ଏଣିକି ସହରର ସାର୍ବଜନିକ ଶୈାଚାଳୟକୁ ଖୋଜିବା ପାଇଁ ଆପଣଙ୍କୁ ହଇରାଣ ହେବାକୁ ପଡିବନି : ମୋବାଇଲ ଆପ୍ ଦେଖାଇବ ଶୈାଚାଳୟର ରାସ୍ତା
କୈାଣସି କାମରେ ଘରୁ ବାହାରକୁ ଯାଉଛନ୍ତି, ତେବେ ସମସ୍ତଙ୍କୁ ମଝିରେ ମଝିରେ ଶୈାଚାଳୟର ଆବଶ୍ୟକତା ପଡେ । ଏମିତିରେ ଲଘୁଶଂକା ପାଇଁ ଶୈାଚାଳୟ ନମିଳିଲେ ଆହୁରି ଅସୁବିଧା ହୋଇଯାଏ । ଗୋଟିଏ ପଟେ ବ୍ଲାଡର ଉପରେ ଚାପ ପଡୁଥିବା ବେଳେ ଅନ୍ୟ ପଟେ ସ୍ୱଚ୍ଛତାର ଦାୟିତ୍ୱ । ଏମିତିରେ ଲାଗେ କାଳେ କୈାଣସି ମୋବାଇଲ ଆପ ଥାନ୍ତା, ଯାହା ଶୈାଚାଳୟର ଠିକଣା ଜଣାଇବ ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କ ଏହି ସମସ୍ୟାକୁ ଦେଶର ଗୋଟିଏ ସହର ଠିକରେ ବୁଝିଛି ଏବଂ ଏହି ସହରରେ ସ୍ଥିତ ପବ୍ଲିକ ଟଏଲେଟ ଅର୍ଥାତ୍ ସାର୍ବଜନିକ ଶୈାଚାଳୟକୁ ଖୋଜିବା ପାଇଁ ଆପଣଙ୍କୁ ହଇରାଣ ହେବାକୁ ପଡିବନି । ଲୋକଙ୍କ ସମସ୍ୟାକୁ ଦେଖି ଛତିଶଗଡରେ ରାଜନାଂଦଗାଁ ନଗର ନିଗମ ବିଶେଷ ଭାବରେ ଏକ ଟଏଲେଟ୍ ଲୋକେଟର ଆପ ପ୍ରସ୍ତୁତ କରିଛନ୍ତି । ଏହି ଆପରେ ସହରର ସମସ୍ତ ଟଏଲେଟକୁ ଅପଡେଟ୍ କରାଯାଇଛି । ଗୁଗଲ ମ୍ୟାପରେ ଟଏଲେଟ୍ ଲୋକେଟର ସର୍ଚ୍ଚ କରୁ କରୁ ସହରର ସମସ୍ତ ଟଏଲେଟ୍ ର ଲୋକସେନ ଜଣାପଡିଯାଏ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୁତ୍ରପାତ ସ୍ୱଚ୍ଛ ଭାରତ ଅଭିଯାନ ମିଶନ ଅଧିନରେ ନିଗମ ଏହି ଆପ୍ ପ୍ରସ୍ତୁତ କରିଛନ୍ତି । ସ୍ୱଚ୍ଛତା ସର୍ବେକ୍ଷଣ ସୂଚୀରେ ସହରକୁ ଭଲ ସ୍ଥାନ ମିଳିପାରୁ ବୋଲି ।
ନିଗମର ଏହି ଲୋକେଟର ଆପ୍ ରେ ହସପିଟାଲ, ଅଫିସ, ମଲ୍, ସୁଲଭ ଶୈାଚାଳୟ, ମଡ୍ୟୁଲାର ଟଏଲେଟ ର ସମସ୍ତ ତଥ୍ୟ ଦେବ । ନିଗମ ସହରର ସାର୍ବଜନିକ ଶୈାଚାଳୟ ଉପରେ ବିଶେଷ ଧ୍ୟାନ ରଖିବା ପାଇଁ ଫିଡବ୍ୟାକ ମେସିନ୍ ରେ ଲଗାଯାଇଛି । ୟୁଜର୍ସ ଶୈାଚାଳୟର ବ୍ୟବହାର କରିବା ପରେ ନିଜର ଫିଡବ୍ୟାକ ବି ଦେଇପାରିବେ । ଏହା ଦ୍ୱାରା ସହରର ପବ୍ଲିକ ଟଏଲେଟ୍ କୁ ସହଜରେ ଜାଣିପାରିବେ ।