ଟଏଲେଟ ଠାରୁ ଅଧିକ ମଇଳା ଆପଣ ବ୍ୟବହାର କରୁଥିବା ଏହି ସବୁ ଜିନିଷ ।
ଶୌଚାଳୟରେ ବ୍ୟବହାର କରାଯାଉଥିବା ପ୍ୟାନକୁ ଲୋକମାନେ ସାଧାରଣତଃ ସବୁଠାରୁ ଅପରିଷ୍କାର ବୋଲି ଭାବନ୍ତି ।
ଶୌଚାଳୟରେ ବ୍ୟବହାର କରାଯାଉଥିବା ପ୍ୟାନକୁ ଲୋକମାନେ ସାଧାରଣତଃ ସବୁଠାରୁ ଅପରିଷ୍କାର ବୋଲି ଭାବନ୍ତି । ସେଥିରେ ଅଧିକ ବ୍ୟାକ୍ଟେରିଆ ଥାଏ ବୋଲି ଲୋକମାନଙ୍କ ଧାରଣା ରହିଛି । ଯାହାପାଇଁ ଲୋକମାନେ ପ୍ରତିଦିନ ଶୌଚାଳୟ ପ୍ୟାନକୁ ଭଲ ଭାବରେ ସଫା କରିଥାନ୍ତି । କିନ୍ତୁ ଆପଣମାନେ ଜାଣିଛନ୍ତି କି? ଆପଣ ପ୍ରତିଦିନ ବ୍ୟବହାର କରୁଥିବା ଜିନିଷରେ ଶୌଚାଳୟ ପ୍ୟାନଠାରୁ ଅଧିକ ବ୍ୟାକ୍ଟେରିଆ ରହିଥାଏ । କିନ୍ତୁ ଆପଣମାନେ ତାହାକୁ ସଫା ନ କରି ବ୍ୟବହାର କରି ଚାଲିଥାନ୍ତି । ଆସନ୍ତୁ ଜାଣିବା ସେ ସବୁ ଜିନିଷ ବିଷୟରେଟ୍ଟ
Kanak News is now on WhatsApp
Join and get latest news updates delivered to you via WhatsApp
୧. ପ୍ରାୟତଃ ଯୁବତୀମାନେ ମେକଅପ୍ କରି ସାରିବା ପରେ ମେକଅପ୍ ବ୍ରଶକୁ ସଫା ନ କରି ନିଜ ବ୍ୟାଗରେ ରଖି ଦେଇଥାନ୍ତି । ଯାହାଦ୍ୱାରା ବ୍ୟାକ୍ଟେରିଆ ମେକବ୍ରଶରେ ଲାଗି ରହି ଯାଇଥାଏ । ଏହାକୁ ପରେ ପୁଣି ଥରେ ବ୍ୟବହାର କରିବା ଦ୍ୱାରା ଏହା ପୁଣି ମୁହଁରେ ପହଞ୍ଚି ଯାଇଥାଏ । ଯାହାଦ୍ୱାରା ତ୍ୱଚା ସଂକ୍ରମଣ ହେବାର ଆଶଙ୍କା ରହିଥାଏ । ତେଣୁ, ମେକଅପ୍ ବ୍ରଶକୁ ସଫା କରି ବ୍ୟବହାର କରନ୍ତୁ ।
୨. ଆପଣ ଘରକୁ ସଫା କରିବା ପାଇଁ ଝାଡ଼ୁର ବ୍ୟବହାର କରିଥାନ୍ତି । କିନ୍ତୁ ଏହା ଆପଣଙ୍କ ଘରକୁ ସଫା କରିବା ପରିବର୍ତ୍ତେ ଅପରିଷ୍କାର କରିଥାଏ । ଝାଡ଼ୁରେ ବ୍ୟାକ୍ଟେରିଆ ଲୁଚି ରହିଥାଏ । ଏହାକୁ ଘର ସଫାରେ ବ୍ୟବହାର କରିବା ଦ୍ୱାରା ବ୍ୟାକ୍ଟେରିଆ ଗୁଡ଼ିକ ଘରେ ପ୍ରସାରିତ ହୋଇ ଯାଇଥାଏ ।
୩. ସ୍ମାର୍ଟଫୋନର ବ୍ୟବହାର ଆପଣ ସାରାଦିନ କରିଥାନ୍ତି । କିଛି ଲୋକ ଏହାକୁ ଶୌଚାଳୟ ଯିବା ସମୟରେ ମଧ୍ୟ ବ୍ୟବହାର କରିଥାନ୍ତି । ଯାହାଦ୍ୱାରା ଶୌଚାଳୟର ବ୍ୟାକ୍ଟେରିଆ ଫୋନ ଉପରକୁ ଆସି ଯାଇଥାଏ । ସେହି ବ୍ୟାକ୍ଟେରିଆ ଯୁକ୍ତ ଫୋନକୁ ପୁଣି ଥରେ ବ୍ୟବହାର କଲେ ତାହା ଶରୀରରେ ଅନେକ ପ୍ରକାରର ରୋଗ ସୃଷ୍ଟି କରିଥାଏ । ତେଣୁ ନିଜକୁ ସୁସ୍ତ ରଖିବା ପାଇଁ ହେଲେ ଏହି ସବୁ ଜିନିଷ ଉପରେ ନଜର ରଖିବାକୁ ପଡିଥାଏ ।