ନିଆରା ପ୍ରତିବାଦକୁ ବିଶ୍ୱବ୍ୟାପୀ ପ୍ରଶଂସା : ଲାଇଭ୍ ଟିଭିରେ ଛୋଟ ଝିଅକୁ କୋଳରେ ବସାଇ ଦୁଷ୍କର୍ମକୁ ନିନ୍ଦା କଲେ ପାକିସ୍ତାନୀ ଉପସ୍ଥାପିକା
ଇସଲାମାବାଦ : ପାକିସ୍ତାନର ପଂଜାବ ପ୍ରାନ୍ତରେ ବୁଧବାର ଦିନ ଘଟିଛି ଏକ ଅମାନୁଷିକ ଘଟଣା । ୮ ବର୍ଷର ନାବାଳିକାକୁ ଦୁଷ୍କର୍ମ ଓ ପରେ ହତ୍ୟା କରିବା ନେଇ ଖବର ଏବେ ଚର୍ଚ୍ଚା ପାଲଟିଛି । ଏହି ମାମଲାକୁ ନେଇ ଏହା ବିରୋଧରେ ଅନେକ ହିଂସାତ୍ମକ ପ୍ରଦର୍ଶନ କରାଯାଉଛି । ବିଶ୍ୱସ୍ତରରେ ଖୁବ୍ ଶୀଘ୍ର ଏକ ସମ୍ବେଦନଶୀଳ ଘଟଣା ପାଲଟିଯାଇଛି । ପାକିସ୍ତାନର ଜଣେ ନ୍ୟୁଜ୍ ଚ୍ୟାନେଲର ଉପସ୍ଥାପିକା ଏହି ହୃଦୟଥରା ଘଟଣାକୁ ଏକ ଭିନ୍ନ ଅନ୍ଦାଜରେ ବିରୋଧ କରିଛନ୍ତି । ସମା ଚ୍ୟାନେଲର ଏହି ଉପସ୍ଥାପିକା ଜଣକ ଏହି ଘଟଣାର ବିରୋଧରେ ନିଜର କୁନି ଝିଅକୁ ନେଇ ଷ୍ଟୁଡିଓରେ ପ୍ରବେଶ କରିଥିଲେ । ଏବଂ ହତ୍ୟା କରାଯାଇଥିବା ନାବାଳିକାର ଖବର ପଢିବା ବେଳେ ତାଙ୍କ ଝିଅ ବି ସାଥିରେ ବସିଥିବାର ନଜର ଆସିଥିଲା ।
Kanak News is now on WhatsApp
Join and get latest news updates delivered to you via WhatsApp
କିରଣ ନାଜ ନାମକ ଏହି ଉପସ୍ଥାପିକା ନିଜର ଝିଅକୁ କୋଳରେ ବସାଇ ଏହି ଖବର ପଢୁଥିଲେ । ଏବଂ ଏହା ଖୁବ୍ ଭାବୁକ ନଜରରେ ନ୍ୟୁଜ ପଢୁଥିବା ସହ ଏହି ଘଟଣାକୁ ଭାବାବେଗ ଢଙ୍ଗରେ ଉପସ୍ଥାପନା କରୁଥିଲେ । ନିଜ ପ୍ରୋଗ୍ରାମର ଆରମ୍ଭରେ କିରଣ କହିଥିଲେ , ‘ ଆଜି ମୁଁ କିରଣ ନାଜ ନୁହେଁ , ଜଣେ ମା ଭାବେ ଏଠି ବସିଛି । ।’ ଏହା ସହ କିରଣ ଏହି ଭିଡିଓ ଜରିଆରେ ଦେଶର ନ୍ୟାୟ ବ୍ୟବସ୍ଥା ଉପରେ ପ୍ରଶ୍ନ ଉଠାଇଥିଲେ । ଏବଂ କହିଥିଲେ ଆଜି କୌଣସି ସରଳ ଶିଶୁର ସ୍ୱର ନୁହେଁ ପୁରା ମଣିଷପଣିଆର ସ୍ୱର ଉଠିଛି ।
ସୂଚନା ଅନୁସାରେ ସେହି ପିଲାଟି ଗତ ଗୁରୁବାର ଦିନ ରୋଡ କୋଟ ଅଂଚଳରେ ନିଜ ଘର ପାଖରେ ଟ୍ୟୁସନକୁ ଯାଇଥିଲେ । ତାଙ୍କର ଅପହରଣ କରିନିଆଯାଇଥିଲା । ଏହାପରେ ସଂପୃକ୍ତ ପରିବାର ଲୋକଙ୍କୁ ଏକ ଭିଡିଓ ମିଳିଲା । ଯେଉଁଥିରେ ନାବାଳିକାଟି କୌଣସି ଅଜଣା ବ୍ୟକ୍ତି ସହ ପିରୋବାଲା ରୋଡରେ ନଜର ଆସିଥିଲେ । ଏହି ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ସାଜିଛି । ମଙ୍ଗଳବାର ଦିନ ନାବାଳିକାଙ୍କୁ ଖୋଜିବାରେ ନିଯୁକ୍ତ ଏକ ପୁଲିସ୍ କନେଷ୍ଟବଳଙ୍କୁ ଏକ ପାଇଲ୍ ଭିତରୁ ପିଲାର ଶବ ମିଳିଲା । ପୁଲିସ୍ କହିଥିଲେ କି ଏହି ପିଲାର ୪-୫ ଦିନ ପୂର୍ବରୁ ହତ୍ୟା କରିଦିଆଯାଇଛି । ପଂଜାବର ମୁଖ୍ୟମନ୍ତ୍ରୀ ଶହବାଜ ଶରିଫ ଅପରାଧିମାନଙ୍କୁ ତୁରନ୍ତ ଗିରଫର ଆଦେଶ ଦେଇଛନ୍ତି । ଏବଂ ଏହାସହ କହିଛନ୍ତି ସେ ନିଜେ ବ୍ୟକ୍ତିଗତ ଭାବେ ମାମଲାକୁ ତଦାରଖ କରିବେ ।
(ସୌଜନ୍ୟ-ନବଭାରତ ଟାଇମ୍ସ)