପଳାଇବା ଜଣାପଡ଼ିଛି।
Kanak News is now on WhatsApp
Join and get latest news updates delivered to you via WhatsApp
ସୁଚନା ଅନୁଯାୟୀ, ବମୁଲିଆ ନିକଟସ୍ଥ ଜଙ୍ଗଲକୁ ଯାଇଥିବା ୨୦ ବର୍ଷିୟ ଗୋବିନ୍ଦାଙ୍କ ଉପରେ ହଠାତ୍ ଏକ ଚିତାବାଘ ଆକ୍ରମଣ କରିଥିଲା । ଏହାଦ୍ୱାରା ତାଙ୍କ ଛାତି ,ବେକ, ପିଠି ଏବଂ ଅଣ୍ଟାରେ ଆଘାତ ହୋଇଥିଲା । ଗୋବିନ୍ଦା ଡରି ନ ଯାଇ ତୁରନ୍ତ ଚିତାବାଘକୁ ଦୁଇ ହାତରେ ଜାବୁଡ଼ି ଧରିଥିଲେ । ଦୁହିଁଙ୍କ ମଧ୍ୟରେ ପ୍ରାୟ ୫ ମିନିଟ୍ ପର୍ୟ୍ୟନ୍ତ ଳଢ଼େଇ ହେବାପରେ ଦୁଇ ଜଣ ପାଖ ନାଳରେ ଯାଇ ପଡ଼ିଥିଲେ । ଏହାପରେ ଘଟଣାସ୍ଥଳରୁ ଚିତାବାଘଟି ଜଙ୍ଗଲ ଭିତରକୁ ଦୌଡ଼ି ପଳାଇଥିଲା ।
ଗୋବିନ୍ଦା କହନ୍ତି, ମୁଁ ଜାଣିଥିଲି କି ଚିତାବାଘ ମୋ ଜୀବନ ନେଇଯିବ । ଏଣୁ ମୁଁ ଦମ୍ ଲଗାଇ ତା ସହ ଲଢ଼େଇ କଲି। ଯାହା ଫଳରେ ଚିତାବାଘ ଘଟଣାସ୍ଥଳରୁ ପଳାଇଥିଲା । ଗୋବିନ୍ଦା ଆହତବସ୍ଥାରେ ଗ୍ରାମରେ ପହଞ୍ଚିବା ପରେ ତାଙ୍କୁ ଡ଼ାକ୍ତରଖାନାକୁ ଚିକିତ୍ସା ପାଇଁ ପଠାଯାଇଥିଲା ।